مرسيدس زلموكة 93 زيتي مسروقة e200

مرسيدس e200
موديل 1993 ... اخر 93 , يعني ممكن يتعمل عنها اعلان انها 94
ملاكي الفيوم 6910
رخصة السيارة ورقية ( الرخصه القديمة )
اللون زيتي , فرش اسود
مانيوال

السيارة تمت سرقتها عام 1995 و كانت عاملة 5000 كم فقط و طبعا اتسرقت بمفتاحها في ظروف معينه و تمت رؤيتها اول مرة بالقاهره مرتين من شخصين مختلفين عام 1998 و لكن لم يتم التوصل لشيء

طبعا صاحبها كان نسي الموضوع ..

لحد من حوالي 4 ايام جاله تاجر سيارات او سمكري من محافظة الفيوم برده ( السيارة ملاكي الفيوم و صاحبها ايضا من محافظة الفيوم ) و قاله انا بالصدفه كنت رايح اتفرج على عربية مرسيدس في مصر الجديده لقيتها عربيتك بنفس المواصفات و قال انه شافها في فيلا في مصر الجديده و ان صاحبة العربية معاها الرخصه الورقية ( الرخصه القديمه ) و لسه بأسمك ( بأسم صاحب العربيه لسه ) و وضح رقم الشاسيه و الموتور و لما قالها ان صاحبها موجود قالتله اشتريها بأي حاجه علشان مش عايزه مشاكل !

صاحب العربية قاله قولي هي فين و هنحل الموضوع ودي و هراضيها بأي حاجه و انت ليك 5000 جنيه رفض

المهم انه رافض يقول فين الفيلا او مين الناس و عايز ياخد مبلغ كبير , اتعرض عليه لحد 10000 مش موافق و عايز ياخد 50000 جيه و يجيب هو العربيه !

طبعا وصف العربيه في خربوش في الجنب اليمين من ورا و ده كان فيها من قبل السرقة معمول بمسمار , و قال كمان فيها سمكرة في جزء من الكبوت و الرفرف الامامي و وضح انها مركونه من 10 سنوات عند الناس دول و قال انهم شايلين النمر و حطينها ورا الازاز الخلفي

انا شاكك انه اشتراها مثلا بـ 5000 جنيه لأنها ملهاش اي لازمة عند اي حد و يمكن لو اتقطعت مش هتجيب حاجه لعدم وجود افراج للموتور و لا اي اوراق ملكية غير انها متبلغ عنها

طبعا هو رافض ال 10000 جنيه و بيدعي انه بيحاول يتفاوض مع الناس علشان يقنعهم بال 50000 ان وافقو لانهم بيقولولو دي تسوى 170 الف !! و بيقول انهم رافضين يتعاملوا مع حد غيره !!!

طبعا هي متسواش المبلغ ده و معاهم و هي مسروقه متسواش اصلا 10000 جنيه
و برده قال انه كان عايز يشتريها و يركبها بس قال عيب يركبها قدام صاحبها !!!!

الله يكرمكم اي حد عنده فكره عن جراجات فيها عربيات مرفوعه في اي مكان او في مصر الجديده بالتحديد يسأل عنها او لو حد شافها يقولنا شافها فين مركونة او ماشية او الي عنده اقتراح للموضوع كله و جزاكم الله كل خير

شكله نصاب انتو قولو ماشي وجيبوه البيت عندكم وافعصوه واعصروه عشان يقول العربية فين

اقتباس:

---

المشاركة الأصلية كتبت بواسطة ali_333

شكله نصاب انتو قولو ماشي وجيبوه البيت عندكم وافعصوه واعصروه عشان يقول العربية فين

---

هو حاليا الفكره المطروحه هي قاعدة عرب و اخواته ييجو و الجيران و الناس الي ماشيه في الشارع كمان و نشوف الراجل ده صح و لا لأ و ممكن ندخل اسمه في البلاغ و هو اصلا بيتاجر في العربيات و لازم الناس تعرف هي ايه بالظبط !!

المشكله انه متخيل انه صح و يقولك ايه انا لازم احرص عالناس دي دي ناس محترمة و رافضين اني اقول هما مين طيب يا عم مهما عرضوا عليك العربيه و قالولو اصلا خدها من غير ورق هي اصلا من غير ورقا متسوايش 10 مش تقولي نفكر في ال 50 !!


