الموضوع: بالصور اتعلم ازاى تعمل قلم لموبيلك التاتش mobile stylus

الموضوع دة للموبيلات الى شغالة بشاشة كبستف الى هى مبتشتغلش غير بالايد او بقلم مخصوص زى الايفون والنوت والاس 3 والاس2 والكلام دة كلة

اول حاجة الادوات


1-سفنج من نوع مخصوص موجود عند كارفور احنا اصلا هنستخدم حتة صغيرة من السفنجة الواحده الباقى اديه للحاجة او المدام تنضف بيها السفنج دة بالذات هتلاقية عند كارفور الباكت فية 3 سفنجات محدش يجيب نوع تانى لان السفنج دة عندة قدرة انه ينقل الاشارة من ايدك للموبيل

2- قلم جاف يكون فاضى او مش محتاجة (بشرط تكون راسة من قدام ينفع تتفك )

3-سلك نحاس

4-ابرة تخينة او بنسة شعر مش هنختلف


1-اول حاجة هنعمل خرم فى القلم الجاق زى الخرم دة , الخرم دة اعملة بانك تسخن مسمار على النار او الابرة تسخنا وتخرم القلم من من فوق كدة زى ما فى الصورة



2-هندخل السلك النحاس من الخرم الى عملناه ونخرج ترفة من قدام



3-هنفك راس القلم ونقطع منه حتة زى الى فى الصورة



4-هنقطع حتة رفيعه من السفنجة بشرط يكون نهاية الحتة الى هنقطعها تكون من اى جنب من جوانب السفنجة لان الحتة دى مش بتتاكل بسهولة زى بقية السفنجة زى الصورة دى



5-ندخل حتة السفنج فى راس القلم ونخلى الحتة الى من الجنب هى الى لبرة



6-نقفل القلم عادى بشرط ان السلك النحاس يكون داخل فى السفنجة وبقية السلك النحاس هنلفة حولين القلم علشان هو دة الى هياخد الاشارة من ايدك ويوصلها للسفنجة و السفنجة توصلها شاشة الموبيل زى الصورة دى



ودلوقتى استمتعموا بالقلم واكتبوا وارسموا الى انتوا عاوزينة على الشاشة زى النوت 1 و النوت 2

اى خدمة بس حاولوا تجربوا واى حاجة انا فى الخدمة