السلام عليكم ياوحوش الرينو

انا بعد مجربت الفلونس سنتين من 2010 وعملت بيها 48000 كم من غير اي مشاكل كبيره وبصراحه العربيه دي انا معجب بيها جدا لدرجه اني مش لاقي حاجه تانيه في نفس الفئه ممكن اروحلها وكمان كنت فكرت لو جالي فلوس اجيب الجديده منها
المهم انا كنت جايب للمدام دايهاتسو شاريد (اوتوماتيك) موديل 1990 عشان تودي الولاد المدرسه
والحمد لله ربنا كرمنا بالسانديرو الجميله( اوتوماتيك )وبصراحه عربيه بجد بجد جميله جدا ومناسبه للبلد بتاعتنا وتحسسك انك عالي وراكب حاجه مختلفه عن بقيت الناس
ولحد دلوقتي ان مش شايف عيوب الا في :

1- صوت الموتور العالي
2- تانك البنزين بيتفتح بالمفتاح
3- النسخه الاسبير للمفتاح مفهاش ريموت
4- الاكر بتاعت الابواب خفيفه شويه.

غير كده العربيه موتور شديد وواسعه بالنسبه للفئه بتاعتها والشنطه بحر ماشاء الله والتكيف جميل بس ده في الشتاء مش عارف في الصيف هيعمل ايه معانا يارب ميعملش زي الفلونس بقي ضعيف

انا كنت بفكر ان اعمل للسانديرو كربون للاكصدامات والجانبين من تحت عشان طبعا الخدوش الهتحصل عارفين طبعا مش شكل جمالي)
حد جرب الكربون ده وايه عيوبه وممكن يتشال بسهوله وايه سعره

اخر حاجه ومعلش كنت طولت عليكم شويه انا عارض الشاريد للبيع لو حد عايز يجيب لمراته هديه عربيه تتعلم عليها او تعمل المشوير الخفيفه زي المدرسه مثلا يقول
هيا دايهاتسو شارد 1000cc موديل 90 اتوماتيك ;السياره بحاله فوق الجيده دواخل فابريقه اللون فيراني ,بها فرش بحاله ممتازه ,فرش جديد , ودواسات جديده

وشكرا جدا يا وحوش رينو
ومستعد لاي استفسار ان كان علي السانديرو او الفلونس

وشكرا لرينو بجد شركه وتوكيل محترمين جدا