الموضوع: حصريا وفي مصر فقط

الواحد اول ما أتعلم السواقة و أخدت الرخصة ... قعدت اقرأ كتاب تعليمات المرور بتاع المرور و أشاهد فيديوهات ع اليوتيوب عن المرور و طريقة القيادة الصحيحة و فيديوهات عن اختبارات القيادة في انجلترا ----------و بالمناسبة بيبقى اختبار اختبار بتقعد ماشي بالعربية مع الممتحن في الشارع لمدة ساعة الا تلت لساعة و يطالبك بمهارات معينة في القيادة زي ال ركن المتوازي و غيره و في أخطاء لو عملتها تسقط و في أخطاء ما تسقطش الا مع التكرار. و طبعا قبل ما تطلع مع الممتحن بتتمتحن امتحان نظري في اخلاقيات و تعاليم المرور و بعدين بيسالك على حاجات في حوض العربية و انت تقولها ووظيفتها----.

المهم بعد ما بدات أسوق جوا مصر وأشوف اللي بيحصل الحقيقة الواحد ما بقاش عارف اصلا يمشي تبع القانون و الا كل شوية هلاقي ناس بتزعقلي او بتبصللي بصات غريبة و السواقة في مصر حاجة غريبة ومحتاجة تعرف تاخد حقك بنفسك و بأدب طبعا و من غير آذي

وواحدة واحدة لقيت نفسي بعمل حاجات غلط و انا عارف انها غلط بس ببقى مضطر زي أني أعدي واحد من اليمين لانه ماشي في الشمال و ما بيستجبش للنور و الكلاكس و كمان لان الطرق بيبقى ليها دور في كدة برده بس بحاول أبقى حذر و أبقى متاكد من خلو الطريق

فعلا الدوله الوحيده اللى محدش بيلتزم بقواعد المرور فيها
حسبى ياالله ونعم الوكيل فى السبب فى الفوضى دى من الاول
وربنا يسترها علينا جميعا

المشاركة الأصلية كتبت بواسطة ahmed_adham

قولت اللي في قلبي كله. يا جماعه نصيحتين لوجه الله

1- متمشيش بطيء على الشمال.
2- متمشيش على الخط اللي بيفصل الحارات.

اعمل بالنصيحتين دول وأدعيلك ربنا ما يوقعك في مطب غشيم.

يا باشا الناس هنا بتمشي علي الرصيف مفيش اي مشاكل

المشاركة الأصلية كتبت بواسطة theislamic

الواحد اول ما أتعلم السواقة و أخدت الرخصة ... قعدت اقرأ كتاب تعليمات المرور بتاع المرور و أشاهد فيديوهات ع اليوتيوب عن المرور و طريقة القيادة الصحيحة و فيديوهات عن اختبارات القيادة في انجلترا ----------و بالمناسبة بيبقى اختبار اختبار بتقعد ماشي بالعربية مع الممتحن في الشارع لمدة ساعة الا تلت لساعة و يطالبك بمهارات معينة في القيادة زي ال ركن المتوازي و غيره و في أخطاء لو عملتها تسقط و في أخطاء ما تسقطش الا مع التكرار. و طبعا قبل ما تطلع مع الممتحن بتتمتحن امتحان نظري في اخلاقيات و تعاليم المرور و بعدين بيسالك على حاجات في حوض العربية و انت تقولها ووظيفتها----.

المهم بعد ما بدات أسوق جوا مصر وأشوف اللي بيحصل الحقيقة الواحد ما بقاش عارف اصلا يمشي تبع القانون و الا كل شوية هلاقي ناس بتزعقلي او بتبصللي بصات غريبة و السواقة في مصر حاجة غريبة ومحتاجة تعرف تاخد حقك بنفسك و بأدب طبعا و من غير آذي

وواحدة واحدة لقيت نفسي بعمل حاجات غلط و انا عارف انها غلط بس ببقى مضطر زي أني أعدي واحد من اليمين لانه ماشي في الشمال و ما بيستجبش للنور و الكلاكس و كمان لان الطرق بيبقى ليها دور في كدة برده بس بحاول أبقى حذر و أبقى متاكد من خلو الطريق

كتاب وفيديوهات حضرتك الحجات دي بره مش في مصر
مصر محتاج تفهم دماغ كل واحد راكب عربيه وماشي قريب منك هو عايز يعمل ايه؟؟ ودا صعب لان هنا بيكون ليهم مطالب عجيبه
ومع الزمن بتبقئ زيهم في المشي
لما صنفو قائدي السيارات صنفوهم لنوعين المهاجم والمدافع مصر كلها مهجمين المدافعين الناس الكبار "ربنا يديهم الصحه"

المشاركة الأصلية كتبت بواسطة mohamed1979

الواحد و هو ماشى فى مصر بيكون عامل زى البهلوانات

يا باشا انت في مصر يعني في الشغل بتكون حاجه وفي البيت حاجه وفي الشارع حاجه تحس انك بتركب مليون شخصيه في اليوم واكيد لو بتمشي بعربيه لازم واحد يعصبك

المشاركة الأصلية كتبت بواسطة bor3ey

كلام من دهب

ربنا يخليك يا فندم وان شاء الله الموضوع يكون عجب حضرتك

المشاركة الأصلية كتبت بواسطة mohamed osama

فعلا الدوله الوحيده اللى محدش بيلتزم بقواعد المرور فيها
حسبى ياالله ونعم الوكيل فى السبب فى الفوضى دى من الاول
وربنا يسترها علينا جميعا

سبب الفوضي الشعب نفسه يعني لو احنا كل واحد التزم بطريقه هيبق كويس متحولش حضرتك تقنعني ان بالطرق البدائيه الي موجود في نظام المرور انها هتقدر تسيطر يبق احنا نحترم نفسينا لحد لما نتطور انما الشعب المصري فهلوي اوي بيوفر ربع لتر بنزين هيمشي لحد اول فتحت دوران لا يمشي في المعاكس وتيجي عربيه تهفه وبدل ما صرف ربع لتر صرف اضعاف مضاعف للرقم دا

المشاركة الأصلية كتبت بواسطة ahmed_dinamo

الف حمد والف شكر ليك يا رب ان احنا عايشين هنا عشان نفتخر بتميزنا بالكلام ال بنعمله ده هههههههههه

دي نعمه من ربنا لازم نحافظ عليه هنبقئ مضروبين في النشاطات