انا تعبت والله

**ahmed4000** · 30-01-2013 09:13 AM

يعنى انت حقوق..طيب والشغل المسائى ده فى مكتب محامى؟
وشغل الحكومة ايه؟ ياريت بس توضحلنا علشان حد يقدر ينصحك على بينة

**friendship7897** · 30-01-2013 01:35 PM

ربنا يوفقك إن شاء الله ، وإليك بعض نصائحي :
أولاً : أحمد ربنا حمداً كثيراً إن ربنا وفقك في شغل ولو اللي أنت فيه بالمرتب الصغير اللي أنت بتقول عليه ، لأن فيه شباب كتير مش لاقي أي شغلانه ( أي شغلانه !) ومضطر ينام طول النهار هروباً من همه ومن أهله اللي كل شوية يتذمروا من قاعدته ( قال يعني بمزاجه ) .
ثانياً : زود صلاتك وشكرك وإستغفراك لله ( ومن يتق الله يجعل له مخرجاً ويرزقة من حيث لا يحتسب ) ، ودا هينور بصرتك وهتلاقي الأمور بتتفتح إدامك .
ثالثاً : ضع أهداف بناءه أمامك ( تعليمية وعملية / إجتماعية ) ، وإن شاء الله ربنا يوفقك .
رابعاً : زود سقف طلباتك في العمل الحالي ، يعني بما أنك بتشتغل كويس أطلب من مديريك ترقيتك أو زيادة مرتبك أو نقلك في موضع أفضل ، علشان مش بعد كام سنة تلاقي نفسك كما كنت ، وخصوصاً أنك لازم في ظل ظروف البلد دلوقتي لا تتخلى عن هذا العمل الحكومي كفترة صباحية أساسية .
خامساً : البحث عن عمل فترة مسائية ويكون مجزي وله مقابل مادي ، وبما أنه مش أساسي يمكنك التنقل من عمل إلى أخر حتى تستقر على عمل مناسب ويزيد من خبراتك .

وربنا يوفقك إن شاء الله

**ابو لؤى** · 30-01-2013 02:55 PM

اشتغل سواق فى معرض مثلا

**alaa m** · 30-01-2013 04:49 PM

المشاركة الأصلية كتبت بواسطة moody_687

ياجماعة انا بشتغل شئون قانونية ف هيئة حكومية بعقد مؤقت والمواعيد بتخلص 2 ظ وزي مانتم عارفيين ان مرتب الحكومة مش بيكفي وبالفعل اشتغلت شغلانة تانية بعد الظهر الساعة 5 ومكنتش جايبة همها لو اتاخرت عن الميعاد 10 دقايق بيتخصم من المرتب ناهيك عن تبويظ الاعصاب والجري بالعربية عشان كنت بروح ع 3 ولحد ماانزل تانى واوصل ع ميعاد الشغل التانى فكانت اعصاب الواحد بتكون بايظة ع 500 ج فسيبت الشغل وفوقت لاستكمال دراسة الماجستير وان شاء الله قربت اخلصه
فارجوكم انا مش عارف اعمل ايه بعد ماخلص الماستر اكمل دراسة انجليزي لحد مااتثبت ف شغل الحكومة وبعدين اسافر ولا اعمل مشروع صغير محترم وحد يشاركني فيه ولا ادور ع شغل تاني بمرتب كويس ؟؟؟ ارجوكم افيدوني بارائكم

نصيحة منى انسى موضوع السفر للخارج وركز انك تاخد الماجستير وحاول تاخد كورسات اضافية فى مجال تخصصك سواء سواء فى مجال القانون او الادارة وربنا يوفقك للصواب

**moody_687** · 30-01-2013 04:56 PM

المشاركة الأصلية كتبت بواسطة ahmed4000

يعنى انت حقوق..طيب والشغل المسائى ده فى مكتب محامى؟
وشغل الحكومة ايه؟ ياريت بس توضحلنا علشان حد يقدر ينصحك على بينة

انا كنت شغال ف مكتب محاماه كبير ولكن مش بصفتي محامى وانما كنت مدخل بيانات قانونية ع الانترنت بس مشكلتي معاه ان النظام فيه كان شديد وع اد مااى نظام بيكون كويس بس عايز واحد متفرغ عشان التاخير كان بالخصم من المرتب وطلبت منهم انى اجى الساعة 6 مساءا بدل 5 رفضوا وطلبت منهم انى اجى بعد عملي الصباحى ع طول من غير ماافصل بين الشغلنتين رفضوا ايضا وده اللي خلانى اسيب الشغلانة المسائية
وانا بشتغل ف الحكومة شئون قانونية والحمدلله انى لقيتها عشان ف مجال عملي وانا طول عمرى بحب انى اكون محقق قانونى سواء عضو نيابة او شئون قانونية ف هيئة عامة او شركة خاصة والحمدلله ربنا وفقني وبفكر ف اى مجال اخر غير المحاماه بعد الظهر لكن مش لاقي للاسف