و الله يا باشا شكله كده مش تمام فعلا
قابلناه انهارده قعد يقول انه خايف احسن نبلغ عالناس و دول ناس محترمين و مش عارف ايه
قلتله طيب اشتروا عربيه مسروقه ليه ؟!
قالي مهو اي حد بيشتري بعقد ابتدائي و بيدفع نص تمن العربيه
اقوله يا عم مهو بنشوف ورق العربيه الاول و بنشتري من المالك مباشرة يعني الرخصه باسم الشخص الي بيكلمني
و مش هشيل انا ذنبهم و لا هدفع تمن سذاجتهم هما مستهترين هما ناس ساذجه هما اتنصب عليهم ده مش موضوعي ده غلطهم مش غلطي

برده مفيش فايده يقول ايه هما عايزين 70 الف او صاحب العربيه ياخد 30 و يسجلهالهم

طيب يا عم هات انت 75 و نسجلك يقولك اقولهم تكلمه بعد ساعتين يقولك هرد عليك بكره

السر فالي جه بيتكلم علي العربية وبعدين رفض يقول
ده الي هيجيب العربية
الباقي عليكم
والله اعلم ..

شكله نصاب وش

فى عربية مرسيدس زلموكة زيتى وفرش جلد اسود لكن اتوماتيك جايز يكون عملها اتوماتيك مثلا كانت مسروقة بالمنصورة واتمسكت لكن مش عارفين دى بتاعت مين لان هما شايلين رقم الشاسيه والماتور وكان مركب عليها ارقام جديدة جايز تكون بتاعت حضرتك هى فى قسم تانى المنصورة وهتأكد لحضرتك

اقتباس:

---

المشاركة الأصلية كتبت بواسطة mr mostafa

فى عربية مرسيدس زلموكة زيتى وفرش جلد اسود لكن اتوماتيك جايز يكون عملها اتوماتيك مثلا كانت مسروقة بالمنصورة واتمسكت لكن مش عارفين دى بتاعت مين لان هما شايلين رقم الشاسيه والماتور وكان مركب عليها ارقام جديدة جايز تكون بتاعت حضرتك هى فى قسم تانى المنصورة وهتأكد لحضرتك

---

جزاك الله خير يا استاذ مصطفى بعت لحضرتك رسالة

ده ملوش غير حل واحد ... يتوصي عليه توصيه محترمه في القسم و هناك هيعرفوا يجيبوا المعلومات منه غصب عنه ... ناس محترمين ايه اللي عندهم عربيه مسروقه و عارفين صاحبها و بيساوموه علي فلوس دول و بعدين معلش هو منين حضرتك مصدق ان العربيه في مصر الجديده اصلا ما جايز يكون مخبيها في اي حته تانيه و لا يكون عرف بالصدفه ان كان عندك عربيه مسروقه من ٢٠ سنه و بيعمل التمثيليه دي علشان ياخد منك الحلاوه و يهرب بعد كده . دي صدف و لا الافلام الهندي سمكري من نفس محافظتك يروح يتفرج علي عربيه في محافظه تانيه و تطلع صدفه العربيه اللي بتدور عليها من ٢٠ سنه. طيب ليه ما يكونش ليه علاقه بحادثه السرقه و مخبيها و طبعا زي ما حضرتك قلت العربيه متبلغ عنها فمش هيعرف يبيعها و لو قطعها مش هيكسب فيها كويس قالك اعمل التمثيليه دي و ارجعها لصاحبها و اخد منه مبلغ محترم و لا من شاف و لا من دري و يخلص الموضوع علي كده

أية فيلم و أسلاماة دة ؟

اي ظابط معرفه ياخد الوحش دا علي القسم هيخليه يجيب كل الي عنده

اقتباس:

