الجوازات تبدأ ربط نظام بصمة العين لتجديد الإقامة !

**ganash** · 02-02-2013 01:08 PM

الفيش بقا الكترونى فى مصر فى اماكن واماكن مش كله يعنى

**Y a r i s** · 02-02-2013 02:50 PM

المشاركة الأصلية كتبت بواسطة dr.hazem

ياغالي برضو انا مش متخيل الوضع كويس...
لان برضو الشهر العقارى في حدايق الزيتون بالكمبيوتر وعملت توكيل لاخويا في وقت قياسي وفيه كل حاجه عقارات وسيارات وكله...

عايز اتحفك بحاجة فعلا السعودية عملتها بجد من سنه وخرافيه...
خدمة حجز المواعيد للاحوال المدنية بالانترنت!!!
كان زمان تقدر تروح الاحوال وتصارع الناس والقدر زي ازبل مكان في العالم...
دلوقتي ممنوع تروح للاحوال غير ببرنت فيه موعدك...
ولو موعدك 8 مينفعش تخش 9 ولا 8ونص!!
وانت بتختار الموعد لازم تختار انت جاي ليه يقوم لما تختار يكتبلك مع البرنت الورق المطلوب كله....
وعلى كل ده... شهادة الميلاد عندهم لازالت بخط اليد ولو ضاعت مفيش بديل!!!!
احنا شهادتنا الكتروني وبتطلع ب5جنيه في دقيقة....
الاردن بقا في حاجه تانيه...
مفيش مواعيد وبزرميط بس بتخش عالموقع قبل متروح بتعرف كل حاجة عن الورق المطلوب والفلوس اللازمة والوقت المستغرق... ودايما الموظفين متواجدين ل3 مش من 1ونص متلاقيش غير واحد!!
اينعم احنا متأخرين شوية لكن مش زي منت متخيل.. وفي معانا عالمنتدى مبرمجين شغالين على تطوير برامج الكمبيوتر للحكومة وانا اعرف واحد شخصيا من اللي عملوا برنامج الشهر العقارى وبدعيله....
يارب يطول في عمري وعمركم و ييجي اليوم اللي نشوف مصر اتطورت فيه واحنا لسا فينا الروح
ههههههههههههههههه
تحياتي

sent from my se arc s using forum runner

ههههههههههههههه
والنبي يا دكتور شوفلي شقة جمبيك في الزتون. انشالله حتى على وش البطرمان كده هههههه حبيبي. يا دكتور حازم ... طيب يا دكتور حازم على الرغم من بعض المساوء في السعودية والادرن. هل تؤيدني في ... ان في السعودية ممكن تخلص كزا حاجة في نفس اليوم من غير حرقت دم ومخمضة زي عندنا في مصر ... في حين ان في مصر علشان تقدم ورقة لجهات حكومية محتاج على الاقل تالت تيام ... يوم تسئل ويوم تروح تجيب المطلوب ويوم تقف طبور ويوم تروح الخزنة تدفع لان امبارح ملحقتش الخزنة ... وبعد ما تسلم الورقة بتاعتك خلاص يقولك فوت علينا الاسبوع الجاااااي !!!
وروح اسئل في الشباك اذا وصلت ولا لأ .... هههههههه ولا عندكم في الزتون مفيش الكلام ده ههههههه حبيبي يا دكتور حازم :) ... وانا معاك انا مره كنت بخلص شغل في هيئة الاستثمار في مدينة نصر خدت رقم وقعدت استنى دوري ودخلت قعدت ٥ دقايق عند الموظف ( كاتب العدل ) وفي خلال خمس دقايق كان التوكيل الي عملتوا اطبع واتكتب بالكمبيوتر على ورقة نضيفة وشيك. وكل الكلام ده كان ب ١٠ جنية مش فاكر او ١١ .

بس فين بقيت محافظات مصر من الكلام ده ... وفين الربط المعلوماتي بين. جميع فروع الشهر العقاري ... انتا يادكتور بمنتهى البساطة ممكن تاجرلي شقة وتوثقهالي في الشهر العقاري ومفيش شقة بالعنوان ده اساساً يعني بتوثق عقد سكالنس ... فاكر الناس الي كانت بتبيع اراضي او شقق. لواحد واتنين وتالاته وفي النهاية ياخدوا بعضهم ويسافروا

فاكر يادكتور الناس الي كانوا بياخدوا قروض ويسافروا وعقبال مالنيابة تبتدي تقوم من مكانها يكون هو خدا بعضوا وسافر ... لو نظام البصمات. اطبق في مصر واصبح في ربط بين جميع المؤسسات الحكومية كل المجرمين هتخاف تعمل جريمة. لان الدولة هتقدر توصلوا وتجيبوا من قفاه :) في لمح البصر !

