-
مطلوب مساعدة شيري لونج
[overline]السلام عليكم ورحمة الله وبركاتة
تحية لكل الاعضاء المنتدي المحترمين
ارجوكم انا عضو جديد محتاج منكم تقييم للسيار ة شيري لونج 2006 من حيث الاداء والمتانة وقطع الغيار ومتوسط اسعارها وفين اماكنها خاصة انا ساكن في شبرا.
* كمان محتاج تسعيير للسيارة دى عشان معروض ادامي واحدة وبصراحة عجبانى جدا هي فبريكة برة وجوة بس فية حبة حاجات كدة محتاجة تطبيط زي الاكصدام في شرخين ممكن يتعالجوا ومحتاجة شبكة عشان الشبكة مكسرة وفانوس اشارة خلفي وفبرة الباب الخلفي . ومحتاجة كونتكت عشان بيعلق .
وكمان في حكة خفيفة من الجنب. مع العلم انها عاملة 67000 كيلو ومعروضة عليا 32500 نهائي.
ارجو منكم ان تساعدونى بسرعة ياترى ممكن ولا مش هلاقي ردود عشان انا لسة جديد بقي واليش حد هنا[/overline]
-
الاخ مصطفى يسري مرحبا بك في المنتدى بالنسبه للشيري لونج وانا بتكلم عن تجربتي انا برغم ان العربيه تعباني شويه وده ممكن لاني واخدها معكعكه وكمان لاني من اهل الاسكندريه فاجد ندره في الميكانيكي الفهمان ليها وكذلك الكهربائي فضلا عن قطع الغيار لكن دي مش مشكله بلاقيها وكمان لها بدائل كتير لكن في العموم العربيه ممتازه وعمرها ما كسفتني حتى في اسوا حالاتها لكن في المنتدي اخبار كتيره تهمك ممكن تحقق نفسك فاجتهد قليلا وربنا يوفقك
-
الف شكر علي الرد بس انا يهمنى اوى اعرف السعر مناسب ليها ولا لا عشان خايف اكون بشتري بسعر اغلي من السوق
-
لو العربيه على نفس المواصفات يعني كل حاجه شغاله الايرباج والفرامل ال اه بي اس والتكييف وعلى حسب ما قلت ان العربيه ماشيه67000 اما الباقي ما يعيبش العربيه فانوس اشاره الفانوس الخلفي الواحد كله عندنا في الاسكندريه ب75 جنيه المفروض في مصر ارخص والشبكه مش حتعدي ال120 واما الحكه فاي عربيه النهارده معرضه للحكات والخربشات عادي يعني ومن كل اللي فات اعتقد ان سعرها كويس ده على كلامك في وصفها وصدقني العربيه دي مخدتش حقها ولما كانت نازله في سنتها كانت اغلي من الانوس والفيرنا
-
الف شكر ياباشا علي ردك وعلي انط طمنتينى وهي فعلا بنفس الحالة اللي قلتلك عليها
-
السعر مناسب و الشبكة انا لسة جايبها ب 100 جنيه و 10 جنيه لعلامة شيرى بس انا ركبت القديمة
وهى عربية ممتازة ماشاء الله و موفرة للبنزين
-
-
انا اشتريتها بالفعل بس في مشكلة
في مشكلة في استهلاك النزين (فولت ونص التنك خلص علي 120 كيلو بس اعمل اية)
-
الاخ مصطفى كده الاستهلاك غير عادي بالمره انا رحت مطروح من الاسكندريه باقل من 1/2 التنك حوالي 32 لتراكتر من 320كيلوالمسافه من اول البنزينه داخل الاسكندريه الى البنزينه داخل مطروح طبعا الاستهلاك بيزيد في الزحمه لكن مش بنفس الطريقه...ربما الاستاذ طارق او الاستاذ احمد او غيرهم من الافاضل يدلك على العيب
-
الف شكر ياجماعة بس ياريت حد من الخبراء يقولولي اعمل اية في مشكلة البنزين
Content Relevant URLs by
vBSEO 3.6.0 PL2