ألفتيس القديم أم الفتيس الجديد سيراتو 2011؟

أريد نصيحه من أصحاب سيراتو 2011 الفتيس الجديد..أنا كنت عايز اشترى سيراتو 2011 الفتيس الجديد بس فيه ناس بتقولى ان فيه مشاكل وبيقولولى الأحسن تشترى الفتيس القديم..فكنت عايز أعرف هل فعلا فيه مشاكل ولا لا؟ ده أول سؤال
السؤال التانى : هل يوجد فارق شاسع بين الفتيس القديم والجديد يستاهل فرق سعر مثلا 15.000
مثلا لو قلنا ان هاى لاين 2010 بـ 95000 تقريبا الهاى لاين الــ2011 الفتيس الجديد بــ 110000
السؤال التالت: هل الكوبيه أحسن من الهاى لاين من ناحية انها ثابته على الطريق اكتر أو مثلا علشان الجنط 17 فى الهاى لاين بيسبب مشاكل فى العفشه..ف انهى الاريح..فيه ناس بتقولى الكوبيه أحلى ومفهاش مشاكل الدبدبه اللى بتعملها الهاى لاين 17..فكنت عايز اعرف رأيكم..أنا أسف للاطاله واكون مشكور جدا لنصائحكم

الفتيس الجديد ولا فيه مشاكل ولا حاجه كل اللي فيه ان العربيه بتاكل بنزين زياده علشان بتقلب غيارات بسرعه وكتير
تاني حاجه موضوع الكوبيه والسيدان ده فئه وده فئه متقارنش الكوبيه بالسيدان وموضوع الجنط ال17 ده لو حل انك تملي العجل نيتروجين هيفرق معاك جداااااااااااااااااااااا ولا هتسمع صوت دبدبه ولا حاجه

اقتباس:

---

المشاركة الأصلية كتبت بواسطة kh_alex2004

أريد نصيحه من أصحاب سيراتو 2011 الفتيس الجديد..أنا كنت عايز اشترى سيراتو 2011 الفتيس الجديد بس فيه ناس بتقولى ان فيه مشاكل وبيقولولى الأحسن تشترى الفتيس القديم..فكنت عايز أعرف هل فعلا فيه مشاكل ولا لا؟ ده أول سؤال
مفيش مشاكل في الجديد ولا القديم , فى مشاكل فرديه و نادره الحدوث و ده فى كل العربيات
السؤال التانى : هل يوجد فارق شاسع بين الفتيس القديم والجديد يستاهل فرق سعر مثلا 15.000
مثلا لو قلنا ان هاى لاين 2010 بـ 95000 تقريبا الهاى لاين الــ2011 الفتيس الجديد بــ 110000
دى حاجه ترجعلك انت بتكسب موديل سنه و خلاص لكن فروق جوهريه هو الفتيس و بس و صوت العربية فى 2010 اخشن و اعلي شوية و ده لاحظته فى كذا عربية 2010
السؤال التالت: هل الكوبيه أحسن من الهاى لاين من ناحية انها ثابته على الطريق اكتر أو مثلا علشان الجنط 17 فى الهاى لاين بيسبب مشاكل فى العفشه..ف انهى الاريح..فيه ناس بتقولى الكوبيه أحلى ومفهاش مشاكل الدبدبه اللى بتعملها الهاى لاين 17..فكنت عايز اعرف رأيكم..أنا أسف للاطاله واكون مشكور جدا لنصائحكم

---

الكوبية هى انشف عفشه على الاطلاق ,, احسن جنط هو ال 16 و ال 15 كأداء عفشة لكن ال 17 اشيك من ناحية الشكل

من جانبى .... لا قول بعد ما قيل
توكل على الله

أشكرك جميعا على ردودكم...أعتقد أنى اشترى كوبيه لأن لو مشكله جنط 17 يتحل بملئ نيتروجين للآخر يبقى خلاص مفيش مشاكل وأتمنى انه يكون حل كويس وماحسش بدبدبه فى الارض..
هو بس انا محتار فى انى اشترى كوبيه 2010 ولا كوبيه 2011 الفتيس الجديد لأن فرق السعر عالى حوالى من 15000-20000 فهل فيه فروق شاسعه غير الفتيس وهل الفتيس الجديد بيفرق فى الأداء عن الفتيس القديم زى مثلا السحب ؟
شكر لكم مره تانيه لاهتمامكم

طب يا جماعة انا حاليا بفكر جديا في كوبيه 2011 الفتيس الجديد

ياترى هتبقى عاملة كام تقريبا ؟؟ على حسب ماسمعت في حدود 110 الاف !! ؟ ده صحيح ؟؟؟

اقتباس:

---

المشاركة الأصلية كتبت بواسطة ahmod

طب يا جماعة انا حاليا بفكر جديا في كوبيه 2011 الفتيس الجديد

ياترى هتبقى عاملة كام تقريبا ؟؟ على حسب ماسمعت في حدود 110 الاف !! ؟ ده صحيح ؟؟؟

---

بص هى مشكلة الكوبيه انها قليلة شوية مش زى السيراتو فى اعادة البيع علشان كده هتلقيها ماسكة سعرها شوية ....
المواصفات بتفرق جدا فى تحديد السعر علشان فى خليجى وفى وكيل

اقتباس:

---

المشاركة الأصلية كتبت بواسطة kh_alex2004

أشكرك جميعا على ردودكم...أعتقد أنى اشترى كوبيه لأن لو مشكله جنط 17 يتحل بملئ نيتروجين للآخر يبقى خلاص مفيش مشاكل وأتمنى انه يكون حل كويس وماحسش بدبدبه فى الارض..

