الموضوع: صحينا من النوم لاقينا كاوتش عربيات الشارع كله مضروبة بالمطواه !!!

نفس الموقف ولكن مش في مصر ولكن في الكويت وعربيه اخوي نذل الصبح لقي الاربع كاوتشات علي الارض كل فرده مضروبه ضربتين وتلاته بمطواه طبعا كان يوم اسود معاه وخصوصا ان الاربع كاوتشات مضروبين انا قلت له تصدق انك غلطان كان المفروض تطلعله الاستبن بالمره علشان يخلص عليه ههههههههههه فعلا شر البليه ما يضحك المهم بعد التقصي وانا طبعا عملت فيها كرومبو وهاتك يا اسئله واستفسارات وخصوصا ان عربيته بس الي اتعمل فيها كده وفضلت استفسر منه ليك مشاكل مع سكان العماره او مع الجيران او رخمت علي حد او حاولت تتحرش بواحده من الجيران او ركنت مكان حد او ركنت ركنه استفزازيه بحيث انك تبقي مبوظ ركنتين وكل الي يخطر علي بالك من استفسارات وكل اجاباته بالنفي المهم بعد اسبوع بالصدفه طالعين مع بعض وكان فيه واحد سوري الجنسيه وهو ساكن معانا في نفس العماره كان طالع بالعربيه بتاعته جيب جراند شيروكي موديلها ٢٠٠٠ تقريبا وطالع طلعه فول ثروتل واغلب طلعاته كده انا مفيش مره اشوفه طالع بعربيته الا ويطلع بيها امريكاني كده فا اخوي بيقلي ايه الشخص الكريه ده انا قلت اوبااااااا اوعي يكون حصل معاك حاجه معاه قلي من حوالي شهر تقريبا كان طالع نفس الطلعه ونا كنت قريب منه والتراب جه علي فأنا قلت له هو حضرتك كده مبسوط وبصيتله بصه احتقار وخصوصا ان الشخص ده قصير جدا يادوب طوله يتجاوز المتر بقليل وطبعا واضح جدا ان الشخص ده عنده نقص حاد في شخصيته بسبب قصر طوله طبعا انا قلت له هو ده الي ضربلك الكاوتشات بسبب ما حدث بينكم وخصوصا ان الشخص ده شغال في جراج ميكانيكا طبعا مارضيناش نعمل معاه حاجه خوفا ان احنا ممكن تكون استنتاجنا غلط وممكن نظلمه ولكن تشاء الظروف بعد حوالي شهرين تقريبا انه هو ينطرد من البنايه بسبب واحده من نفس جنسيته ساكنه في بنايه مجاوره ويعرفها شخصيا بسبب شغله بكراج الميكانيكا وتعرف تليفونه وكانت تتصل عليه لما تحب تعمل حاجه في العربيه وطبعا الاخ كان يحب يتودد اليها بذياده ويخليها تتصل عليه فمكانشي يعدي الشهر ويضربلها كاوتش وطبعا هي تتصل عليها علشان يغيره او يلحمه وهي ارتابت في الموضوع الكاوتش الي كل شويه يضرب ووصت حد يراقب العربيه من بعيد واتضح انه هو من وراء ذلك

أنا جبت قريب أربع فرد كاوتش gt وما شاء الله ممتاز جدا

جبت الواحدة على 270 تقريبا بس الكلام ده من حوال 3 شهور مش عارف بقى غلي وللا ايه ...


ربنا معاك ...


بس شفت حملة السفلتة اللي في البلد .... تماااااام ...:)

ربنا يعوض عليك
ونصيحة من مجرب ركب 185 وبلاش ال 165
ال 185 أحسن بكتيييير جدا في قوة الفرملة ده غير إنه بيدي ثبات أكبر