عرض للطباعة
روحت امبارح غيرت زيت الفتيس واخد 3 لتر ب60ج زيت فالفولين 140
الزيت اللى نزل كان محروق ومحستش بفرق بعد التغيير غير انى لقيت صوت زى صوت الكارونه او انك راجع مارشديل بس طبعا فى الطوالى مش عارف ده من تغيير الزيت ولا من ايه
وحاسس ان صوت الماتور بقى اعلى هل ممكن الكوبلن الداخلى يكون ليه علاقه بالقصه دى ولا ده ايه بالظبط
فى الطوالى على سرعة كام ولو حضرتك كل لما بتزود السرعة دة يبقى صوت رمان البلى بتاع العجل وأحسن حل وأكيد حضرتك تروح لميكانيكى يرفع العربية ويدورها وهى وقفة ويزود السرعة هيبان معاك الصوت ودة لكل عجلة على حدا قبل ماتخش فى موضوع الكوبلن الداخلى الصوت بيبان قوى لو العربية مرفوعة وتقدر تحددة بنفسك وتسمعة قبل ماتبتدى تفك الكبلن الداخلى
الصوت بيعلى معاك كل ما تزود سرعه صح ؟
امشى على 60 او 70 ومور فتيس هتتأكد وقتها لو الصوت راح يبقى الفتيس لو الصوت ما راحش يبقى الرومان بيلى زى ما قالك مؤمن
انا لسه مغير الرومان بيلى فى العجل اللى قدام لانى كان عندى صوت عربيه جاز بتقلب قدامى على طول :d
انا كنت بغير بلى عجل فى المازدا بnskاقتباس:
المشاركة الأصلية كتبت بواسطة aldesha989
بس هل النوع ده كويس للكورى كمان ولا فى حاجه تانيه احسن
اللى انا لسه جايبه برضه nsk هو ممتاز بصراحه بس اتاكد افضل هل هو مناسب ولا لا وانتا برضه لما تيجى تجيب اشترى من واحد متخصص كورى هيقولك الاحسن ايه وربنا يوفقكاقتباس:
المشاركة الأصلية كتبت بواسطة mado83
الصوت مش بلى عجل
لانى فصلت الفتيس ولقيت اختفى
كدة يبقى الموضوع من الفتيس
ممكن تغير زيت الفتيس تاني في الأول بنوع تاني شل مثلا أو أي حاجة وخللي بالك ممكن تكون العربية بتحط زيت 90 مش 140 لو الصوت مشي يبقى كان من الزيت مش مضبوط لو فضل يبقى العيب من الفتيس نفسه وتغيير الزيت كشفه فقط ليس إلا
طبعا زيت 140 تقيل على فيتيس عربيتك ومش كويس وبالأخص الشتاء. عربيتك تاخد زيت فيتيس درجة 90، وممكن 85w90 هيكون تمام، أغلب الملاكي ميحطش 140، ولو حصل بيكون في حر الصيف عشان درجة الانسكاب.
حضرتك هتتعب نفسك شوية وتنزله فورا وتشتري 3 عبوات موبيل زيت فيتيس مانيوال درجة 85W90 العبوة واحد كيلو وتمنها 25ج.م وتحطهم الثلاثة، قبل ما تفكر في وجود أي مشكلة تانية سواء مرتبطة بالفيتيس أو لأ. وبلاش الزيت السايب اللي في المحطات أو الورش. اشتري الزيت متبرشم من محل زيوت كبير أو محطة محترمة. وإن شاء الله الصوت يروح والموتور ينعم