الموضوع: ثبات الفيرنا على السرعات العاليه فديو

أنا مش من هواة السرعة خالص ....

بس بصراحة ... الفيرنا مفيهاش ريحة الثبات .
و لكن هي عربية حلوة و عملية .

و لكن ثبات .... العربية دي متعرفش عنه حاجة ..و علشان تعرف أن أنت راكب ورقة طائرة ... لازم تجرب حاجة تانية أفضل في الثبات .

أنا جربتها كذا مرة .... بحس بعد 100 أني هاطير .

و لكن برضه العربية فيها مميزات كتيرة تانية ....

المشاركة الأصلية كتبت بواسطة hamdymsr

ربنا يسترها عليك وعلى الجميع ... ونصيحة لله بلاش تجرى بالعربية دى
بعيد عنك وعن الأعضاء اخويا اتقلب بيها اكتر من مرة وكانت العربية محملة
وكان معاه والدتى وزوجتة واولاده والشنطة مليانة
وكان ماشى بسرعة لا تتعدى 100 كيلو فى الساعة

والحمدلله ربنا سترها عليهم
1- اخويا مركب شريحتين
2- والدتى مش عارفه تمشى

انا بقول نصيحة ليك ولجميع الأعضاء ياريت محدش فينا ينخدع فى اى عربية
ومش هقول كورى وا المانى ... انا بنصح لله وربنا يستر طريقنا جمعيا

يارب الناس تتعلم من اللي بتشوفه على الطريق يوميا .... بالعشرة حوادث يوميا .. مش مبالغة .
بقى شئ غريب و صعب و حرام و الله اللي بنعمله في نفسنا ده .

و شكرا على النصيحة و ربنا يشفي اهلك و يخفف عليهم .

اتفق معاك بشده في نقطه انها عاوزه ال يفهمها..... يعني عندك انا كنت بخاف اجري بيها من كتر الـ سمعته عنها.... قولت اجرب اجري بيها لقيتها ما شاء الله حلاوه... في حاجه غريبه ذكرها احد الاعضاء الأفاضل هنا و هي ان ثبات الفيرنا بيزيد فوق الـ 100 عن الـ 100 نفسها و الغريب اني لقيت الموضوع ده صح!!!!...... جربتها من كام يوم علي 150 و كانت حلوه و ملفات و غرز واسعه.. ممكن اسيب البنزين او اخف رجلي عليه، ايا كان و بيس......

المشاركة الأصلية كتبت بواسطة king_a841

ههههههههههههههههههههههههه ه مش عارف هو نتوا بتحتقروها اوي ليه كدا دي جمييييييييييله

احتقار ايه لا سمح الله ما انا كان معايا اختها اللانوس و كانت زى الفل بس بعد الاسترا بصراحة الواحد عرف يعنى ايه عربية تقيلة و ثابته