-
الف مبروك الصيانة يا كريم ... انت جبت قطع الغيار كلها من اوتو عمرو ولا من كذا واحد؟
-
التقرير فوق الممتاز الاسعار كويسه جدا السؤال بقه منين قطع الغيار الموبيس والماندو يا ريت نعرف وشكرا
-
ألف شكر يا باشا
تقرير جميل
-
فعلا تقرير اكثر من رائع ومجهود كبير وصور كمان.. واضح ان حضرتك حابب العربيه جدا وحابب تفيد كل الالنتراوية.. بجد انا استفدت جدا.. وبالمناسبه انا عربيتى 2011 عامله دلوقتى 58000 وكنت الاول بعمل الصيانه كل 5000 (رغم انى بحط زيت 10000) لغاية ماعرفت ان موضوع صيانة الـ 5000 ده اختراع مصرى ومش ضرورى، المهم كنت بعمل الصيانه ف التوكيل ف ابو رواش وبعدين بقيت بعمله ف مركز الرحاب (كارفان) وكنت عايز اعرف حضرتك بتعمل الصيانه بالاسعار دى فين لأن كمان واضح ان الفرق مش فى سعر الصيانه بس ده كمان انا كنت مابشتريش حاجه من بره مركز الخدمه حتى الزيت والفلتر، وهل تنصحنى اعمل صيانتى فى نفس المكان اللى ف الصور..؟ ومعلش للاطاله لكن عندى سؤالين كمان.. وانا بدوس فرامل بدأت احس انها بتقفش وتكلبش العربيه بصورة ملحوظه مش ناعمة زى الاول هل ده ليه علاقه بالطنابير او التيل (انا ماسبقش انى غيرت حاجه فيهم) السؤال التانى عندى من وقت ماجبت العربيه زيرو حدفه بسيطه شمال والتوكيل اقنعنى ان مفيش حاجه لكن لما عملت ضبط زوايا بره الصنايعى قاللى ان ميل العربيه ع الفرده الشمال (الفرق بين الفرده الشمال خلفى والجزء اللى فوقها) اعلى من الناحيه اليمين وخلانى احد ايدى فوق الكاوتش وفعلا لقيت فرق وقاللى ساعتها لازم تعليه للسوسته الخلفى شمال .. ياترى عندك فكره هو بيتكلم عن ايه.. معلش لو الاسئله ساذجه بس انا صعيف فى فنيات العربيات وتحياتى لحضرتك وكل نجوم الالنترا
-
الف مبروك يا كريم و عقبال ما تدوبهم فى العافيه :)
-
ممكن تنصحنا نجيب قطع الغيار منين يعنى من ش.دمشق ولا من جسر السويس و أسم المحل و ياريت تليفون و عنوانه ...شكرا
-
يا باشا ... شكر علي التقرير اللي اقل وصف ليه انه ( محترم )
و بجد الله ينور عليك في طريقه عرضك و اسلوبك و علي الباشمهندس هاني :)
-
الف مبروكككككككككككك
باشا انا لسه مغير البيضات الطرف دول و الميزان و العربية اختلفت و بنفس اسعارك صح كدة !
انا بس اتدبست في تيال فرامل اصلي امامي و خليف ! :( دول بقد كدة يعملوا الف جنيه بس :( مع انوا حضرتك جبت mobis
ممكن تقلي رايك ايه فيهم ؟!
و لمساعدين هوا عرف ازاي من غير ما يفكهم ؟! انا الميكانيكي قعد يدوس على العربية كدة و قالي تمام مفيهمش !
-
.
انا عضو جديد ومبسوط جدا من كل هذا العرض الجميل.
الاخ الفاضل كريم
انا عندى مشكله فى عربيتى وهى النترا 2008 فول اوبشن.
لمبه eps اضائت والدريكسيون بقى تقيل جدا والموضوع ده كان حصل من سنه ونص وروحت التوكيل بابو رواش.
وقالولى اعاده برمجه على الجهاز وبقى كله تمام.
من يومين المبه اضاءت تانى والدريكسيون تقل تانى وطبعا روحت التوكيل تانى.
المره ديه مهندس يروح ومهندس ييجى وفى النهايه غير قابل للاصلاح اى البرمجه واحنا عملنا كل شئ ممكن.
وطبعا لازم نغير القطمه وسعرها 16000 الف جنيه!
يعنى مفيش فايده ؟ قالوا لا لازم تتغير!
ارجو المساعده ان كان لديكم حل وارجو المعذره على الاطاله وشكرا.
-
ممكن من فضلكو عنوان مركز سبيد سيرفير للاهميه
شكرا
Content Relevant URLs by
vBSEO 3.6.0 PL2