لو سمحتوا يا جماعة انا محتاكوا في استشارة ..انا رحت اتفرج ع عربية سيراتو 2010 هاي لاين العربية راشة بره نظافة بس فيها حاجة التكييف لما بعمله ع اقل درجة سمعت فيه صوت تكتكة طالعة من المروحة وكمان صاحب العربية قالي ان المالتي فانكشن مش شغال وشرخ في الأزاز القدماني طوله بتاع 30 سم بس مش شرخ شرخ يعني ..كنت عايز اعرف بس الحاجات دي بسيطة في التصليح ولا حاجات كبيرة ..وتسعر العربية دي كام مع العلم ان العربية عاملة 74 الف كيلو وهتطلع من الرش بكرة يعني انا يعتبر هاخدها زيرو ...شكرا
اتقل و خد حاجة نضيفة
دور تاني هتلاقي حاجة كويسة و مفيهاش مشاكل
انت هاتديله فلوس مش زلط
هو إيه سبب الرش
وهل من لطبيعي ان عربية مويدل 2010 تبقا راشة برة وايه هو الجزء المرشوش
من ألافل تطلع بيها بنزينة وترفعها وتخلي مصدر ثقة يفحصلك العربية عشان ممكن يكون فيها مشاكل
تحياتي
هيا راشة بره ايه تفرق :) شوف كدة
لو بيبان و دواخل سليمة و اساسيات سليمة توكل ونزل افي السعر و انتا الي كسبنا :)
الشرخ عادي كل السيراتوا ازازه بيتشرخ و احسن انوا مغيروش عشان تغيره على ايدك انتا ب حواله 500 جنيه
تكته ده عادي عشان بس حتسمع الصوت ده لما تغير مداخل الهواء من تحت لفوق و كدة يعني للا تقلق :)
المالتي فاكشن مش شغال يبقا الايرباج كمان فاصل
روح شوفه في التوكيل مش حتخسر حاجه ممكن فيشةاقتباس:
المشاركة الأصلية كتبت بواسطة youssef_u
قلبي بيقولي انها طالعه من حادثه. اشمعنى هيرشها وهوه بيبيعها؟ وليه الملتي فنكشن مش شغال في عربيه 2010 لسه في الضمان؟ اسأله الاسئه دي واعرض الاجابه هنا للناس نشوف هيقتنعو بيها ولا لاء. وطبعا في الاول والاخر لازم الفحص في التوكيل لو انت جاد في الشراء ولو طلع فيها مشكله كبيره المالك مقالكش عليها يبقى يحاسب هوه على الفحص.
دور علي حاجة تانية
بص مش عارف ليه مش مرتاح ليها
اتقل شويه و شوف عربيه تانى احسن منها انت هتدفع فلوس كتير .. مش قليل فبلاش تستعجل
:arab:اقتباس:
المشاركة الأصلية كتبت بواسطة miceg
بصوا يا جماعة العربية جايبهالي واحد سمكري اعرفه ثقة ..هيا راشة بره كله ماعدا السقف والكبوت ..ووراني العربية عنده في الورشة ووراني اماكن المعجون فين قبل الرش وكانت فعلا مش كتيرة بس هو كان حاطط فيلر كتير ..المهم هيا خبطات بسيطة وده واضح يعني ..وع فكرة هو اللي قالي ع المالتي وقالي لو عايز ترفعها في اي حتة ارفعها ..فأنتوا رأيكوا يه خصوصا ان صاحب العربية بيتكلم في 88 مبدئيا يعني السعر يعتبر كويس ع هاي لاين ..مستني ارائكم
هو من قلة السيراتو؟ دور على حاجة تانى
مهوا السيراتوا شدت حيلها مش راشة هاي لين او الي قبليها بتتكلم في حدود ال 100 دلوقتي !
راشة جنبين بتقل 5 راشة كله كدة بتقل كتير ! بس كتير قوي يكون راشش العربية كلها نضافة ده مستحيلة ! و ازاي كبوت تمام لكن رفارف مش تمام ؟! و الشنطة ؟!
انا اعرف حزام نضافة ماشي .. اكصدام ماشي ... بيبان ماشي !
نصيحتى بلاش العربية دية
معنى ان المالتى فانكشن مش شغال
يبقى اكيد مخبوطة من قدام ولمضة الاير باج لو منورة يبقى اتخبطت
هوا بلاش بس مش عشان المالتي مش شغال !اقتباس:
المشاركة الأصلية كتبت بواسطة mastr_n
حتلاقي السبب انه مش شغال حاجة ... يا فيوز يا غباء قطع سلكة و هيا بتتصلح حاجه كدة
بس العربية ديه فيها حاجة وش يعني يا رين تحاول تنخور و تشوف و تسيبك من السمكري المعرفة مش بعيد عاوز يلبسك حتى لو قريبك !
بلاش منها و شوف واحده غيرها دور على ....car هتلاقى سيراتو كتيير جدا للبيع
نصيحه لوجه الله لو مستريحتش فى اول لقاء بينك وبين العربيه اللى هتشتريها من غير ما تتفرج لف وارجع تانى ثانيا 74 الف كيلو وهى 2010 لييييييييييييييه كانت تاكسى؟اقتباس:
المشاركة الأصلية كتبت بواسطة hazemhany
ثالثا عربيه 2010 راشه كلها تبقى كده زيرو ده منطق؟
رابعا عربية فيها شرخ فى الزجاج والتاره الماتى مش شغاله وتكيف مش مزبوط انت بكده هتعزب نفسك معاها وبردوا هتدفع فلوس يبقى تدفع فلوس فى حاجه تستاهل وربنا يوفقك
مش مشكلة الرش اوى طالما الدواخل سليمه و تمام ممكن تكون اتبهدلت تجريح و كده
لكــــــــن حوار الايرباج و الملتى فنكشن ده مهم جدا ,,, اتأكد ان الايرباج مفتحتش قبل كده عشان ممكن تكون اللمبه بتاعتها مفصولة دى أهم نقطة !!