العربية مكتومة من بعد الحادثة

**arakysolom** · 30-01-2013 03:02 PM

السلام عليكم و رحمة الله و بركاته
الحمد لله علي كل شئ و قدر الله و ما شاء فعل
من حوالي شهر عملت حادثة و انا راجع بليل من مطار برج العرب و الحمد لله ربنا نجاني انا و الوالد و الوالده من موت محقق لولا ستر الله ، يعني باختصار العربية طارت بيا و انا ماشي علي سرعة 140
المهم صلحت التلفيات و من وقتها انا مبتحركش بالعربية كتير لكن الملحوظ ان حاسس ان العربية بقت مخنوقو و استجابتها بقت بطيئة (بيحصل تأخير بين دوسة البنزين و سحب العربية) مع اني لسة مغير فلتر هواء و بوجيهات

**myself112** · 30-01-2013 03:15 PM

غالبا البوابة عايزة تنضف , روح لاى ميكانيكى خليه يفكها و ينضفها هى و الحساسات .

**Ahmod** · 30-01-2013 03:21 PM

نضف البوابة والحساسات واقرص على العربية شوية هترجع زي الاول ان شاء الله

ده شئ طبيعي بيحصل لما العربية بتفضل مدة مركونة بتتكتم

**mahmoud_anwar** · 30-01-2013 04:34 PM

وممكن تكون ديسك واستوانة وهو بيقول انه بيدوس بنزين والعربية مابتستجبش
انتا لما بتدوس بنزين صوت الماتور بيعلي ومافيش سحب ؟
لو لقيت عندك المشكلة دي اعرف علطول انك عندك ديسك واستوانة

**esam_ayad** · 03-02-2013 09:04 PM

المشاركة الأصلية كتبت بواسطة mahmoud_anwar

وممكن تكون ديسك واستوانة وهو بيقول انه بيدوس بنزين والعربية مابتستجبش
انتا لما بتدوس بنزين صوت الماتور بيعلي ومافيش سحب ؟
لو لقيت عندك المشكلة دي اعرف علطول انك عندك ديسك واستوانة

معلش ياباشا أنا عندي استفسار بسيط؟
يعني ايه ديسك واسطوانه ومكانهم بيبقي فين في العربيه؟
معلش انا معرفش اي حاجه في العربيات.