الموضوع: حد غير وركب سماعات للبيكانتو الجديده

المشاركة الأصلية كتبت بواسطة dr_7ooda

لو اي نجار عنده خشب mdf او حبيبي سمكه 20 ميللي يعملهولك عادي ويتكلف 60 جنيه

ولو حد بتاع صوتيات وعدد عربيات هايخدله ميت جنيه بالكتير

وهايبقي شكله ومتانته احلي من الرف الاصلي بكتير وهايبقي متأفل علي الشنطه كويس جدا

1800 جنيييه ايه بس الافترا ده

واي افتراء ده كمان بيتنكو قولت لا هي حلوه كده من غير رف هي المشكله عندي عدم وجود استاند تركن عليه الرف وشكرا لمشاركتك

المشاركة الأصلية كتبت بواسطة a.saad

انا ركبت سماعات على رف خلفى وجى ام
وسماعات فى الباب الامامى وده كان يوم ليه قصة
البركة فى حسام كوداك فيهم
فك فرش الباب
وشفنا العمق كام والزجاج ينزل لحد فين بحيث ما يخبطش السماعات

الرف : ما تسأل التوكيل ينفع يركب على الخليجى ولا لا
ولو اه روح شوفه كأنك هتشتريه واعرف الفكرة
او
شوف المنتديات الخليجى عملوا ايه

في التوكيل لازم تشتري المسند اليمين والشمال اللبيبات عليهم الرف وسعرهم 800 جنيه والرف سعره 800 جنيه واكيد غليو كمان دلوقتي ده غير التركيب

المشاركة الأصلية كتبت بواسطة dr_7ooda

بس انتا روح للفني بتاع الكاسيت بتاعك وهوا هايعملك المسندين دول عموله خشب وهايعملك الرف وهايكسيهملك موكيت وهيبقي شكلهم تحفه جدا ما تقلقش ومش هايعدوا ال 150 جنيه

وانا بفضل انه يعملك في الشنطه بوكس علي قد الشنطه ويبقي ناقص ضلع ( مفتوح من جهة فتح الشنطه) وصوته هايبقي فاجر

فكره حلوه بس الشنطه كده تبقي انتهت بس هي فكره تستحق التفكير :)

المشاركة الأصلية كتبت بواسطة sonybony

مبروك يا باشا وانشالله تكمل اللي نفسك فيه

الله يبارلك وشكرا على الدعوه ديه بس لو وقع ادامك كاسيت بايونير5 باند يو اس بى وسعره فى اللذيذ ياريت تقولى

المشاركة الأصلية كتبت بواسطة roland_yamaha

هو حضرتك وصلت 4 سماعات البيبان علي الجي إم؟
ياتري الجي ام نوعه ايه والصوت عامل معاك ايه؟

لا سماعات البيبان دول ملهومش لازمه انا جبت اربعه بيضاوى وعلمت رف خشب وشيلت رف الفابريكه و الجى ام سينفونى 640 والسماعات اتنين 300سونى واتنين 500بايونير والبازوكا جى بى ال 1000 وعينيا ليك فى اى سؤال تانى وبلاش حضرتك ديه احنا شباب زى بعض صباحك فل