---

المشاركة الأصلية كتبت بواسطة land_cruiser

ده ملوش غير حل واحد ... يتوصي عليه توصيه محترمه في القسم و هناك هيعرفوا يجيبوا المعلومات منه غصب عنه ... ناس محترمين ايه اللي عندهم عربيه مسروقه و عارفين صاحبها و بيساوموه علي فلوس دول و بعدين معلش هو منين حضرتك مصدق ان العربيه في مصر الجديده اصلا ما جايز يكون مخبيها في اي حته تانيه و لا يكون عرف بالصدفه ان كان عندك عربيه مسروقه من ٢٠ سنه و بيعمل التمثيليه دي علشان ياخد منك الحلاوه و يهرب بعد كده . دي صدف و لا الافلام الهندي سمكري من نفس محافظتك يروح يتفرج علي عربيه في محافظه تانيه و تطلع صدفه العربيه اللي بتدور عليها من ٢٠ سنه. طيب ليه ما يكونش ليه علاقه بحادثه السرقه و مخبيها و طبعا زي ما حضرتك قلت العربيه متبلغ عنها فمش هيعرف يبيعها و لو قطعها مش هيكسب فيها كويس قالك اعمل التمثيليه دي و ارجعها لصاحبها و اخد منه مبلغ محترم و لا من شاف و لا من دري و يخلص الموضوع علي كده

---

و الله كل الناس بتقول انه يا نصاب يا العربية عنده فعلا و الموضوع كله هيروح القسم

اقتباس:

---

المشاركة الأصلية كتبت بواسطة manola

أية فيلم و أسلاماة دة ؟

---

عشان العربية مسروقة من زمان يعني ؟ ده كده الحكاية باختصار يعني .. ربنا يعوض بالخير ان شاء الله

اقتباس:

---

المشاركة الأصلية كتبت بواسطة ahmed metwaly

اي ظابط معرفه ياخد الوحش دا علي القسم هيخليه يجيب كل الي عنده

---

دي الخطوة الحالية ان شاء الله و تم الاتفاق على ميعاد مع ضابط محترم من مكافحة سرقة السيارات هيتولى موضوع الاخ ده ان شاء الله

اقتباس:

---

المشاركة الأصلية كتبت بواسطة bmw3m007

دي الخطوة الحالية ان شاء الله و تم الاتفاق على ميعاد مع ضابط محترم من مكافحة سرقة السيارات هيتولى موضوع الاخ ده ان شاء الله

---

هو الظابط هيخليه يقر بكل حاجه بطريقته كان حصل موضوع مشابه واحد اخد فلوس من الحاج علي اساس شغل ومضي علي وصل امانه ولما كلمنا الراجل الي جايبه لولدي قاله مش معايا ادفع وهو مغلبني وحوارات كتير والواد سافر بره عشان ميدفعش الفلوس رجع تاني بعد سنه يا ابني هات الفلوس طيب تخد ربع الفلوس طيب مش عارف ايه
كلمنا واحد معرفه وجبناه وقعد خلي اخواته دفعو الفلوس

اقتباس:

---

المشاركة الأصلية كتبت بواسطة ahmed metwaly

هو الظابط هيخليه يقر بكل حاجه بطريقته كان حصل موضوع مشابه واحد اخد فلوس من الحاج علي اساس شغل ومضي علي وصل امانه ولما كلمنا الراجل الي جايبه لولدي قاله مش معايا ادفع وهو مغلبني وحوارات كتير والواد سافر بره عشان ميدفعش الفلوس رجع تاني بعد سنه يا ابني هات الفلوس طيب تخد ربع الفلوس طيب مش عارف ايه
كلمنا واحد معرفه وجبناه وقعد خلي اخواته دفعو الفلوس

---

ان شاء الله و الله كنا مأجلين موضوع القسم ده للآخر عشان الحاج طيب و دايما يقولي مش عايز اضر حد و عشان كده مشي معاه بكل الطرق ,, كل معارفه اتصلنا بيهم و قلنا الي تقولو عليه قالو عليه ولاوع و مش سالك و اهله ايديهم منه و الارض فاحنا فعلا عملنا الي علينا
احنا في كل الاحوال و الله شايلين الموضوع من دماغنا يعني من زمان
بس هو يا إما جاي ينصب يا اما فعلا هو الي سارق العربية يا اما عرف و مش عايز يقول و دي تتساوى مع السرقه يعني كأنه سارقها برده
و في كل الاحوال لازم ياخد جزائه
و ربنا موجود :)
و انا متشكر جدا لاهتمام حضرتك يا استاذ احمد و في كمان الاستاذ مصطفى بيقول ان في عربية في المنصورة ربنا يجازيه كل خير و ان شاء الله ربنا يسهل الحال

ربنا معاكم وان شاء الله العربية ترجعلكم
ابقى طمنا وصلت لاية