الموضوع: ليه الشركات مبتحترمش الايجبشن عميل ؟

عشان في الأول تلاقي حماسة وكله يقول هنعمل ونسوي وأنا معاك يا زناتي! وأول ما مصلحته تحتاج إنه يشتري من نفس التوكيل/المحل اللي متفق يقاطعه تلاقيه يقولك يعني أنا اللي هغير الكون! هههههههه وتحية للشعب المصري العزيم! بالزاي!

لاننا فالحين في البلطجة وقلة الادب والفهلوى

علشان تصرفات العملاء المصريين ... بيتنصب عليه و بيقول كمان
العربيات تعلي يروح يشتري
عربيتو يطلع فيها عيب ... يعد يدافع عن ماركه عربيتو و كانو صاحب الشركه علشان ميعترفش انو اختار غلط او انضحك عليه ...

[QUOTE=kimotop;3874781080]السلام عليكم

ليه الشركات في مصر و طبعا على قمة الهرم توكيلات السيارات مبتحترمش العميل المصري ؟

شوفنا شركات كتير زي فودافون و شركات الاتصالات مثلا بتغلي على مزاجها و تفرض ضرائب من وحي خيالها على العميل .

شوفنا شركة تسويق اليكتروني اسمها " جوميا او Jumia " بتعمل مسابقات وهمية و بتغلي في اسعار المنتجات و بتوصلك طلبك بعد ما توصل لارزل العمر برغم ان اعلانتها مالية الدنيا !! .

و الامثلة كتير حتى بياعين المحلات و السوبر ماركت معاملتهم احيانا زي قفاهم .

و اخيرا توكيلات السيارات و الصراحة الشتيمة واقفة في زوري و الصراحة محدش يقولي كل الغلط على الحكومة و الجهات الرقابية ، ايوة عليهم طبعا مسئولية كبيرة لكن احنا كعملاء لاي شركة ليه مبنعرفش نضغط عليهم علشان يتظبطوا شوية

ليه الناس كلها بتشتكي من التوكيلات و المعاملة الغير ادمية و برغم كدا بنرضخ و بنسكت زي ما بنسكت على حاجات كتير و الاحتجاجات لا تتعدى الحالات الفردية ؟

فين الجماعات و الروابط - جمع رابطة - و الاتحادات علشان يوجهوا مثل هذه المشاكل الي ممكن تتحل في يومين ضغط و يفضل تأثيرها مدى العمر ؟
مش لازم تكون متضرر علشان تقف جنب اخوك المتضرر لان ببساطة شديدة ممكن يجي يوم عليك و تبقى مكانه و محدش هيقف جنبك

اظن وسائل الاتصالات دلوقت مفيش اسهل منها فيا ريت تتفعل المواضيع دي و نجيب حقنا بنفسنا و بمنتهى الادب و الاخلاق و الاحترام .

و ان شاء الله الي جاي احسن و الناس الي بتاخد فلوسنا تدينا خدمات و معاملة محترمة .

وشكرا[/QUOTE
والله ياباشا حضرتك بتتكلم في موضوع مهم جدا جدا وتقريبا بيشمل اغلب معاملاتنا في البيع والشراء واحنا فعلا مهضوم حقنا كتير في الامور دي
بس للاسف دي كله بسبب ان احنا اللي مضيعين حقنا بايدينا ومننا اللي بيبقي متسامح بطبيعته او مابيشغلش باله اوي وأغلبنا بيبقي مش عارف الكيفيه اللي هايتصرف في الامور دي
رغم ان عندنا جهاز حماية مستهلك والمفروض يكون ليه دور اقوي من كده
انا شايف ان حضرتك أدرجت الحل وهو تكوين اتحادات اوي روابط لحماية المستهلك وياريت هنا في المنتدي نبتدي نتحرك في امر زي ده
ونفعل رابطه او اتحاد اوجمعيه اهليه خاصة بالامور المتعلقه بالسيارات والتوكيلات ومحلات قطع الغيار والاكسسوارات يعني الامور المتعلقه بالسيارات . بجد عايزين نأخذ المبادره لامر زي كده
وبعدها اكيد ان شاء الله هنلاقي روابط او اتحادات مماثله تتكون بعد كده

ببساطه احنا مش بني ادمين !

في كل حاجه

انا نفسي اعيش وسط بني أدمين