مقترحات لحل مشكلة اسعار البنزين

**mig44n** · 28-07-2008 07:24 PM

والله الواحد تعب من موضوع ال 80 ده وياجماعه والله والله فى مليون حل منهم:-
1-سعر البنزين 80 يوصل الى جنيه وربع او جنيه وريال وسعر البنزين 90 ينزل الى سعر جنيه ونصف.
وبكده يبقى الفرق بينهم 30 قرش (الموضوع ده هيخفف الضغط على بنزين 80 ويخلى الناس ترجع تانى لبنزين 90 الى هو افضل طبعا)
(فى نفس الوقت الحكومه لسه مستفيده بمعن انا البنزين ال 80 غلى 25 قرش وده هيعوض انخفاض سعر بنزين 90 الى جنيه ونصف من جنيه 75)
يعنى مشروع الحكومه لتخفيض الدعم لسه موجود مع تقليل الاعباء وتوزيعها على المواطنين

2-توزيع بنزين 80 للسيارات محدودين الدخل عن طريق بطايق تموينية مخصوصه للبنزين (باتباع طريقة الحصص اليومية بمعن ان لكل سيارة حصة يومية من البنزين 80 واذا اردت ان تحصل على بنزين 90 فابلطبع بدون بطاقه تموينية)
الطريقه متبعه فى ايران وبعض الدول الاخرى....

3-فرض قانون يلزم سيارات التاكسى بالتحويل الى الغاز الطبيعى وتقديم التسهيلات المناسبه لمساعده مالكى سيارات التاكسى على التحويل الى الغاز الطبيعى.....

4-بالطبع تشديد الرقابه على محطات التزود بالوقود ومنع الاحتكار.....

وانا مستنى ارائكم ومشاركاتكم واقتراحتكم لحا مشكلة اسعار البنزين....

**CBR** · 29-07-2008 01:08 AM

مقترحات جامده

بس حلني

بوص الي انت قلت عليه ده كويس

بس عمرهم ما حيخفضوا 90 ويغلوا 80

قصدك يغلوا 80 وبردوا يغلوا 90 او لو كرما يثبتوه

بس المفروض كل سيارات التاكسي تبقى غاز

وده حيخفف الضغط

سلام

**dr_3eshoo** · 29-07-2008 04:38 AM

انا النهرده شفت منظر عمري ماهاشوفه تانتي في حياتي طابور عربيات مستني من اول شارع مراد لاخره و ايه حياه يا جدعان ناس جايبه سجاير و لزوم المزه لب و سوداني و اكل و الناس بتعزم على بعضها و الي بيغسل عربيته و الي اتصاحب على الي جنبه
اما بالنسبه للحضرتك بتقوله ده من رابع المستحيلات ال 80 ممكن يلغوه و ال 90 يغلبوه و دي احسن طريقه لانهم يخوا الضغط عليه
و ابقى قول لا ساعتها هايقوموا لاغين البنزين اصلا و ابقى امشي على رجلين
بلد زي الفل

**mig44n** · 29-07-2008 02:33 PM

من كلامكم كده ياجماعه حسستونى انها مؤمرة عاملاها الحكومه....
بس ايه الهدف منها؟؟؟ ياجماعه الموضوع ده موضوع قرارات خاطئة اخدتها الحكومه وبتحاول لحد دلوقتى انها تبرر موقفها وتقول ان كل حاجه هتبقى تمام وكله هيتاقلم على الوضع الجديد ومش مشكله كام مليون متضرر...
والله الواحد حاسس ان موضوع البنزين بالنسبه للحكومه مش مهم هم اكيد فى رايهم دول كام الف واحد عنده عربيه تعبانه ومش قادر على مصاريف البنزين يبقى يبعها احسن ويريحنا من الدعم....
دلوقتى الواحد مبقاش يخرج بالعربيه كل يوم لا بقى يسيب العربيه للشديد القوى...
وطبعا ريحت دماغى من موضوع البنزين ال 80 وبقيت احط بنزين 90 ومن ساعتها العربيه مبرجله وحالتها النفسيه تعبانه......
وبعدين هم مش عارفين ان العربيات القديمة غير موفرة فى البنزين يعنى مثلا:
فيات 128 فى داخل المدينة اللتر بيعمل من 7 الى 8 كيلو
اللنسر 1600 داخل المدينه اللتر بيعمل 10 كيلو
فمش معقول هحط 90 زى زى اللنسر مع فرق انه راكب عربيه نضيفه وانا راكب عربيه على قدى...
انا موافق على موضوع البنزين يغلى ويبقى ب 2 جنيه كمان بس على شرط يفتحولنا جمارك العربيات ونبدل عربياتنا القديمة بعربيات احدث تكون موفرة فى البنزين وتستاهل انى احط فيها بنزين....