**moody_687** · 30-01-2013 05:00 PM

المشاركة الأصلية كتبت بواسطة friendship7897

ربنا يوفقك إن شاء الله ، وإليك بعض نصائحي :
أولاً : أحمد ربنا حمداً كثيراً إن ربنا وفقك في شغل ولو اللي أنت فيه بالمرتب الصغير اللي أنت بتقول عليه ، لأن فيه شباب كتير مش لاقي أي شغلانه ( أي شغلانه !) ومضطر ينام طول النهار هروباً من همه ومن أهله اللي كل شوية يتذمروا من قاعدته ( قال يعني بمزاجه ) .
ثانياً : زود صلاتك وشكرك وإستغفراك لله ( ومن يتق الله يجعل له مخرجاً ويرزقة من حيث لا يحتسب ) ، ودا هينور بصرتك وهتلاقي الأمور بتتفتح إدامك .
ثالثاً : ضع أهداف بناءه أمامك ( تعليمية وعملية / إجتماعية ) ، وإن شاء الله ربنا يوفقك .
رابعاً : زود سقف طلباتك في العمل الحالي ، يعني بما أنك بتشتغل كويس أطلب من مديريك ترقيتك أو زيادة مرتبك أو نقلك في موضع أفضل ، علشان مش بعد كام سنة تلاقي نفسك كما كنت ، وخصوصاً أنك لازم في ظل ظروف البلد دلوقتي لا تتخلى عن هذا العمل الحكومي كفترة صباحية أساسية .
خامساً : البحث عن عمل فترة مسائية ويكون مجزي وله مقابل مادي ، وبما أنه مش أساسي يمكنك التنقل من عمل إلى أخر حتى تستقر على عمل مناسب ويزيد من خبراتك .

وربنا يوفقك إن شاء الله

طبعا يااستاذة بحمد ربنا ف كل وقت الحمدلله انى وفقت ف عمل بس اللي بطلبه مش انى بتبتر ع نعمته بس حضرتك عارفة مرتب الحكومة مع ان ف هيئات بتاخد مرتب شهري كبير زى البنوك والضرائب لكن للاسف هيئتي بالرغم من انها بدخل فلوس ولكنها مرتباتها ف الحضيض
وللاسف مش ينفع اطلب من مديري نقلي او ترقيتي عشان ببساطة احنا حكومة مش شركة خاصة يرئسها شخص واحد انا ليا مواعيد بقعدها ف الدرجة بتاعتى
انا بالفعل بدور ع وظيفة مسائية وبمرتب مجزى بس للاسف مش لاقي وادينى بدور وبكمل ماجستير ف نفس الوقت وساعات بفكر انى اكمل الدكتوراه بس بسئل نفسي ماهما حملة الماجستير والدكتوراه اديهم بيعملوا مظاهرات وبيتحبسوا يبقى ايه لزمتها ؟؟!

**moody_687** · 30-01-2013 05:02 PM

المشاركة الأصلية كتبت بواسطة ahmed air

اشتغل سواق فى معرض مثلا

الاول الشغل مش عيب بالعكس السواق بيكسب احسن منى ومنك بس للاسف كل شخص وله قدراته مش معقول بعد الدرجات العلمية اللي باخدها واروح اشتغل سواق ف الاخر وشكرا لرئيك يااستاذي

**moody_687** · 30-01-2013 05:04 PM

المشاركة الأصلية كتبت بواسطة alaa m

نصيحة منى انسى موضوع السفر للخارج وركز انك تاخد الماجستير وحاول تاخد كورسات اضافية فى مجال تخصصك سواء سواء فى مجال القانون او الادارة وربنا يوفقك للصواب

واخرة الكورسات ايه مفيش غير الدكتوراه اللي بعد الماستر بس هعمل بيها ايه وانا مش عارف اعمل بالماستر حاجة وان شاء الله احتمال كبير هكمل للدكتوراه ومش هيأس بس ف ذات الوقت مش عايز انسى حوار الجواز اللي عايز مرتب حلو عشان الواحد يقدر يفتح بيت لكن مرتبي مش ينفع الا لشاب اعزب

**ابو لؤى** · 30-01-2013 05:33 PM

على فكره انا مش عايزك تزعل منى من موضوع سواق فى معرض ده انا راجل موظف طيران وفكرت فى اوقات كتيرلمه السياحه وقعت ايام الثوره وسيبت الشركه انى اروح معرض تأجير سيارات مثلا ياريت تكون فهمت قصدى

**moody_687** · 30-01-2013 10:19 PM

لا ياباشا انا مش زعلت ولا حاجة عشان كما انا احترم فالسواق ايضا يحترم كلها مهن شريفة ولا يستعار منها انسان كل ماف الامر ان كل واحد مؤهل لشغل وظيفة معينة بمؤهلات معينة