أسعار السبع للصيانات الدورية لل " نيسان صني "

*صيانة 1000 : مجانا

*صيانة 5000 / 15000 / 25000 / 35000 / 45000 / 55000 / 65000/ 75000 / 85000 / 95000
: 75 جنيه

*صيانة 10000 / 30000/ 50000/ 70000 / 90000 : 150 جنيه

*صيانة 20000 / 60000 : 225 جنيه

* صيانة 40000 / 80000 : 300 جنيه

*صيانة 100000 : 225 جنيه



* تغيير زيت الماتور + فلتر الزيت : 25 جنيه

*تغيير زيت الماتور: 20 جنيه

*تغيير شمعات الاحتراق (البوجيهات): 30 جنيه

*تغيير تيل فرامل أمامي: 50 جنيه

*تغيير تيل فرامل خلفي: 60 جنيه

*تغيير فلتر الهواء: 10 جنيه

--------------------------------------------------

الاسعار دي انا جبتها من عندهم في اخر زيارة

الاسعار غير شاملة ضريبة المبيعات

على فكرة دي اسعار بارضو صيانة ال

تيدا و الاكس تريل

اولا جزاك الله خيرا
و عقبال صيانة الـ 150000

انا عارف ان الموضوع ده قتل بحثا
بس انا لم اصل الى شئ
أنا ناوى ان شاء الله اعمل عندهم صيانة 25 الف "انا طنشت 20 الف"
يعنى عايز اقارن بينهم و بين يونايتد اللى كنت باروحلهم بس لم استريح نفسيا اخر مرة عندهم "يمكن علشان العربيه اتخبطت و انا رايحلهم--بس مش تشاؤوم خالص"

المهم يا باشا الطريق من الدائرى ازاى
انا بس عايز اعرف نزلة المعادى دى انهى من و انا جاى من التجمع الخامس
اصل اقعدت ادور لقيت كذا واحدة و العلامات الارشادية حاسيت انها ضللتنى اكتر

انا متعود فى يونايتد انى اروح بدون حجز و ادخل و اخلص عالطول
يا ترى هناك كده و لا لأ

بالمناسبه الاسعار اللى سيادتك كاتبها ارخص من يونايتد
و واحد بصراحة خوفنى من ان المراكز المعتمده ممكن قطع غيارها لا تكون اصليه :toot:
يا ترى ده صحيح
جزاك الله خيرا

قدر الله و ماشاء فعل.. هيا حاجه مقرفه اوي لما العربيه بتتخبط ... الحمدلله ..


والله يا باشا كل حاجه بيعملوها بتبقا انت شايفها من فوق و قطع الغيار ايلي بيغيروها بيحطلك القديم بتاعك فيه و في شنطة العربية

انا شوفت تيدا كانت بتغير تيل .. شالوا القديم و حطوه في الكرتونة بتاعتة و في شنطة و حطوها في شنطة العربية

فا قطع الغيار لأ ماتقللق منها
انا ماتعاملتش مع يونايتد.. بس بصراحة الصيانة دي كانت مظبوطه و العيوب ايلي عندي اتأكدت من ان معظمها اتحل.

الطريق بأه ...

حضرتك تمشي من عند دخلة صقر قريش

و حتلاقي بنزينة شل على يمينك

تفضل ماشي على طول حتلاقي على شمالك بنزينة وطنية ... اول ماتشوفها حاول تمسك يمين شوية عشان حتنزل النزله ايلي على ناصيتها الشرطة العسكرية.. و طبعا في لافتات كل ما تقرب من النزله دي..

حتنزل و تعمل و تلف على طول من اول فتحه و ترجه


تفضل ماشي ماشي حتقابل فودافون على يمينك.. امشي لحد ماتلاقي لافته عليها نادي وادي دجله يمين

ادخل يمين اول ما الشارع يخلص شمال و تفضل ماشي و تعدي النادي ... حتلاقي المركز بعد جزء مكسر شويه.. امشي بالراحه في الحته دي :)

انا اتعاملت مع المهندس محمد عمر اخر مره و شاب ظريف جدا و لو في حاجه مش عارف تشرحاله ... خليه يطلع معاك و جرب براحتك معاه ..

و في بارضو المهندس شريف شخصية بارضو محترمة..

دا رقم المهندس شريف 0120240614

انا مش فاكر كان رقم الحجز كام بس ممكن تسأله عشان انا كنت واخده منه بارضو

متهيألي كان 0100050700

جزاك الله خيرا على الرد المفيد و السريع :flowers:

اقتباس:

---

المشاركة الأصلية كتبت بواسطة loai-omar

حضرتك تمشي من عند دخلة صقر قريش

---

ما هى دى مشكلتى
بيبقى مكتوب على اللوح ايه
يعنى هالاقى يافطة تقول
منزل 300 صقر قريش بعد 400 متر مثلا
اصل انا بصراحة كذا مرة و انا على الدائرى ماخدتش بالى من نزلة صقر قريش دى خالص :cool2::cool2::cool2:

حتلاقي على اليافطه المعادي ..

هتدخل في دخلة المعادي يا باشا