**dr_abooody** · 29-07-2008 11:00 PM

كل سنة و انت طيب البنزين 80 خلاص هيتلغي و مش هيبقى للغلابة غير 90 و هيرفعوا سعرة علينا

حسبي الله و نعم الوكيل

**HeMa_LanCeR** · 29-07-2008 11:24 PM

أنا من رأيي يلغوا البنزين ال90 أصلا
وياخدوا الفلوس اللي بيدعموه بيها يدعموما بيها 80 بنفس الكميه
لأ الفرق بين ال 90 و 92 بريزه فا انا حاسس انه مالوش لزمه
وبكده هيبقي عندك كميه ال 80 القديمه + الكميه الجديده المدعمه

ولا ايه ؟

**ramyso4** · 30-07-2008 02:05 AM

أنا حقول رائي بمنتهى الصراحة وبعد تفكير أخد وقت كتير الخلاصة الحكومة دي حكومة فاشلة فاشلة فاشلة ......بخصوص موضوع البنزين
دلوقتي الحكومة غالت البنزين ....حلو مفيش مشاكل أهو لسه كده مدعمينو وعلى فكرة يا جماعة البنزين في مصر أرخص من دول كتير فالعلم..... المهم إن الفلوس الشلتها من دعم البنزين دي تحطها في مواصلات ادمية زي باقي الدول مش تغلي البنزين وتفضل مواصلتنا مهينة وغير ادمية كدة !
دلوقتي الحكومة مفروض تشيل الدعم تماماً من 95 وتحط الفلوس الوفرتها دي وتخفض ال-80 وال-90 و-92 ممكن يفضل ذي ما هو بس ليه ندعم 95!!!! دلوقتي الدعم ده مفروض الحكومة تعملو على الحاجات الأساسية المطلوبة عشان الواحد يعيش ذي العيش والزيت والحاجات دي يعني حاجات أساسية دلوقتي هو ال-95 ده يصنف من الحاجات الأساسية وماينفعش تستغنى عنها ؟؟؟
سيبنى من النقطة دي الدعم ده مفروض بيروح للناس المحتاجة ومحدودي الدخل هل ياترى الناس البتحط بنزين 95 دي ناس محدودي الدخل ؟ دي ناس جايبة عربيات فوق ال-100 ألف يعني حالتها المادية جيدة ومش محتاجة دعم لكن البيحط 80 ده يفرق معه أوي البنزين

دي بصراحة وجهت نظري و شايف البلد حالها فالنازل طول ما الحكومة غبية كدة

**Ahmed Samy** · 30-07-2008 03:14 AM

و هم مستفيدين ايه من اللي حضرتك بتقوله

يعني يوجعوا دماغهم ليه يعني

ما انشا الله عننا ما حطينا بنزين و لا ركبنا عربيات

هو دلع و خلاص ؟؟؟

شعب ممروع صحيح

**Adham** · 30-07-2008 04:18 AM

مين مصدق اصلا انهم بيدعموا البنزين سواء 90 وللا 95

فية عاقل في الدنيا يقول او يصدق ان البنزين ال 80 ارخص من الجاز (السولار بتاع الديزل)

من سنتين كان الجاز ب35 و بقى 70 و دلوقتي بقى ب 110 و لسة بنزين 80 ب 90 قرش

عاقل مين يصدق دة

**ramyso4** · 30-07-2008 04:37 AM

هيهيهيهي إنت شكلك شايل قوي يا أدهم بس البنزين متدعم فعلاً ويعتبر رخيص جداً كمان بنسبة لباقي العالم عشان أسعار البترول البتزيد تعرف لتر السولار كام ف نيو يورك شوف بقولك السولار مش البنزين سعر لتر السولار 4.5 دولار يعني 24 جنيه كده مع إن كان من سنة بس ب-3 دولار يعني 20 كده
حتة إن البنزين غالي مش دي النقطة النتكلم فيها احنا بنقول أن التوزيع بتاع الدعم غلط ولما بيتشال ذي ما حصل مؤخراً مش بنحس إن فلوس الدعم دي راحت ف مواصلات الهي حاجة بديلة

الموضوع: مقترحات لحل مشكلة اسعار البنزين

LinkBack

أدوات الموضوع

عرض

مقترحات لحل مشكلة اسعار البنزين - انشر الموضوع فى :

-

-

-

-

-

-

المواضيع المتشابهه

هتبقى ايه اسعار العربيات المستعمله بعد ارتفاع اسعار البنزين

لا زيادة في اسعار البنزين!!!!!!!!!!!!!

قريبا في مصر بعد ارتفاع اسعار البنزين

اسعار البنزين

اسعار التراخيص و البنزين و السجائر

الكلمات الدلالية لهذا الموضوع

المفضلات

المفضلات

ضوابط المشاركة