لازم يادكتور يكون لكل واحد حساب عند الحكومة .... بس مع الاسف مفيش الكلام ده ... طب اقولك حاجة صادمة يا دكتور لو كنت مسافر او لسه واصل مصر اوقفت في كمين حدودي بين المحافظات مزود بالكمبيوتر ويعملوا كشف عليك تصور بيعملو لغايت دلوقتي كشف بواسطت الاسم رباعي ... مش عن طريق رقمك القومي ... وفي حالت تشابه الاسماء. تتوقف لغايت مايبان لك صاحب وهتنصدم بكمية المصرين الي وقفوا في الجوزات او في كمين شرطة بالست والسبع ساعات. تشابه اسماء اسم زي اسمك عامل جريمة ... والكمبيوترات بتاعت الحكومة مفيش امكانيت البحث بواسطة الرقم القومي. او حتى اسم الام ... فشايف قد ايه احنا متاخريين عن العالم وكشعب مظلومين بنظام مبارك الفاشل الي مازال يطبق الى الان . :) وتحياتي ليك يا دكتور

**Y a r i s** · 02-02-2013 03:11 PM

المشاركة الأصلية كتبت بواسطة dr.hazem

بالمناسبة....
مطار مصر للطيران أفضل 100 مره من مطار الملك خالد في الرياض ومطارات الاردن كلها!!
ده احقاقا للحق...
المطار الجديد هو تحفة فنية لا يمكن التغاضي عنها...
تحياتي

sent from my se arc s using forum runner

ههههههه حبيبي يا دكتور
لايافندم انا مش بتكلم عن مصر الطيران لان معروف ان مصر الطيران خدماتهم على قدهم ... والناس بتركبها علشان رخص تمن التذكرة بتاعتها ... طيارات مصر الطيران. تركبها بالزبط كانك راكب اتوبيس سوبر جيت. او اتوبيسات شرق الديلتا ههههههه. فين ياعم طيران الامرات ولا الطيران القطري. ولا الطيران السعودي وطيارتهم ونضفتها واول ماتركب يدو لكل واحد سماعة في ايدوا ... وشاشات قدماك علشان تتفرج وتتسلى ولا الموضيفات يالهووي على الموضيفات ... قصة تاني بخلاف العواجيز الي عندنا وكل واحدة لاطة وشها كيلوو بودرة وحطين مكياج احمر واخضر واصفر زي البلياتشوو ههههههه ( استغفر الله العظيم سامحني يارب )

بس انا بتكلم عن المطار عندنا شوفت المطار الجديد الي عندنا ده اهو هتلاقي بره زيوا على تالت اربع خمس ست مرات كدة ... ومفيش حاجة اسمها المسافرين يركبوا اتوبيسات هو خرطووووم يوصلك على طول من المطار لقلب الطيارة دايركت وفي سير كهربا متحرك علشان متتعبش من المشي .

مين يقول ياربي مدينة زي القاهرة من اكبر مدن العالم فيها ٢٠ مطار في مطار واحد وخطلبيسة اشي مطار قديم واشي جديد واشي صالة واحد. واشي الي جابك هنا لا انتا تطلع بره المطار خالص وهتلاقي مطار كده على جنب اسمو مطار رقم ٤ ده بس بتاع طيرات شرم الشيخ ... واشي الي جابك هنا انتا ترجع تاني وتلف كده مع السور هتلاقي صالة بعد الكرتة دي صالة الحج والعمرة ... واشي الي جابك هنا لا طيرات اوروبا. المطار القديم صالة رقم ٣ ... وتقولوا الله هيا مش دي صالة رقم ٣ يقلك لا اصل في ٣ المطار الجديد وفي ٣ المطار القديم والحق بقه لو لحقت .

وحتى لو حضرتك تخطف رجليك يوم الجمعة الصبح المطار الجديد الي حضرتك بتقول عليه قمة في الجمال وشوف المهزلة. والزحمة وتكدس العربيات ومفيش ترولي واحد تحط عليه شنطك وعلى فكرة انا مصور المهزلة بالكميرة بس مكسل بيني وبينك ارفع واحمل وانزل بالذات ان الصورة مش عارف ٣ ميجا او حاجة زي كدة بس بجد بجد مهازل ههههههه اقول كمان ولا كفاية ... بس والله مش هجوم على مصر بس كل الي نفسي فيه ان مصر تتقدم ومتبقاش اقل من اي دولة تانية ... وتحياتي

