بجماعة الخير محدش يعرف لمبات ليدات للمنازل ..سعرها كام . وموجوده فين؟؟ وهل تنفع لاضاءة شقة مثلا ولا هتبئا ضعيفة ؟؟
http://i00.i.aliimg.com/img/pb/166/2...web1_13553.jpg
عرض للطباعة
بجماعة الخير محدش يعرف لمبات ليدات للمنازل ..سعرها كام . وموجوده فين؟؟ وهل تنفع لاضاءة شقة مثلا ولا هتبئا ضعيفة ؟؟
http://i00.i.aliimg.com/img/pb/166/2...web1_13553.jpg
ايه يجماعة محدش جرب اللمبات ديه خاااااااااااااااااالص ولا يعرف عنها حاجة ؟؟؟؟؟؟
انا جربت الاضاءة الليد كإضاءة طوارئ عن طريق الشحن و هي اضاءة مركزة قوية و ما بتستهلكش طاقة كثير اما استخدام الليد كبديل للاضاءة العادية فده ماسمعتش عنه و لا علم مدى جدواه .. بس حضرتك ممكن تدور في المتاجر الكبيرة زي هايبر وان او كارفور ممكن تلاقي شيء مماثل .
محﻻت اﻻضاءة مليانة نجف ليدات و كمان بتشتغل بالريموت بس كلها حاجات صينى مضروبة ....جبتها و باظت
هو أن أعرف ان الليدات دى بتبقى لانارة واجهات المحلات أو المنازل- الروف-الحدائق-حمامات السباحة
لكن جوه البيوت متهيألى تبقى مش لطيفة
على الفيس شوفت صفحة لشركة فى التجمع الخامس بتشتغل فى اللمض الليدات
بيقولو انها بتوفر جامد جامد جامد عن اللمض الموفرة بنسبة كبيرة بس مش فاكر كام وبتعيش اكبر بكتير عن اللمض الموفرة بالسنين يعنى .
اللى فاكرة السعر حوالى 45 جنية للمبة
وبس دى المعلومات اللى عندى
موجودة بس سعرها مبالغ فيه
المستقبل ليها بس لما الموزعين ينازلوها بسعر تنافسى
موجود اسبوتات ليدات وصيني طبعا
هتلاقيها في ش عبدالعزيز وسعر الاسبوت 15 جنيه
بس اضاءته مش قويه زي الاسبوت الهالوجين
مشكوووور يجماعة
وهى فعلا الايام اللى جاية للمبات ديه وفى منها انواع كتير بس مشكلتنا ان اللى نازل مصر اغلبه مضروب ..وانا عندى لمبة فى البيت كان واحد جبهالى هدية لما تسقفلها تنور (احداث حقيقة وليس من خالى) بس نورها طوارئ وليس لبمة قوية
هنزل ده ان شاء الله الرويعى واتفرج يمكن الاقى حاجة كويسة
يا جماعه انا قبل كده سألت هنا فى المنتدى ونزلت شارع الكهرباء فى العتبه
محدش يعرف عنها حاجه غير كشاف الطوارىء اللى بيركب فمكان اللمبه العاديه لما النور يتقطع
بس
لكن ما لقيتش حاجه هنا عن الكلام ده
لكن موجودين بره
LEDinYourHouse
دايما متاخرين فى كل حاجه
هو عيب اليدات حاجه ان ضوئها مركز مش بينتشر زى اللمبات العاديه
ان شاء الله اول ما اتوصل لحاجة جديدة فى الموضوع ده هقولكم على طول.. وللاسف فعلا احنا دايما اخر الناس اللى بتواكب التكنولوجيا
السلام عليكم ورحمه الله
انا خلال الفتره الماضيه كنت ناوى اجهز شقتى كلها بهذه اللمبات
LED Lamps with Classic Bulbs - G27 OR E27
وهى لمبات ليد ونفس شكل اللمبات العاديه
واستهلاكها فى الكهرباء تقريبا ربع الاستهلاك العادى
وعيوبها الحراره الشديده التى تصدرها ولذلك يكون متركب لها هيت سينك لامتصاص الحراره
ومتوسط عمره اللمبات النظيفه 30000 ساعه الى 50000 ساعه اناره
وقوه الاضائه تترواح مابين 5 - 18 وات وطبعا قوه الاضائه لها اقوى من اللمبات العاديه
واسعارها تتراوح مابين 3 دولار الى 45 دولار
وجدتها فى كارفور وكانت لمبات فليبس وسعرها كان مئه جنيها تقريبا
والعربى يصنع اللمبات البلحه بتاعه النجفه ويقول انه يضمنها 32000 ساعه وسعره تقريبا من 55 - 65 جنيها