الموضوع: مهزلة غبور = العربية فى التوكيل من شهر ونصف ولم ينتهوا من التصليح

يعنى مش كفايه الأسعار المبالغ فيها وكمان مفيش قطع غيار ولا خدمة كويسة أيه القرف ده !!!! بصراحة لو كل واحد مننا بيفكر قبل ميدفع جنيه فى حاجة يشوفها تستاهل ثمنها ولا لأ مكانش واحد ذى غبور عمال يرفع الأسعار والناس تشترى برضه عشان العربية شكلها حلو وسعر أعادة البيع جميل !!!! فين وسائل الأمان مفيش فين خدمة ما بعد البيع مفيش فين قطع الغيار المتوفرة بسعر مناسب مفيش يبقى غبور مش غلطان أللى غلطان هو الزبون أللى بيشترى يارب نفهم ونطبق ده على كل شىء فى حياتنا مش العربيات بس وقلبى مع صاحب المشكلة وربنا يعينه إن شاء الله

باشمهندس / خالد

ربنا يقدرنا و نقدر نساعدك بجد , أنا عن نفسي هأعمل كل اللي أقدر عليه علشان أساعدك
بس لي رجاء من حضرتك و كل الاخوة الافاضل اللي بيردوا في الموضوع

بلاش نستخدم كلمات أو ألفاظ قاسية علشان مانضيعش حقنا

نفسي حد يشكر في توكيل ويتفق ناس معاه

المشاركة الأصلية كتبت بواسطة amagroup

نفسي حد يشكر في توكيل ويتفق ناس معاه

لازم الاول التجار و التوكيلات يحترموا عقول المستهلكين خاصة لما يكون هؤلاء المستهلكين من نوعية مثقفة و علي درجة عالية من الوعي و التحضر كمستخدمي السيارات

فعلا يا أستاذ خالد كلامك صحيح و عندك حق

ربنا يعلم قد أيه أنا بأحاول أجمع الناس و كل مالكي الهيونداي علشان نقدر نعمل تكتل مضاد يقدر يكون قوة ضغط علي الوكيل

و ده السبب أني عملت صفحة علي الفيس بوك و كان عندي أمل أني ألاقي تجاوب علي الاقل من مالكي هيونداي علي نايل موتورز كبداية لتكوين رابطة أو اتحاد ملاك مشهر و مسجل بشكل رسمي يقدر أنه يقف أمام التوكيل

لكن..

ليس من طبعي أن افقد الامل و دائما بأحاول بشتي الطرق حتي و لو منفردا لذا أستغليت معرض أوتوماك في محاولة للتقرب من التوكيل و عمل أتصالات و علاقات ببعض مندوبي المبيعات و المسئولين بالتوكيل و هذه المحاولات الان علي أشدها لفتح قنوات تواصل معهم علها تثمر هذه المرة و نحظي بفرصة تواجد حقيقي للتوكيل بالمنتدي حتي لسماع شكوانا المتكررة و الرد علينا

كل ما أرجوه من حضرتك و باقي الاعضاء هو الدعم و المساندة لتلك المحاولات و المجهودات حتي يكتب لها النجاح أن شاء الله

صفحة نجوم هيونداي علي الفيس بوك :
https://www.facebook.com/#!/HyundaiStarsEgypt