عاوز اروح القرية الفرعونية بالبحر الاعظم وانا من الاسماعيلية
ياريت حد يوصفلى الطريق ازاى
وانا رايح انشاء الله بالعربية
ولكم جزيل الشكر والتقدير
عاوز اروح القرية الفرعونية بالبحر الاعظم وانا من الاسماعيلية
ياريت حد يوصفلى الطريق ازاى
وانا رايح انشاء الله بالعربية
ولكم جزيل الشكر والتقدير
ان شاء الله توصل بالسلامه
انت هتيجى من الاسماعيليه لحد ما توصل الطريق الدائرى
و بعد كده تاخد اتجاه المعادى و تفضل ماشى علىطول حوالى 20-30 دقيقه
اول ما تلاقى النيل تبدا تاخد يمين و تنزل اول نزلة يمين ( نزلة البحر الاعظم) و تمشى فى الشارع حوالى دقيقتين هتلاقى بنزينه شل على ايدك اليمين القريه الفرعونيه جنبها فى نفس الاتجاه .
حضرتك هتاخد الدائرى القادم من طريق مصر اسماعيليه
اتجاه المعادى هتعدى الاتوستوراد وتكمل
هتعبر النيل فى اتجاه المنيب
بمجرد عبور النيل هتنزل نزله البحر الاعظم
حوالى 1 كم هتلاقى مطب ومباشرة القريه الفرعونيه
البارك جوة القريه
ورحله سعيده ونورت القاهرة
ملحوظه وانت راجع ان شاء الله هتلف من بعد القريه وترجع لغايه ما تعدى من تحت الكوبرى الدائرى وتسيب اول لفه وتاخد التانيه وتطلع الدائرى وبالسلامه ان شاء الله
مفيش طلعة دائرى وانت جاى من الاسماعيليه ... الافضل هتلاقى يفط لمدينة الشروق تلف يوترن و ترجع تخش يمين مدخل الشروق1 و طوالى حوالى 8 كيلو هتوصل طريق السويس تخش يمين و تمشى شويه هتلاقى الدائرى تعدى من تحته و تطلع اول مطلع يمين هتلاقيه بيلف بيك و يحطك فى اتجاه المعادى و طوالى لحد ما زى الاخوه قالى تبقى فوق النيل تنزل اول منزل على شارع البحر الاعظم و القريه الفرعونيه بعد حوالى 300-400 متر
لا يافندم فيه طلعة للدايرى بدل اللفة دى
حضرتك تفضل ماشى فى طريق الاسماعلية لحد الكوبرى اللى بينزلك على جوزيف تيتو ماتاخدش الكوبرى وتمشى من تحت فى جسر السويس تسيب اول يوتيرن وتدخل من التانى وتاخد اقصى اليمين وتدخل طريق الهايكستب طوالى هاتلاقى طلعة الدايرى اتجاه المعادى والباقى زى الاخوة ماقالوا
رحلة سعيدة
بس دى مش طلعه للدائرى دى لفه كبيره جدا لانه هيمشى فى زحمة موقف العاشر و يعدى الكوبرى اللى عند الموقف و يكمل لحد ما يلف من عند الكوبرى اللى بعده و يرجع يخش عند المزلقان و ياخد طريق الهايكستب (اخر مره من شهر كان مكسر و بيعملو مواسير معرفش اتصلح ولا لأ) و رجع نفس المسافه تانى لحد ما ياخد الدائرى ...
من الشروق على طريق السويس هتوفر عليه وقت و مسافه كبيره