معرض الكتاب شغااااال...حد خد باله؟؟؟؟

معرض الكتاب شغال وبينش، يعني فاضي....في ايه يا رجالة..هو في ايه...ماعدش في ناس مثقفه ولا الثقافة بقيت رفاهية!!! طيب ماحدش نفسه يضرب شاورمة في المعرض ويشتري كرتونة هريدي :-) انا بجد حزين..فين ايام ما كان المعرض زحمة برة وجوة...عايزين مليونة الثقافة والقراءة في المعرض...طيب إللي راح المعرض يخبط لايك...قصدي :-) يقول لنا اشترى كتاب ايه من هناك، ويا سلام لو يعمل لنا ريفيو review للكتاب..طيب إللي ناوي يروح المعرض يخبط كومنت...قصدي يقول لنا ناوي على اي كتب هناك...

اهم حاجة احذروا الكتب المزورة...اشتري الكتاب من ناشره او من ناشر معتبر ومحترم..اغلب بياعين الكتب في الشارع كتبهم مزورة..خلي بالك

الموضوع دا فيه عروض للكتب...
http://www.nilemotors.net/Nile/332611-a.html

اه فعلا معرض الكتاب شغال
انا رحت يوم الجمعة اللي فاتت بس اشتريت كتب علمية ؛
بس للاسف المعرض فاضي و كمان حالته صعبة ؛ كل قاعات العرض مهدودة و عاملين بدلها خيام مشمع
و كمان مش هتلاقي شاورمة :( ؛ مفيش الا محلين بس اكل

رحت و جبت 10 كتب و لسة هروح تاني اجيب 10 تانين

روحت ومالقيتش الي كنت عاوزة للاسف .

كتاب الطنطوريه وكتاب شجره العابد
ومازال البحث جاري للاضافه
دعواتكم
تقبل مروري

روحته السنة اللى فاتت مكنتش حاطط كتب معينة فى دماغى ومن كتر الكتب اللى شفتها والاسعار المنخفضة جدا فى بعض القاعات والاماكن دماغى لفت وحلفت ما انا شارى حاجة :afro:

الكتب التقليديه الورقيه خلاص راحت عليها
كل الكتب موجودة ومجانا علي النت
غير كده ان الكتب التقليديه بتاخد حيز كبير في البيت
ولو عندك كتب كتير بتتعب عقبال ما تلاقي الا انت عايزه
غير مشكله التراب والنظافه
احنا في عصر الكندل والنوك
ممكن تحتفظ بالاف الكتب بدون ما تزحم المكان

اقتباس:

---

المشاركة الأصلية كتبت بواسطة commodore

غير مشكله التراب والنظافه

---

هههههههههههه..... فكرتنى بشكوى الحاجة الدائمة من دواليب الكتب اللى مشيت من بيت ابويا و اتجوزت بس سبتها......ههههههههههه

أنا رايح بكرة ان شاء الله

بس مش ناوي على حاجة معينة

المعرض جميل جداا جدااا و فيه كتب حلوه كتير
بس للاسف الناس قليله فعلا جدااا
انا اول مره اشوف شباك التذاكر فاضي كده
و ديه الكتب اللي انا جبتها
الاسلام بين الشرق و الغرب - علي عزت بيجوفيتش ( الكل اجمع على انه كتاب رهيب )
باب الخروج - عز الدين شكري فشير ( الراجل ده كتاباته حلوه اوي )
روايه الخيميائي بس بالانجليزي Alchemist
الحياه رقعه شطرنج - كريم الشاذلي
جدد حياتك - الشيخ محمد الغزالي
خدعوك فقالوا - مصطفى حسني

اقتباس:

---

المشاركة الأصلية كتبت بواسطة ecybrarian

طيب إللي راح المعرض يخبط لايك...طيب إللي ناوي يروح المعرض يخبط كومنت...

---

أنا مقررة أروحه يوم السبت إن شاء الله علشان آخره يوم 5 فبراير
ومش هروح علشاني ( علشان مصر ) أقصد علشان أبني الصغير
لأن نفسي أنمي فيه حب الكتب والمكتبات والقراءة ، أصل أنا بصراحة مش عندي وقت ولو جت لي فرصة ممكن يلفت نظري كتاب أو مقالة لحد على النت أتابعه مش أكتر .
دا غير القصص الملونة اليومية اللي مضطرة أقراءها له
وشكراً على أنك خبطت الموضوع دا :w6266d

ممكن أروح يوم الجمعة إن شاء الله ... وبدور على قصة حياة ستيف جوبز مش عارف ألاقيها في دار نشر ايه ؟؟؟

انا رحت كذا مرة علشان الكتاب بتاع خطيبتى بيتباع هناك والدنيا مريحه فعلا

في رايي فعلا المعرض كل سنه بيبقي اسوا
مفيش اي تجديد .. نفس الكتب .. بنفس طريقه العرض .. حتي نفس مكان الكتاب و الله
انا رحت بس للاسف زهقت منه ... و مشيت عشان حسيت انه سيئ جدا .. حتي الكتب العلميه فقيره جدا .. و اغلب المكتبات عارضه مراجع هنديه (اللي غير موثوق فيها حتي الان ) و غير كده الاسعار مبالغ فيها جدا جدا جدا
اشتريت 3 كتب بس
لورانس ( لغز الجزيره العربيه )
فلسفه التاريخ
ابطال

صانع الظلام الجزاين ب32 الاول والتانى ب 25 -حامل الضياء الجزاين ب 9 جنيه وقهوه باليورانيوم ب 25 و3 مجلدات ميكى طبعا

اقتباس:

---

المشاركة الأصلية كتبت بواسطة dr_mido

انا رحت كذا مرة علشان الكتاب بتاع خطيبتى بيتباع هناك والدنيا مريحه فعلا

---

طيب ما تقول لنا عنوان الكتاب ايه

حالات مفردة تبع دار ليلي

متعود اروحه كل سنة
ولكن لحد دلوقتي مروحتش ..