هل معارض العربيات مضمونه فى شراء المستعمل

**dr.hany** · 01-02-2013 11:11 AM

دلوقتى الواحد مل من قلة ضمير التجار والسماسرة اللى بيشتغلوا لحسابهم واللى كمان في السوق

بس بصراحه ماجربتش اشترى من معرض ليه اسم ومكان ثابت.

فهل الناس ديه ممكن تكون مضمونه شويه عن اخونا البعدا على اساس انهم بيكونوا مجرد وسيط

بينك وبين صاحب العربية.ولو حد يعرف معرض فياريت مايبخلش علينا وشكرا

**Elawany13** · 01-02-2013 11:13 AM

مفيش حاجه اسمها مضمونة فى مصر فى الزمن ده
حتى معارض الزيرو مش معارض المستعمل
لازم تكون عنيك فى وسط راسك

**golden_web_2007** · 01-02-2013 12:37 PM

لاء مافيش طبعاًُ .. لو حضرتك تقصد بكلمة مضمون إنك تشترى و إنتا مغمض يبئا غلطان ..

المستعمل فى مصر عربيات اغلبها مهلوكة .. خد معاك ميكانيكى و سمكرى و كهربائى و محامى و انتا بتشترى ..

صدقنى بلد ليها العجب ..

**hesham ahmed** · 01-02-2013 01:16 PM

مفيش حاجه مضمونه .. حتب لو بتشتري من دكتور و لا حتي من دكتور جامعه
اكشف كويس علي العربيه جدا... (توكيل او حد مضمون) . و اعرف كل اللي فيها و سيبك من كلام البائع .. و بالسعر المناسب
خلاص حتب لو جايبها من اكبر نصاب ,,, توكل علي الله .. طبعا بعد ما تتاكد من ورقها

**aldesha989** · 01-02-2013 01:39 PM

اغلب المعارض بالذات بتقلب العربيه لو فيها ايه وممكن ما يقولكش على اللى فيها لانه عايز يكسب وخصوصآ فى المستعمل بيضرب سعر اولآ تانى حاجه حتى لو العربيه قاطعه مش هيقولك الا لما تكتشف بنفسك وبيبقى لاعب فى العداد ده شئ اساسى ومروق العربيه احلى حاجه علشان تتخم فى الشكل الخارجى والصالون

**hugan** · 01-02-2013 01:48 PM

كل ماسبق

**حماده المصري** · 01-02-2013 04:27 PM

مفيش حاجه اسمها معرض مضمون

اي معرض بيتاجر في اي حاجه حلو او وحش كله بياخده بسعره ولما تروحله عمره ما هيقولك على اي حاجه انها وحشه

لازم تبقى عينك في وسط راسك فعلا بس عموما ك عربيات نضيفه بشوفها الحقيقه معارض في المهندسين كتير بتبقى باينه حالات العربيات انها نضيفه وفيه برضو كزا معرض في سوق العاشر بتاع السيارات حلويين

بس المشكله الجماعيه انه كله بيضرب سعر فوق الطبيعي بكتيييييير