عايز نصيحة أصحاب ال 127

**hn_kamal** · 28-07-2008 04:14 PM

عايز اشترى 127 أو فيورا مو 86 تنصحونى أبص على ايه فيها عند الشراء وهل موضوع الكشف عليها فى محطة بنزين ذو جدوى ام لا وايه المحطات الكويسة اللى بتكشف على حالة العربية

**thegoodhacker** · 28-07-2008 05:21 PM

انصحك انك يكون معاك سمكري تثق في كلامه يفحصلك العربية كويس و تتاكد من الاتي :
ان العربية اساسياتها سليمة من حوض و قوائم وشنطة و سقف و دي وظيفة السمكري اللي حضرتك حتجيبه و تتاكد ان ما فيهاش بارومة في الدواخل لانها بتقلل قيمة العربية.....
تتاكد ان نمرة الشاسيه موجودة علي الفخدة اليمين

اللي فات دي هي الاساسيات يعني ما تتنازل عن السابق ابدا اما الحاجات اللي جاية ممكن تاخدها محتاجة صيانة بس اخصم تمنها من قيمة السيارة عند الشراء :
تاكد من حالة الموتور يعني انه ما يكونش محتاج عمرة موتور لان عمرة الموتور بتبقي مكلفة .....
تتاكد من حالة العفشة بتجربة السيارة
تتاكد من حالة الصالون و التابلوه .... فيه كلام ان تابلوه الفيورا تمنه وصل 600 جنيه
تاكد علي حالة الدهان الخارجي لان عمرة السمكرة و الدوكو دلوقتي بتعدي الالف جنيه بسهولة
تتاكد من حالة كاوتش السيارة لان فردة الكاوتش النضيف دلوقتي بتوصل 300 جنيه