ولا اى فرق ,, هوا زى نيتروجين و هتبقي ناشة جدا اعمل حسابك عشان متضايقش منها
هو بس انا محتار فى انى اشترى كوبيه 2010 ولا كوبيه 2011 الفتيس الجديد لأن فرق السعر عالى حوالى من 15000-20000 فهل فيه فروق شاسعه غير الفتيس وهل الفتيس الجديد بيفرق فى الأداء عن الفتيس القديم زى مثلا السحب ؟

الجديد 6 القديم 4
الجديد افضل فى السرعات العالية , صوت انعم , استهلاك اقل فى البنزين (كلام نظرى على الورق يعنى )


شكر لكم مره تانيه لاهتمامكم

---

بص يا باشا أنا معرفش ايه نظام الفتيس القديم فى السيراتو
أنا معايا الفتيس الجديد و هو بصراحة ليه ميزة و عيب
العيب الرئيسى هو إستهلاك بنزين و أكيد هيبقى أعلى من الفتيس القديم
و العيب التانى إنك لو مش قارص على الغيارات شوية هتلاقيها بتنقل كتير و تحس إنها مخنوقة و هتخنقك معاها و بالتالى هتقرص و البنزين هيزيد معاك و الكلام ده بيبقى ملحوظ أوى على السرعات المتوسطة ( من سرعة 40 ل 90 تقريبا )
والحل لو الموضوع ده مضايقك تمشى على ال STEP و ياسلام لو عندك Paddle Shifters هتحس بإحساس تانى خالص و هتتمدنه ( بس جيبك هيتخرم من البنزين )

المميزات بقى برده كويسة و لو بتطلع على طرق سفر كتير هتفهم قصدى
أولا الماتور مستريح و تحس إنه فايق و واخد راحته السادس بيجيب معاك سرعات و المكنة مسيريحة جدا و صوتها هادى جدا و جميل
إستهلاك البنزين فى السرعات من 90 و انت طالع أفضل من القديم برده
و أخيرا و منقولش عليّا هايف شكل الفتيس الجديد أحلى من القديم بمراااااااااحل

إزاى يارجالة؟! الـ6-سرعات يستهلك بنزين أكثر من الـ4؟!!
الفتيس الجديد عشان بينقل بدرى، المفروض بـ يقلل إستهلاك البنزين!
تحت الـ90-110 وفوقها بردو!
(ودى فرق واضح فـ العربيتين الـ2010 و 2011 الفتيس الجديد)..

- ماهو عشان كده بتتخنق منك فـ السحب! لأن الموتور بيبقى على rpm قليلة ونقلة أعلى؟!!
هو بيحافظ على الـrpm فـ رينج الـeconomy.. بس كده

لكن لو هتقرص وحارق:
التسارع أحسن -بشرط الـupshit فـ آخر النقلة- عشان الـgears بقت close-ratio
والتوب-سبيد أعلى حاجة بسيط.. عشان قلل الـtop-gear ratio (أو بقى فيه 2 overdrive-gear الـ5th والـ6th)!!

بالنسبة للفرق فـ عفشة الكوبيه عن السيدان:
هى بس lowered سوست أنشف وأقصر :(

وفعلا أفضل جنط الـ16" بيبقى compromise مابين الهاندلينج والأداء (والشكل) + الراحة.

Rgds،

منور يا فورميلاتور ربنا يبارك فيك ويحفظك ياباشا.......

انا عن تجربه شخصيه معايا العربيتين ال4 سرعات وال6 سرعات
السحب وااااااااااااحد وقوه الحصان واحده الاتين 124 حصان لكن ال6 سرعات بتاكل مني بنزين اكتر بشكل ملحووووظ
فأبعد عن الست سرعاااااااات

كلام فورميولاتور من الاخر
المفروض ال 6 يوفر بنزين عن الاربعه طبعا

اقتباس:

---

المشاركة الأصلية كتبت بواسطة formulator

إزاى يارجالة؟! الـ6-سرعات يستهلك بنزين أكثر من الـ4؟!!
الفتيس الجديد عشان بينقل بدرى، المفروض بـ يقلل إستهلاك البنزين!
تحت الـ90-110 وفوقها بردو!
(ودى فرق واضح فـ العربيتين الـ2010 و 2011 الفتيس الجديد)..

- ماهو عشان كده بتتخنق منك فـ السحب! لأن الموتور بيبقى على rpm قليلة ونقلة أعلى؟!!
هو بيحافظ على الـrpm فـ رينج الـeconomy.. بس كده

لكن لو هتقرص وحارق:
التسارع أحسن -بشرط الـupshit فـ آخر النقلة- عشان الـgears بقت close-ratio
والتوب-سبيد أعلى حاجة بسيط.. عشان قلل الـtop-gear ratio (أو بقى فيه 2 overdrive-gear الـ5th والـ6th)!!

بالنسبة للفرق فـ عفشة الكوبيه عن السيدان:
هى بس lowered سوست أنشف وأقصر :(

وفعلا أفضل جنط الـ16" بيبقى compromise مابين الهاندلينج والأداء (والشكل) + الراحة.

rgds،

---

مشكور جدا على التوضيح
طبعا الكلام ده مضبوط ولاخلاف عليه
معروف جدا كلما زاد عدد الغيارات فى الفتيس كلما كان أفضل لعاملين هامين جدا
1- الوفر فى استهلاك البنزين
2- الحفاظ على عمر الموتور لفترة أكثر
والبرهان على ذلك انخفاض ملحوظ وهدوء فى صوت الموتور مع تسارع أفضل