**dr.hazem** · 02-02-2013 03:48 PM

المشاركة الأصلية كتبت بواسطة Y a r i s

ههههههه حبيبي يا دكتور
لايافندم انا مش بتكلم عن مصر الطيران لان معروف ان مصر الطيران خدماتهم على قدهم ... والناس بتركبها علشان رخص تمن التذكرة بتاعتها ... طيارات مصر الطيران. تركبها بالزبط كانك راكب اتوبيس سوبر جيت. او اتوبيسات شرق الديلتا ههههههه. فين ياعم طيران الامرات ولا الطيران القطري. ولا الطيران السعودي وطيارتهم ونضفتها واول ماتركب يدو لكل واحد سماعة في ايدوا ... وشاشات قدماك علشان تتفرج وتتسلى ولا الموضيفات يالهووي على الموضيفات ... قصة تاني بخلاف العواجيز الي عندنا وكل واحدة لاطة وشها كيلوو بودرة وحطين مكياج احمر واخضر واصفر زي البلياتشوو ههههههه ( استغفر الله العظيم سامحني يارب )

بس انا بتكلم عن المطار عندنا شوفت المطار الجديد الي عندنا ده اهو هتلاقي بره زيوا على تالت اربع خمس ست مرات كدة ... ومفيش حاجة اسمها المسافرين يركبوا اتوبيسات هو خرطووووم يوصلك على طول من المطار لقلب الطيارة دايركت وفي سير كهربا متحرك علشان متتعبش من المشي .

مين يقول ياربي مدينة زي القاهرة من اكبر مدن العالم فيها ٢٠ مطار في مطار واحد وخطلبيسة اشي مطار قديم واشي جديد واشي صالة واحد. واشي الي جابك هنا لا انتا تطلع بره المطار خالص وهتلاقي مطار كده على جنب اسمو مطار رقم ٤ ده بس بتاع طيرات شرم الشيخ ... واشي الي جابك هنا انتا ترجع تاني وتلف كده مع السور هتلاقي صالة بعد الكرتة دي صالة الحج والعمرة ... واشي الي جابك هنا لا طيرات اوروبا. المطار القديم صالة رقم ٣ ... وتقولوا الله هيا مش دي صالة رقم ٣ يقلك لا اصل في ٣ المطار الجديد وفي ٣ المطار القديم والحق بقه لو لحقت .

وحتى لو حضرتك تخطف رجليك يوم الجمعة الصبح المطار الجديد الي حضرتك بتقول عليه قمة في الجمال وشوف المهزلة. والزحمة وتكدس العربيات ومفيش ترولي واحد تحط عليه شنطك وعلى فكرة انا مصور المهزلة بالكميرة بس مكسل بيني وبينك ارفع واحمل وانزل بالذات ان الصورة مش عارف ٣ ميجا او حاجة زي كدة بس بجد بجد مهازل ههههههه اقول كمان ولا كفاية ... بس والله مش هجوم على مصر بس كل الي نفسي فيه ان مصر تتقدم ومتبقاش اقل من اي دولة تانية ... وتحياتي

ههههههههههههههههه
ياهندسه..
هكلمك عاللي انا عشته وشفته...
السعودية فيها مطوحة في الورق فوق ما تتخيل...
لو هتكلم اني اخلص كذا حاجة في اليوم فالسعوديه مثال سئ جدا..
الاردن ممكن اخلص 5حاجات في اليوم!!
ايه الفرق؟؟
الاتنين كل حاجة متصله ببعض لكن في السعودية النوظف بيتنك عليك لله فلله وياما اتخانقت هناك وآخرهم من كم شهر....
عايز تعرف شوية حقائق صادمه...
عارف ان السعودية دلوقتي مينفعش تشحن موبايلك الا لما تدخل رقم إقامة صاحب الخط؟؟
بلاش دي
عارف ان ممنوع تمتلك اكتر من عربيتين وممنوع تمتلك عربيتين 4*4!!!
ههههههههههههههه
بص مهما حكيتلي مستعد اطلعلك ألف مصيبة من اللي بيحصل هناك...

