الموضوع: مشكلة

السلام عليكم ااول
حصلتى مشكلة جامدة
غسلت العربية غسيل كامل جنب البيت فى بنزينة تعاون الله يحرقهم
و بعدها مفيش ب 5 دقايق العربية بدات ترج وتتفتف والشكمان يضرب مدافع
عديت على ميكانيكى قالى سيبها تنشف مع نفسها
وبقالى اسبوع على احال دة راكنها و سايبها
كل مدور تعمل نفس الحوار
هل من حل؟

يا سيدى الفاضل انا خبره فى الموضوع ده لانى كل ما بغسل الحوض بيحصل معايا كد ه ههههههههه

المفروض ان حضرتك بتفك سلك البويجهات وتعمله بكمبروسر الهواء فى البنزينة اول لما حصل ده والاسبراتير والموبينه تفك سلك الموبينة وفيشتها وتعملها بالهواء واوقات بيفضل رشه بنزين عليها وان بتعمل الهوا ، لكن الغريب بقى انها بقالها اسبوع ولسة زي ما هى المفروض تكون نشفت !!!!!!!!!!!!!!!!!!!!!!!!!!

بص يا سيدى الفاضل حضرتك الاحتمالات كتير عندنا :

1- الموبينة لما العربيه حضرتك بتدورها هل بتحس ان العربية متالته او بيبقى فيها رجه بتقطيعه بعد ما بتدور ولا لأ والار بي ام مش مظبوط بيلعب / وقتها تنظفها بالهواء كويس اوى وتشوف السلك بتعها مشقق او فيشة فيها ميه لسة .

2- السلوك وده من عوامل المدافع الى بتحصل الرئيسية وانها تكون بتهرب كهرباء وتعمل اية فيها :

تفك سلك البوجيهات سلك سلك وتشوف لو فيه حاجة مشققه او حاجة وممك كمان تجرب انك تشي السلك واحد ويبقى فيه بوجيه تجربه مش بويجهات العربية لانها هتبقى دايرة بالفعل بيهم الاربعه يعنى يكون معاك واحد خامس وتقوم فاكك سلك بوجيه وتلبسة فى بوجيه التجربة وتحطه على جسم العربية وهى دايرة اصلا لو لقيته بيشرز من الجناب اوحاجة يبقى هو المشكلة فى السلك لان ده اول اسباب المدافع ، بس الحظر كل الحظر من الكهرباء والافضل ان الكهربائي هو الى بيعمل ده وتفضل تعمل ده فى السلوك لحد لما تلاقى واحد فيهم ولو ما كنش يبقى يفكلك البوجيهات ويشوفها او لو بقالها فترة غيرها .

3- اما الاسبراتير لو حضرتك شايف انه سليم ومش مشقق يبقى ما فيش مشكلة منه خاصة وان العربية لو بتدور من اول لدعه زي ما بيقولوا .

4- البوجيهات : انا فى مرة بعد غسيل الموتور فى مكان تقريبا لقيتهم فاتحين خرطوم الميه من غير الكمبروسور وسايبينة فى الحوض على الموتور طبعا روقتهم لما شوفت كده ادور ما فيش ادور ما فيش نهائي غيرت الموبجيهات دارت واشتغلت كمان لانها الوبجهات من كتر ما حضرتك بتدور بعد ما غسلت وتدى بنزين ويقولك طبعا فىا لبنيزينة جمع يا بيه بنزين وكارك وانت بتدور والحوارات ده تقريبا بيتلفها لانى لما غيرتها اشتغلتا لعربية .


انا قصدى من الرغى بتاعى ده كله الى صدعتك بيه ان مشاكل الموضوع الى بيحصل ده بتكون فى مجموعه الاحتراق الى حكيتلك عنها ، والى يقدر يحدد كل ده بسهوله ويطلعلك الاحتمالات ده او يجرب بسهوله هو الميكانيكي ، وبعدين الى بيقولك سيبها تنشف مع نفسها وبقالها اسبوع ولسة زي ما هى اية المفرضو احطها فى فرن يعنى ولا ايه شوف واحد تانى يا باشا على طول ، وابقى حاول تغسل الموتور بعد ك ده كيماوى وفى مكان محترم فى كالتكس فى اخر جسر السويس بتغسل الموتور كله كيماوى وعندهم ميكانيكيه فى حالة اى خطا بيحصل وده نادر جدا جدا .

تحياتي لحضرتك وابقى قلنا عملت اية ...