روح التحدي للقانون - حاجة تحرق الدم
الأخوة و الاخوات الكرام / أعضاء نايل موتورز
أسعد الله أوقاتكم ...
بتشهد مصر في الاونة الاخيرة أنحدارا غير مسبوقا في الاخلاق و الخروج علي القانون بل يصل الامر في بعض الاحيان الي تحدي القانون نفسه و هذا ما سأخبركم عنه في السطور اللاحقة و لكن بالصور
الصورة الأولي http://nileup.com/up/uploads/nilemotors_13596329651.jpg الصورة مش محتاجة توضيح .. واحد بيتحدي القانون و ماشي من غير لوحات و كاتب مكانها الرقم مشغول - أين رجال المرور ؟؟ (ده لو فيه مرور و فيه رجالة أصلا) - أين من يدعون و يطالبون بتطبيق القانون ؟ - أين الاعلام و الصحافة التي صدعت دماغنا بأنه لامساس بالقضاء و القضاة و رجال العدالة مع أن اللي بيعمل كده هم رجال العدالة .. ده أن جاز أن نطلق عليهم لفظ رجال الصورة الثانية http://nileup.com/up/uploads/nilemotors_13596329662.jpg الصورة دي تم ألتقاطها بعد ألتقاط الصورة الاولي بدقائق معدودة علي نفس الطريق و هذه الصورة هي تحد صارخ للقانون و لي أنا شخصيا صاحب العربية دي شافني و أنا بأصور العربية النوبيرا لأنه كان جنبي ساعتها و بعدها بلحظات و بينما هو يسير أمامي أخرج يده مشيرا لي بأنه أيضا مخالف للقانون و يطلب مني أن ألتقط صورته في الاول ماكانش في دماغي لكن بعد هذا أقتربت و قمت بألتقاط صورة له بأختصار .. بيتحدي و بيقول لي صورني أنا كمان انا مخالف اهو و ماحدش هايقدر يعمل لي حاجة عايز بقي رد من حد في المرور علي هذا التجاوز و التحدي الصورة الثالثة http://nileup.com/up/uploads/nilemotors_13596329663.jpg ده بقي واحد راكن في منتصف الطريق و علي مدخل طريق أخر فرعي قمة الاستهتار بصراحة لولا أني خايف علي عربيتي كنت دخلت فيه و شلت له فانوس و لا رفرف
كفاية كده النهاردة
علشان الواحد كل مايفتكر الناس دي بيتحرق دمه