السلام عليكم ورحمة الله وبركاته

الحمد لله
والصلاة والسلام على سيدنا أشرف الخلق رسول الله محمد بن عبد الله


أنا قررت أعبر لكورولتي عن إعجابي الشديد بيها وتمسكي بيها حتى النهاية
أنا قررت أرش العربية من الخارج
وقررت كمان أعملها فرش داخلي تفصيل (يذكر أنه راكب عليها كسوة من تويوتا إيجيبت من يوم ما جت)

ولما الواحد يحب يهادي حد بيحبه أوي
ولما الواحد يحب ان الطرف التاني يعرف مدى محبته ليه

يبقى لازم تكون الهدية من قيمته وقيمة الطرف التاني

ولما نتكلم عن محل الهدايا الفخم المحترم والمبجل بالنسبة لهدية الرش
يبقى لازم نتكلم عن أستاذي/ كريم منير (ورشة نايل موتورز)

الكلام وحده ميوصفش ذوقه
الكلمات تعجز عن وصف أسلوبه الراقي

بقيت مش عارف أنتظر أشوف كورولتي في ثوبها الجديد وللا ألتقي عليه وأتشرف بمعرفته
يكفي إنه أسرني بمجرد مكالمات تليفونية
هو أسرني آه -بس أنا راجل أوي- :))

أنا مش عايز شغل ف عربيتي
يكفي معرفتي بشخص زي دا
يكفي كم الإحترام دا


وعلشان منساش أسطى أحمد قدورة
الراجل دا محترم
الراجل دا عارف أنا هقول إيه قبل ما أقوله
حسيت إن العربية معاهم في أمان أكتر ما هيا معايا


=====================================

و((بالنوسبة)) للفرش
أنا فوضت أستاذ كريم وسايبلو الرخصة وواثق تماماً في ذوق سعادته في انتقاء اللون والرضاء عن الأداء
والراجل مشكور ودا من فضل كرمه
وافق انه يشرف هو على العربية من ناحية الفرش
ودا لأني من المنوفية وصعب أتمشور
وكمان عندي شغل هنا وبصراحة بسيبه بصعوبة جداً


طبعاً من غير كلام كتير ووصف أكيد مش هيكون أقل من وصف آلاف سبقوني في التعامل مع جينز كار

مش هقدر أوصف لأني مش هوفي قدر الإحترام والإحترافية
بس هقول كلمة واحدة
كلمة واحدة بس
-الراجل دا بيعمل كبدة زي الفل- :))
شكراً أساتذة/ أحمد مشعل, يوسف مشعل, وعبد الله يوسف مشعل



===============================================
ماتيجو ندخل ف الموضوع بأه -دا انتوا رغايين أوي- :))


العربية من وقت ما جت وأنا مالكها الأول وأنا مش بهتم أوي بجسمها خارجياً لأن الواحد مش لاقي الفلوس على الأرض علشان يرش وييجي واحد مهمل وغير مسئول ويكسرلو فانوس وللا يحك حكة وللا وللا وللا

ولكن صيانات دورية وبقية أجزاء السيارة كأداء وصلاحية واعتمادية فكانت من أولى اهتماماتي

بس وصل حال العربية إن الناس تشفق عليا إني راكبها كدا
ياعم هاتلها جوز مرايات
ياعم روح حميها
ياعم عبرها بأه دي كفرت


ولذلك, أنا قررت
قرار مصيري وحاسم في نفس الوقت

أنا هرش كورولتي
ولأني لا لقيت ولا هلاقي زيها في اعتماديتها وحاجات تانية كدا -من وجهة نظري ع الأقل-

قررت أغير لونها من شامبان إلى أبيض ثلجي ناصع وزاهي
((ناصع وزاهي دا كود اللون)) :)) :)) :))
والرش بالكامل
وتغيير اكصدامين بإتنين تايواني
ورش الجنوط الخمسة -بالإستبن- أبيض
وقوابض التيل أحمر


الدهان سواء بودي أو جنوط أو غيرو سكينيز ألماني
والبطانة والورنيش برضه كذلك
علشان لما تقل عن نظرة الفابريكا متقلش في نظرتي ليها كتير
وكدا كدا أنا مش ببيع ولا هبيع بإذن الله يااااااااااارب



=================================
أول صورتين كانو سنة 2010
لما كانت العربوية لسة نسبياً بشوكها

والباقي يادوب قدرت أصوره بكاميرا موبايلي اللذيذ قبل تسليمها لورشة نايل موتورز
وطبعاً أستاذ كريم هيبقى يصور صور أفضل

بالنسبة لتقرير الشغل فا دا هيكون بعد 3 أسابيع
يعني على ما أستلمها وتكون خلصت كدا

وهنزل الصور بس لأن الشغل مش هيكون فيه كلام طبعاً بمشيئة الرحمن

========================================

دعواتكو وتعليقاتكوا بناءةً كانت أو بناءة :))

والموضوع أنا عملته هنا علشان حضرة العومديه (ياريس) مايزعلش
ودا كمان قسمي الموفضشل في المونتدشا

والآن مع الصور

ماتيجو نشوف












==============================================