بدائل شبيهة لقطع الغيار من انواع سيارات اخرى

عربيتى هوندا 93 اس اى محتاج اغير جلد المقصات الخلفية وكمان جلد عدد 4 شداد خلفى
فى صنيعى قالى ان فى بديل وهو ان جلد المقصات الخلفية هو نفسة بتاع الالنترا وجلد الشدادات الخلفية هو نفسة بتاع الانســر 98


اية رايكم فى الكلام دة

معلش يعنى لو فرضا ان كلامة صح , هتركبة لية

الموضوع دة مش بيتعمل ياباشا غير فى 3 حالات :

1- الجلب دية بتبوظ بسرعة وناشفة

2- مش موجودة فى السوق

3- سعرها غالى جداااااااا

والحمد لله الثلاث حالات مش موجودين فى جلب المقصات بتاعة الهوندا

لانها متوافرة ( تايلاندى - اصلى توكيل - استيراد )

عمرها طويل جدااااااااااااا

جميلة جدا وممتازة

الجلب دية سعرها اصلى 400 جنية الاتنين وانساهم

سعرهم تايلاندى من 185-200 جنية على حسب التاجر

استيراد الاتنين كاملين بالمقص 300 جنية , لو هما لوحدهم ب200 جنية

دول اسعار جلب المقصات الكبيرة

اما جلب الشدادت : فالواحدة بتعمل 40 جنية اصلى , او تجيب الشدادين استيراد ب 175 جنية وشكرا

طبعا كلام سامح مضبوط 100%

و بعدين لو مشينا بالاسلوب ده بعد فترة حتلاقى نفسك مش راكب هوندا اصلا

انا شايف الحل ده كويس في حاله انعدام قطعه الغيار نفسها يعني حاجه مش موجوده خالص وفيها بديل

بس بدل مهي متوفره نجيبها وهيا حاجه العربيه

هوه ممكن تكون قصدك انك مثلا بعيد عن المكان اللي فيه حاجات للهوندا فبتشوف البديل

طالما متوفرة .. تغير ليه وتلعب ليههه

متعملش زى ابن التيت اللى كنت شارى منه العربية كان مخلى كل حاجة فيها فيات

تخيل كان مركب علبة شكمان فيات 128

مشكورين يا احلى شباب بس فعلا دة فقط عشان عدم توافر قطع غيار هوندا عندى

بس كمان الموضوع للعلم بردة
يعنى اول ما جيبت العربية دى وغيرت زيت نسيت خالص موضوع الفلتر وكان الراجل فكة وطبعا احتسنا وبقينا نضرب كف على كف لحد ما واحد كان عارف انها ممكن يركب فيها بتاع كيا او هونداى

بص حضرتك اغلبهم في اغلب المحافظات بيركبوا فلتر الهيوانداي

فانت لو نزلت اي مكان او بص في بنزينات شل و لقيت هات 3 او 4 ينفعوك او اما تنزل القاهره هات

انا بعتلك مسج فيها حاجات لو محتاجها زي دي في العفشه اللي وراء

وربنا معاك