اما عن المطار فشكلك مسافرتش بالمطار الجديد من زمان...
عشان تكون في الصورة.. كل الطيران الداخلي في السعودية زباله ولدرجة ان السعوديين اشتكو ازاي احنا نركب طيارات فخمه وهما في الداخلي يركبو الطيارات القديمه....
فالطيران الداخلي مش مقياس...
تعالى للدولي بقا...
مصر للطيران المطار الجديد فخم جدا وفيه سير بدل ما تمشي وبجد انا منبهر بشغلهم...
طيارات افخم ما يكون ليك شاشه وسماعات وحياة تانيه وانا ركبت السعودي برضو...
مصر للطيران تذاكرها الدولية أغلى من السعودي وبتقدم خدمات عاليه جدا وواخده ستار أليانز ودي درجه متقدمة في خطوط الطيران...
انت لو شفت مهازل مطار الملك خالد كنت هتعذرني،..
ياراجل دنا مره نزلت من سنه كان في اكتر من 400مسافر وشباك واحد للجوازات وكل واحد لازم يبصم ويتصور متخيل اتلطعت قد ايه؟؟
عمري متعطلت فمطار مصر ابدا...
خليها على الله...

Sent from my SE Arc S using Forum Runner

**Y a r i s** · 02-02-2013 07:51 PM

انا معاك يا دكتور حازم
بس تعاله مثلاً حتت ان متعرفش تشحن غير لمن تدخل رقم الاقامة او رقم حفيظة النفوس البطاقة او الهوية ... ياريت يطبقوا النظام ده عندنا بدل المعاكسات والخطوط الي ملهاش اصحاب وكل شوي معاكسات ومضايقات في نص الليل :)

اما عن حتت ممنوع امتلاك اكتر من عربية واسمع كمان انهم فرضو رسوم تقدر ب ٢٥٠٠ ريال بس مش عارف التفاصيل بالزبط مانتا عارف المصرين هناك بيعملوا ايه سابو سوق الجمعة في مصر وبعد الشغل يروح ينزل الحراج ( سواق الجمعة عندهم ) ويشتغل شريطي. ياخود عربية ويقوم بايعها ويكسب فيها ويغلوا الاسعار ومش بس المصرين كل الاجانب بيعملوا كده لابدين في الحراج .

لكن السعوديين مسموح لهم تملك اكثر من عربية عادي وتلاقي عندهم العربية السيدان وعندهم السوبر وعندهم الوانيت وعدهم الشاص او الجيب الكروزر وكل عربية ليها استخدمها .

اما بالنسبة للتاخير للاجانب في مطار الملك خالد اعتقد لاحظة ان في شباك مخصوص مكتوب عليه خاص بابناء دول مجلس التعاون احنا معندناش هنا شباك خاص بالمصرين للتسهيل عليهم . باعتبارهم ابناء واصحاب هذا البلد وكلو مع كلو. ... اما عن حتت ان السعوديين بيتنكو علينا هههههههه عندهم حق واللهي ده كفاية انهم متقدمين عننا عشرين سنة ضوئية وعندهم نظام .

ياراجل يا طيب ده انتا تعاله شوف السورين عندنا ولا السودانين ولا اي اجنبي في مصر تلاقيهم ياعيني لمن يجو يشتغلوا بدل ما نحتويهم ونقلهم ربنا يرزقكم تبص تلاقي في ( بعض ) المصرين يتنكوا عليهم ويقولوا ايه الي جابك عندنا هيا مصر ناقصة ههههه. مع ان الارزاق بيدي الله ... ده اذا المصري جمب المصري في السوووق وهيقطعوا بعض على زبون وعلى سبووبة .... ياراجل ده انا زمان اول ما سفرت كان في واحد مصري في الشغل هناك من اول ما جيت. وهو قاعد يتنك عليا. ويفقعني اسفين عند كفيلي وهيموووت ويمشيني من الشغل بس سبحان الله الارزاق على الله انا ربنا كرمني واترقيت ... وهو ربنا كرموا. وفنشووه ههههههه. يعني سفروه .

وسبحان الله احلى حاجة بعد مارجعت مخلفتيش ورايا غير الذكرى الحسنة وحب الناس ليا ... والى الان والحمدالله مازالت علاقتي حلوة بالناس الي هناك ودي اعتبرها اجمل شيء في الحياة ... وشكلك يا دكتور مشفتش جمالل مطار الملك فهد الي في المنطقة الشرقية حاجة كده تشرح القلب وتمرح فيها الخيل ولا الجراش. بتاعوا الي ممكن يوسع سيارات القاهرة كلهااااااااا والجيزة كمان :)

انا معاك اننا كنا فين وبقينا فين والبركة في شفيق ... بس كمان دون المستوى المطلوب لاكبر مدينة في الشرق الاوسط زي القاهرة ولا يليق بمقام القاهرة . وعلى فكرة هما بنوا المطار في السعودية بعد مافرضوا على المسافرين لمدة سنتين على كل مسافر ١٠٠ ريال وميه على ميه. بنوا المطار ربنا يرزقهم ويرزقنا قادر يا كريم وتحياتي :)