حبيبي سامح باشا صديق الفجر.
الله ينور عليك ويكرمك العرض كده بقى صعب مقاومته.
وأنا بعت الإيميل ونفسي في الفئة الثالثة (130000 جم) إن شاء الله
وفي إنتظار عطائك المتجدد.
عرض للطباعة
فعلا ......خمسة الاف عفريت لما ..........
تدفعوا ليه فلوس مادام قطع الغيار موجودة
ثم هو مين اللي بيشتري الزبون ؟؟؟ دا هو سونستا اللي مفروض يقدم خصومات علشان تبقى الصيانة عنده مش عايز كام الف ؟؟؟؟؟
انا أعرف ان العربية قطعها موجودة وفي ناس كويسة فيها مش سونستا بس هو اللي انزل يعني
ربنا معاكوا
صباحكو زي الفل يا شباب
الله ينور عليك يا بشمهندس خالد بجد جهد جميل جزاك الله خير
انا بضم صوتي ليك ولكل الاخوه
وطالما بقي العربيه ضمانها اللي هوه مش ضمان مجرد تكرم من سونستا انك تدخل تصلح عندهم وكمان هتحاسب يبقي بلاش منه اصلا طالما قطع الغيار متوفره وسعرها مش عالي زي ما بيقولوا
وكده طالما فيها توفير 5000 انا ممكن اغير طلبي واخد الفئه الاعلي اللي ب 130 الف
بس يا سموح عايزك تتأكد من معني كلمه ضمان بالظبط " ضد عيوب الصناعه ولا ضمان ورش مالوش لزمه"
وطبعا لو هناخد الضمان يبقي ناخده بنفس السعر اللي غيرنا بياخد بيه
وليه تدفع اكتر لما ممكن تدفع اقل :)
يا جماعه هقولكم كلمه كلتها لسامح في التليفون امبارح
الناس خايفه من قطع غيار المازدا بس الناس بتسمع علي السمع مش التجربه
بيقولوا تيل الفرامل ب 900 جنيه
طب حضرتك اتصل بسمارت كار او سونستا واسألهم عليه كده ؟ سعره عندهم 450 جنيه
سعر تيل فرامل لانسر 380 جنيه وبيتغيل كل 15-20 الف كيلو
سعر تيل فرامل مازدا 450 جنيه وبيتغير كل 25-30 الف كيلو
اظن مفيش فرق
وعلي فكره دي اسعار توكيل مش اسعار محلات بره
وطالما قطع الغيار متوفره والعربيه اعتماديتها عاليه واعلي من لانسر واسألوا يبقي مفيش خوف خالص من النقطه دي
انا بس حبيت اضرب مثال وغيري ممكن يكون عنده معلومات اكتر ويفيدنا بيها
نفس اللي انا قلقان منه.. يعني لو لا قدر الله وظهر عيب صناعة (وحتى المرسيدس وارد إنه يظهر فيها).. هايكون إيه التصرف؟؟؟؟
الضمان يشمل كده؟؟ ولا هايقولولي (...... في العش وللا طارت)؟ :) :) :)
وافر التقدير والشكر والاحترام لسامح باشا.. وللأستاذ خالد زيروكس (حضرتك شغال في زيروكس؟؟.. لو كده نبقى جيران..) :)
بانتظار الرد
أولاً أشكركم يا جماعة على تشجيعكم وأتمنى أشوف مشاركات مشابهة.
بالنسبة للضمان إسمحو لي أختلف معاكم الضمان مالوش لزمة فعلاً لو إنت عارف حتروح لمين وإنه جهة مستقرة ويعتمد عليها لعدة سنوات مستقبلاً وما بتشترطش هذا الضمان وده طبعاً لإن السيارة سلعة معمرة. لكن لو فيه مشكلة سواء في إلكترونيات العربية مثلاً أو في أجذاء ميكانيكية تختلف بها السيارة عن مثيلاتها أو لو فيها أجذاء في هذه السيارة لا يمكن ضبطها إلا بأجهزة معقدة أو متخصصة مش موجودة في آي ورشة وما تعرفش حد يقدر يصلحها غير الجهات إللي بتدي الضمان ده أيه حيكون الحل؟
لو فيه حد يعرف جهة تفي بالغرض ده في الإسكندرية يقول لي ويبقى وفر عليا الفلوس دي. وطبعاً إللي يعرف حد في القاهرة ما يبخلش على إخونا بتوع القاهرة.
وطبعأ التأمين على العربية مالوش فايدة في الحالة إللي أنا بتكلم عليها دي.
فعلا ياجماعه
الضمان كده شكله ملهوش لازمه
5000 جنيه على الفاضى
يارب المواصفات ده تفيدكوا
ده المواصفات هنا فى الامارات
http://www.mazdauae.com/mazda3_feature.htm
خالد باشا انا متفق معاك وطبعا تفرق لما اخد عربيه الكترونياتها عاليه زي مازدا واروح لوره الاسطي بليه او اروح لمركز صيانه محترم انا عارف انه هيقدر يتعامل معاها ولو الضمان ب 2500 بس يبقي دي مش مشكله
يعني مثلا سونستا بتعمل صيانتها عند ياسين واعرف ان ياسيين بيعمل صيانه لبي ام برضه
احنا بس ننتظر سامح يتأكد لينا من الموضوع ده
الشكر لك يا أستاذ Goodle بس للأسف ماليش الشرف أكون من جيران حضرتك ولا من العاملين بـ Xerox أنا من الإسكندرية وشغل في مجال معالجة الغاز الطبيعي.
شكراً على المشاركة يا أستاذ casber.
بس الحقيقة أنا لما دخلت فوجئت بالتنوع الكبير في الـ V وما شفتش كلمة V2 ولا Aero ده غير الإختصارات الكتيرة جداً إللي مفهمتهاش وحتى الصور في قمة الشاشة شكلها مختلف عن الموجودة في مصر (لاحظ شكل الشبكة الأمامية للسيارة الأربعة باب) وإن كانت شكلها أحلى ياريتها تكون هي.