حكايتى مع صيانة النوبيرا .. خد فكرة ممكن تستفيد وتفيد

**hoss_salah** · 01-02-2013 08:31 PM

كنت مسافر قولت اظبط كام حاجة فى نوبيرتى .... غيرت قاعدتين ماتور واحدة تحت اربة المياه 130 جم ... والتانيه تحت فلتر الهوا 120جم ... وطبعا الرشاشات .. غيرتهم من عند الميكانيكى نفسه ب رشاشات اوبل فيكترا تسعينات استيراد على حسب كلامه ب 300 جنيه .... وطقم بوجيهات طبعا عشان الرشاشات القديمة كانت مبهدلهاها ب 60 جنيه .... وخد مصنعية على كل ده 100 جنيه

المهم بقا خلصت العملية دى كلها ......... لقيت خير الله اما اجعله خير الدركسيون تقل وبقا بيطلع صوت غريب كده .... كده وش جابت طرمبة باور ..وعلى فكرة بصيت على زيت الباور تمام يعنى وش طرمبة

تانى يوم بعد العملية دى حسيت ان العدام بتاع العربية ف ريحة بنزين واسود حبة .... روحتله تانى غيرلى الرشاشات تانى باربعه تانينن ... حسيت بفرق بسيط ... وقالى المشكلة ف العاادم ده من عبلة الشكمان اللى ورا .....
هىى علبة الشكمان دى فعلا كانت بايظة المهم روحت غيرتها بواحدة ابو اليزيد ب 200 جنيه
رجعتله تانى ... بص ع العادم كده وفك حساس map وحطلى واحد من عنده لقيت الدخنة بتاعت العادم دى هديت والدنيا بقت تمام .. مع العلم ان لو ركزت فى العادم فى سنة دخنة بيضة كده

السؤال هنا بيقول :(علل)
[gdwl]1[/gdwl]-تقل الدركسيون ده .... ممكن يكون بسبب الصيانة دى فى حاجة مع العم انه ماجاش ناحيتها خالص وانا كنت على ايده....ولا ده للصدفة السعيدة مش اكتر ؟؟؟؟؟؟؟
[gdwl]2[/gdwl]- الدخنة الجامدة بتاعت العادم دى سببها فعلا ال حساس ال Map ولا ايه بالظبط ... عشان هو حط العربية ع الجهاز وبصبعد اما الركب الرشااشات للمرة التانية لقاها تمام ... مع العلم ان الرشاشات القديمة مكنتش بتعمل كده خالص .... ولو فعلا السبب حساس ال map... ده ممكن يكون بسبب تغيير الرشاشات .... ولا بمحض الصدفة السعيدة لتانى مرة ع التوازى؟؟؟؟؟؟

معلش بقا انا عارف انى رغيت كتير ... بس ممكن من الرغى ده نطلع بحاجة حلوة

**kagawa** · 02-02-2013 01:02 AM

..

حضرتك ماقولتش ايه الاعراض اللي خلتك تغير قواعد الماتور والرشاشات

..

..

**elshreef_hemo** · 02-02-2013 11:36 AM

اول مرة اسمع ان رشاشات الفيكترا بتركب على النوبيرا! هاتله رشاشات النترا ، اكسنت أو بى أم وخليه يركبهالك أعتقد ان موضوع الدخنة ده منها وخلى الحساس القديم زى ما هوة
تقل الدركسيون مع الصوت ده معناه وجود انسداد فى علبة الزيت أو خراطيم الباور ومش عارف بصراحة ايه اللى فكرهم يتسدوا دلوقت ، بس عموما خليه يشفط الزيت اللى فى العلبة ويفكها يغسلها كويس ويكشف عالخراطيم وهاتله علبة زيت باور موبيل وشوف النتيجة

**hoss_salah** · 02-02-2013 12:50 PM

المشاركة الأصلية كتبت بواسطة kagawa

..

حضرتك ماقولتش ايه الاعراض اللي خلتك تغير قواعد الماتور والرشاشات

..

..

طبعا اعراض القواعد ..تحس وانت مدور العربية ع السلانسية انك راكب اتوبيس هيئة ..كل حاجة عمالة تتهز ..التابلوه والازاز
والرشاشات طبعا .. تاخير فى الدوارة ..استهلاك عالى ف البنزين ..ريحة بنزبن من العادم ....طبعا البوجيهات مهببة بعد 2000 كيلو بس