الموضوع: كل ماتود معرفته عن كيا ريو 2013 او الشكل الجديد

اية تقييمك للعربية وخصوصا ان كان ليك مشكلة معاها

اسعار الوكيل ايه والخليجى ايه وايه احسان بلد فى الخليجى الاردنى ولا السعودى

انا محتار بينها وبين الجراند بونتو الجديدة اية رايك

المشاركة الأصلية كتبت بواسطة aouelfotouh

اسعار الوكيل ايه والخليجى ايه وايه احسان بلد فى الخليجى الاردنى ولا السعودى

بص يا باشا بالنسبة للخليجى فالاردنى افضل طبقا للتقرير المصور ده
http://www.nilemotors.net/Nile/299579-2013.html
اسعار الوكيل فا هيه الموجودة على كونتاكت كارز وعلى فكرة طبعا زى الخليجى اغلى من الوكيل

المشاركة الأصلية كتبت بواسطة mohamed1

انا محتار بينها وبين الجراند بونتو الجديدة اية رايك

باشا انا كنت فى حيرتك بس اخترت الريو عشان الاتى:
اولا: اسعار قطع الغيار ودى تقريبا قريبة موش بعيد اوى يعنى
ثانيا: التوكيل بتاعها اقرا التقرير من قسم فيات فى تضارب كبير فى الكلام
http://www.nilemotors.net/Nile/191325-a.html
ثالثا: حط فى اعتبارك سعر اعادة البيع ودى كانت الحاجة الفاصلة بالنسبالى.
وربنا يوفقك للخير اينما كان

المشاركة الأصلية كتبت بواسطة 2CODE

السلام عليكم ورحمة الله وبركاته

الموضوع ده هيكون مرجع لكل شخص عايز يعرف اي معلومات عن العربية من الصفر حتى النهاية بأذن الله وهيتقسم ان شاء الله على اجزاء هتناول فيها كل شئ يدور بشكل متكرر في بال المقبلين على الشراء

موديلات السيارة :

تتوفر كيا ريو بنوعين الاول سيدان والثاني هاتش باك ولا يختلفان في المواصفات الا في الخليجي

الابعاد :

عن نفسى اراها جيدة ومريحة جداً بالجلوس بالاضافة الي راحه كبيره في المقاعد الخلفية مع شنطة ممتازه الحجم لكن يظل الارتفاع عن الارض مشكلة في حد ذاته في شوارعنا المصرية

الابعاد بالكامل كالتالي



ابرز المميزات :

من ابرز المميزات في كيا ريو واللي جعلها ملحوظة في اخر الايام هي وسائل الامان والحماية المجهزه بالسيارة لوجود ABS و EBD بالاضافة الي 2 ايرباج لكن وسائل الامان دي متوفره بس في الهاي لاين

لمواصفات السيارة يرجى الدخول عبر الرابط : Kia Rio |

ابرز العيوب :

انعدام الرؤية الامامية للسيارة لذلك هام جداً لمن يقبل على شراء السيارة هذه ان يتعامل معها في شوارع ليست زحمة في اول الايام علشان يعرف مقاسات العربية بدون رؤية كبوت العربية ويتجنب في بداية الايام الشوارع المزدحمة وياريت لو تنزل بيها كل يوم او يومين بالليل في وقت يكون الشوارع فاضية شوية يكون افضل جداً

التقارير المصوره من الاعضاء :

http://www.nilemotors.net/Nile/299579-2013.html
http://www.nilemotors.net/Nile/326573-2013.html
تقرير عن الهاتش باك : http://www.nilemotors.net/Nile/325202-2013.html
اسئلة ممتازه عن العربية : http://www.nilemotors.net/Nile/333133-a.html

رأيي الشخصي :

شبابية - تصميم قمة بالجمال وملفت للنظر - موتور رائع مع 1400 سي سي مناسب جداً للسيارة مع انظمة فرامل متعددة اراها 10\10 في السعر مقابل الجودة والمواصفات رغم اننا نظل في مصر لدينا مواصفات قليلة جداً مقارنة بمواصفات العربية خارج مصر لكن يظل سبب ضمان التوكيل هو اقبل الجميع على شراء السيارة من التوكيل وانا منهم

امتلك السيارة منذ تقريباً 8 اشهر - سيدان - هاي لاين - وكيل

سؤال هام - خليجي ولا توكيل ؟

يجب ان تعرف ان التوكيل هيديك ضمان 5 سنين او 100 الف كيلو ايهما اقرب وطبعاً مش هتاخد الضمان الا لو عربيتك وكيل انما لو خليجي مش هتاخد الضمان نهائي

طيب ايه الفرق لما تحصل عندي مشكلة ولما تحصل عند الخليجي مشكلة ؟

الفرق في مثال بسيط اني انا مثلاً التارة عندي قشرت وعربيتي وكيل ونفس المشكلة ظهرت عند واحد تاني وعربيته خليجي هنروح احنا الاتنين التوكيل انا هغيرها في الضمان لكن الخليجي هيدفع تمنها كأنه بعربية غريبة

محدث بأستمرار بالجديد

الله ينور عليكك أ/ محمد وجايلك فى السكة بالريو ان شاء الله

السلام عليكم...شكرا ع تقريرك ا/محمد ونتمنى المزيد..
عندي سؤال حول استهلاك السيارة للبنزين حيث انها تستهلك حوالي 10 لتر / 100 ك تقريبا ...
هل هذا الاستهلاك مناسب وبالذات السيارة 1400 سي سي؟؟