الموضوع: استفسار بخصوص تغيير الزيت

نصيحة لو مواجهتش اي مشاكل مع شل متغيروش لو عايز تغير للتجربة اذن ممكن ليكوي مولي الناس بتقول فيه اشعار او فالفولين
اما تنظيف او فلاش للموتور انا مش مقتنع بيه بصراحة و فيه ناس محصلهاش حاجة و ناس اشتكت ان الموتور مبقاش مظبوط بعدها بالاضافة ايه لازمة الفلاش طالما مواظب ع تغيير الزيت بحد أقصي 5 الاف اومال احنا بنحط زيت في الموتور و فلتر ليه ؟؟ مش عشان الزيت يزيت الاجزاء و ينضف الموتور هو و الفلتر
و أحب اضيف مفيش حاجة اسمها زيت 5000 و 10000 فيه معدني و تخليقي و لزوجة مناسبة للموتور و الجو
اما التغيير فبيكون طبقا لحالة الزيت لزوجته و ريحته اتأكسد و لا لأ و طبعا حالة الموتور
و احيانا المصنع بينصح بعدد معيين من الكليومترات للزيت جوة الموتور ميعديهاش مثلا عندي ينصح بالتغيير كل 5000 او 4 شهور و فيه عربيات ك 8000 او 10000 او 6 شهور و هكذا

المشاركة الأصلية كتبت بواسطة MEMOAHMED14

هو زيت شل شغال معايا حلو بس عايز اعرف معلومات عن زيت شل الترا واحطه ولا ايه وفى منه 5000

برده 5000 ؟؟
شل فيه منه تخليقي و نص تخليقي غير المعدني او الاصفر
التخليقي او الترا هتلاقيه علبة لونها اسود او رمادي غامق و غالبا هتلاقي لزوجته 5w40
النصف تخليقي علبته زرقا تقريبا و هتلاقي لزوجته تقريبا 10w40
و الاتنين تصنيع و معبأيين في اوروبا عكس شل hx5 او الاصفر يعني مصنع برة و معبأ هنا و لزوجته 15w50

رقم 5 و 10 و 15 و 20 ده بيدل ع لزوجة الزيت في درجات الحرارة المنخفضة و كل ما قل الرقم كا ما كان أفضل ان الزيت يوصل لاجزاء الموتور بسهولة في بداية التشغيل اما الرقم الاكبر زي 30 و 40 و 50 فده لزوجة الزيت في درجات الحرارة العالية اللي يستحملها
و التخليقي أفضل من المعدني لأنه مصنع مش مستخلص و بيتم تصنيعه بمواصفات و تكنولوجيا معينة و بالتالي بتحصل ع الخواص اللي انت عايزها بيكون مناسب في بداية التشغيل و يستحمل درجات الحرارة و القيادة و ده سبب طول عمره ده غير الاداء و ده اللي بيقولوا عليه زيت 10 الاف مع انه ممكن يقعد اكتر من كده لكن اعتمادا ع طريقة السواقة و الظروف المحيطة و حالة الموتور