دايهاتسو شاريد 1990

**mah_khourshid** · 31-01-2013 02:41 AM

السلام عليكم
انا معايا دايهاتسو شاريد كنا جايبنها عشان خاطر البيت و الولاد و المدرسه

صرفت عليها كتير طبعا عشان خاطر متعطلش منهم

المهم ربنا كرمنا وجبنا عربيه تانيا وعايزين نبيعها ان شاء الله فكنت عايز اعرف العربيه تساوي كام بعد موضوع غلو الاسعار والدولار

المهم العربيه شاريد موديل 90 عامله 154000 كم اوتوماتك و تكيف وحالتها الحمد لله كويسه

انا منتظر تقيم السعر عشان اعرضها للبيع

وشاكر جدا لجميع الاعضاء

**HeMa_LanCeR** · 31-01-2013 11:25 AM

لونها ايه؟
وحالتها اية؟
وطالب فيها كام

**mah_khourshid** · 31-01-2013 12:40 PM

المشاركة الأصلية كتبت بواسطة hema_lancer

لونها ايه؟
وحالتها اية؟
وطالب فيها كام

لونها فيراني
وحالتها جيده (اوتوماتك , تكيف , سنتر , انذار)
وبالنسبه للسعر طالب فيها 30000 جنيه

**ahmedhilmy** · 31-01-2013 04:53 PM

موفق ان شاء الله
بس اخبار قطع غيارها ايه ؟ و في حد بيعرف يشتغل فيها كويس؟

**mah_khourshid** · 31-01-2013 06:14 PM

المشاركة الأصلية كتبت بواسطة ahmedhilmy

موفق ان شاء الله
بس اخبار قطع غيارها ايه ؟ و في حد بيعرف يشتغل فيها كويس؟

طبعا بمساعده اعضاء الدايهاتسو في المنتدي نصحوني بالمهندس سيد الفراش راجل محترم عنده كل حاجه تخص العربيه في ورشته في الحرفيين وكمان ناس متخصصه فيها
وكمان في محل اسمه اوشين في الحرفيين عنده جميع قطع الغيار

**a7mous** · 31-01-2013 11:34 PM

حضرتك عارض دايهاتسو موديل 90 وعاملة 154000 ب 30000 ؟؟؟؟
حضرتك انا صديقى عنده محل قطع غيار دايهاتسو وصاحبى لسه بايع موديل 93 بس مانويل وفابريكه جوا ورشه برا جديد ومجنطه ب 17500 ارجو مراجعة السعر .. انا اسف بس يا جماعة انا بعتقد ان الناس هنا اصدقاء وزملاء واللى بيعلن هنا مش بيحاول يتاجر بيكون بيعمل خدمة مشتركه بيبيع بنزاهه وامانة وبسعر منطقى واللهى انا مليش مصلحة ولا ببوظ اعلان حضرتك بس انا مستغرب من كذا اعلان والناس بقت خياليه

**mah_khourshid** · 01-02-2013 10:53 AM

المشاركة الأصلية كتبت بواسطة a7mous

حضرتك عارض دايهاتسو موديل 90 وعاملة 154000 ب 30000 ؟؟؟؟
حضرتك انا صديقى عنده محل قطع غيار دايهاتسو وصاحبى لسه بايع موديل 93 بس مانويل وفابريكه جوا ورشه برا جديد ومجنطه ب 17500 ارجو مراجعة السعر .. انا اسف بس يا جماعة انا بعتقد ان الناس هنا اصدقاء وزملاء واللى بيعلن هنا مش بيحاول يتاجر بيكون بيعمل خدمة مشتركه بيبيع بنزاهه وامانة وبسعر منطقى والله انا مليش مصلحة ولا ببوظ اعلان حضرتك بس انا مستغرب من كذا اعلان والناس بقت خياليه

انا شاكر علي زوق حضرتك علي نقل المعلومه ....

وبالنسبه للعربيه وسعرها فأنا شريها كده في نفس الرينج ده وكان في نفس الوقت كان زي ماحضرتك بتقول في اسعار اقل من دي بس مش للدرجادي انا لاقيت بعض العربيات من نفس النوع والموديل واتوماتيك بتبتدي من 23000 الي 32000 بس انا كنت عايز حاله كويسه وكنت بدور علي حد زيي بردو جايبها لمراتو واستعمال بيتي + وكمان لما جبتها صرفت عليها ومبخلتش عليها بحاجه
انا بكلم علي عربيه بيتي ..... مش بكلم علي عربيه روشه وجنوط وسوند سيستم والكلام ده
وبالنسبه لحته النزاهه والامانه حضرتك لو رجعت للمواضيع الانا عملها هنا في المنتدي في كيا و رينو هتعرف اد ايه انا يهمني ان محدش يضحك عليا ولا احب اتضحك علي حد
وتاني بالنسبه لسعر العربيه فمن المنطقي جدا انك تشتري عربيه ب 30000 ولما تيجي تبعها تعرضها بنفس السعر مش هاقول ازود بقي عشان صرفت عليها .. مش هقول هزود عشان الاسعار زادت ولا الاستغلال البيحصل زي مانت عارف
حضرتك كده مش بتبوظ اعلاني بالعكس انا ان شاء الله الشخص الهيشتريها لازم يكون مقتنع جدا بالهيتفعه
عربيه ياباني اوتوماتك ايوه موديل 90 بس الحمد لله ماشيه وهعيد تاني هي عربيه بيتي بالنسبالي
وشاكر جدا واحترم رأي حضرتك كامل الاحترام

**a7mous** · 02-02-2013 01:50 AM

اشكرك على سعة صدرك وربنا يوفقك للخير ويحسنلك بيعها

**sherif0333** · 04-02-2013 10:22 AM

تصحيح صغير انا لما بجيب عربيه بسعر ببيع بسعر السوق وقتها مش بعرض بالسعر اللى انا جايبه يعني انا شاري 128 89 من سنه ب 17500 دلوقتى بعد مصرفت عليها 2000 جنيه طالب فيها 14500 فده طبيعي
ثانيا شاريد 90 باي حال من الاحوال لا تزيد عن 23000 وده عن خبره فى اسعار السوق

**mah_khourshid** · 04-02-2013 06:02 PM

تصحيح انا الحمد لله بعت عربيتي الشاريد لواحد فاهم يعني ايه دايهاتسو شاريد وكان بقالو كتير بيدور علي حاله كويسه جدا بردو كان عايزها لمراتو والحمد لله بيعتها ب 28500
وشكرا علي كل النصايح