الميكانيكى الأفضل من يعتمد عل التكنولوجيا العالية ولا من يعتمد على مهارته وحواسه ؟

الميكانيكى الأفضل

http://img145.imageshack.us/img145/8...csmallorca.jpg

هو من يعتمد عل التكنولوجيا العالية ؟
أم من يعتمد على مهارته وحواسه ؟

بنسمع عن اعلانات مراكز بتضبط السيارة بالكمبيوتر
وبيحصلنا حالة انبهار وبنجرى عليها وبندفع فلوس كتيرة
وفى مواضيع كتيره فى المنتدى شوفت مشاركات لأعضاء ذهبوا لتوكيلات سيارات فارهه
أو لمراكز كبيرة بتستخدم التكنولوجيا العالية لحل مشكلات بتقابلهم
وكانت النتائج فى بعض الأحيان غير مرضية

صدق أو لا تصدق احيانا تكون التكنولوجيا العالية احد اسباب عدم تقدم الفرد

شاهد الفيديو

‫الميكانيكى الأفضل من يعتمد عل التكنولوجيا العالية ولا من يعتمد على مهارته وحواسه ؟‬‎ - YouTube

رأى شخصى
الميكانيكى الأفضل هوه من يدمج بين التكنولوجيا العالية ومهاراته وحواسه

http://img849.imageshack.us/img849/4...ae6d3a7af0.jpg

فى رايى الشخصى الميكانيكى الافضل من يعتمد على مهاراته و حواسه و خبرته لان الكمبيوتر مهما كان هو اله غبيه من صنع الانسان و مهما بلغ من تقدم فى البرمجه و الذكاء الاصطناعى فهى برمجه لانسان برضه و ممكن المبرمج ده معندوش خبره الميكانيكى و مهارته

الأفضل بلا شك هو الذي يدمج بين الاثنين

ولكن لازم يكون عنده معلومات ودراسة وموهبة

بصراحة مكنش مستاهلة إن حضرتك تعمل موضوع لأن الاجابة بالتأكيد الدمج بين الاتنين+الصبر عشان ميبوظش حاجة

على حسب:
1- نوع العطل
2- محتاج اسكانر ولا لأ
3- نوع العربيه

الله يخربيت الميكانيكيه كلهم

كله بيفتي حتي الاجهزه بتبقي مش مظبوطه غندهم نتيجه عدم الصيانه

لو فاهم الجهاز بيشتغل ازاى وسبب حدوث العطل ، هيبقى كويس ، والكمبيوتر هيساعده وهيخليه متابع كل صغيرة وكبيرة في العربية
انما اللى بيتعامل مع الكمبيوتر من منطلق "مسح الايرور" او يطفى لمبة الاتشك وخلاص ده كدة كدة لا هيعرف يشتغل بأجهزة ولا بحواس

يعنى الشاطر شاطر وبيبقى شاطر في الاتنين والفاشل فاشل وبيبقى فاشل في الاتنين

والله الموضوع دة في المقام الأول بيعتمد علي مهارة الميكانيكي
والكمبيوتر او مشخص الأعطال ماهو الا اداة بتساعده علي التحقق والتعرف بدقة علي الأعطال
وكمان في اعطال كتير الكمبيوتر مش بيكشفها
وكمان الكمبيوتر بيقرأ فقط الأعطال اللي مسجلاها الحساسات - يعني لو في جزء مالوش حساس فمش هيظهر علي مشخص الأعطال - والأجزاء دي في معظم العربيات بتكون كتيرة وبتعتد ساعتها علي مهارة الميكانيكي وكم خبرته

وفي ميكانيكية كتير بعد ما بتخلص شغل بتحط العربية علي الكمبيوتر علشان يتطمن ان الشغل سليم ويشطب الأعطال من علي كمبيوتر العربية

انا رأيي ان الموضوع يعتمد فعلا علي المهارة ثم الأجهزة المساعدة الحديثة والأتنين مكملين لبعض ولا يمكن الأستغناء عن احدهما

تحياتي

شايف ان الناس دلوقتي مفتقدة الاثنين
حتي في بعض التوكيلات
ولكن الاهم المهارة لانها دليل الذكاء
مجرد رأي ..

أنا رأيي برضو ان الميكانيكي الكويس هو اللي يدمج الإتنين مع بعض :)