هوا فيه حد بيتجاوز من الشمال وهو ماشي على 20 ؟! آه فيه و كنت هلبس فيه :d

**Ammar yOsrii** · 30-01-2013 08:34 PM

سلام عليكم . .

كنت راجع من يومين البيت وأنا ماشي ف الأوتوستراد عند بنزينه الوطنية وانت رايح ع الدائري ماشي على 120 أو 100 مش فاكر بس كنت ماشي بسرعة وطبعا ع الشمال .. وكان فيه عربية نص نقل على يميني الاقيلك واحد عايز يعدي العربية النص نقل طبعا قلبتله نور وعملت فرح عشان ميعديش وبرضو .. فجأة لقيته قدامي والأخ ماشيلي على 20 ولا حاجة :d ................
أنا مستوعبتش الا بالعربية خلاص قربت ف جبت آخر الفرامل الحمد لله العربية مسكت نفسها ومعامتش لأن كان جمبي وقتها العربية النص نقل وخلاص أنا سلمت وقلت أنا شكلي هخبطه وأطلع غلطان مع إن المتخلف اللي كان بيجاوز هوا اللي 100 % غلطان !! حاجة تقرف
الحمد لله الموقف عدى بسلام وطبعا من الخضة معرفتش أمسك معاه خناقة اكتفيت ب كلاكس بسيط كده يعبر عن مدى الشكر اللي جوايا :'d

**buddha** · 30-01-2013 08:41 PM

التجاوز لابد من الشمال وفى حالة العكس بيكون هو الغلطان

**Ammar yOsrii** · 30-01-2013 08:44 PM

المشاركة الأصلية كتبت بواسطة buddha

التجاوز لابد من الشمال وفى حالة العكس بيكون هو الغلطان

يبص ف مرايته .. اللي وراه جاي بسرعة وهوا ماشي بسرعة يتجاوز وأنا ههدي مش أكتر
أما يتجاوز وهوا ماشي على 20 أو 40 !!

إعتراضي ع السرعة اللي تجاوز بيها ..

**AlGazar2** · 30-01-2013 09:25 PM

احنا لازم نحط انشراح و حسين جنب الكلاكس عشان يشكروا للناس الى زى دول

قمه التخلف فى التعدية و الناس دى عايزين عربيه فولفو قديمه ولا فورد اربعينات و خمسينات تشيلهم و هما ماشيين

**exact** · 30-01-2013 10:23 PM

حصلت معايا من 4 سنين... وكنا على قبل أجا... في اتجاه المنصورة
كل اللي حصل رحت معرض بالعربية وقطعت الطريق ونسيت ان معايا حريم في العربية
وشتيمة بكل ما تتخيلوه ودخلنا في الاعراااااااااااااااااااض
وسندني واحد كان ماسك فيا باوكتافيا وكاد انه يلبس فيا بسببه

**aw2100** · 30-01-2013 10:26 PM

المشاركة الأصلية كتبت بواسطة ammar yosrii

سلام عليكم . .

كنت راجع من يومين البيت وأنا ماشي ف الأوتوستراد عند بنزينه الوطنية وانت رايح ع الدائري ماشي على 120 أو 100 مش فاكر بس كنت ماشي بسرعة وطبعا ع الشمال .. وكان فيه عربية نص نقل على يميني الاقيلك واحد عايز يعدي العربية النص نقل طبعا قلبتله نور وعملت فرح عشان ميعديش وبرضو .. فجأة لقيته قدامي والأخ ماشيلي على 20 ولا حاجة :d ................
أنا مستوعبتش الا بالعربية خلاص قربت ف جبت آخر الفرامل الحمد لله العربية مسكت نفسها ومعامتش لأن كان جمبي وقتها العربية النص نقل وخلاص أنا سلمت وقلت أنا شكلي هخبطه وأطلع غلطان مع إن المتخلف اللي كان بيجاوز هوا اللي 100 % غلطان !! حاجة تقرف
الحمد لله الموقف عدى بسلام وطبعا من الخضة معرفتش أمسك معاه خناقة اكتفيت ب كلاكس بسيط كده يعبر عن مدى الشكر اللي جوايا :'d

انصحك نصيحة دائما تلوم نفسك وتخلى بالك من اخطاء الغير وماتحاولش تكبس قوى او تعدى عربية امامك حتى لو من الشمال الا لما تتاكد من خلو المسار اللى امامك ليه؟؟ فية شباب كتير بيبقى شارب البلاوى اللى منتشرة اليومين دول ودة فى لحظة بيرمى العربية اللى سايقها فى اى اتجاه بدون شعور باللى حوالية وفى النهاية انت اللى حتضرر وعلى رأى المثل فى التانى السلامة - وامشى على مهلك توصل بسرعة وربنا يكفيك شر العربيات والنسوان ؟؟؟؟؟؟؟؟؟

**horas3000** · 31-01-2013 08:35 AM

و ده العادي في شوارع مصر
للاسف في ناس كتير بعيد عندك في السواقه عمي و طرش
و بالاضافه الي كده غباء لا متناهي
و طول ما هي فوضي كده و القانون مكسور من الكل هتلاقي من ده كتيييييير