اعمل ايه فى مقدم الحجز

**aouelfotouh** · 02-02-2013 06:40 PM

السلام عليكم

الموضوع باختصار انا كانت حجز ريو خليجى قسط فول ابشن بدون فتحة سقف ب 124 ودافع مقدم حجز 3000 الف فى معرض الليثى الى فى مدينة نصر المهم العربيه لقيته فى معرض الفا موتورز فى مدينة نصر 118 وانا لسه مستلمتش بسباب مشكل فى البنك فى الاستعلام انا عاوز اخد فلوسى واحجز فى معرض التانى ولا فرق السعر ده ممكن يكون فى فرق بين العربيتان مع ان ام 118 فول ابشن برده اعمل ايه عشان اخد مقدم الحجز ساعدونى وشكرا

**dozo** · 02-02-2013 07:03 PM

انت متاكد ان العربيتين زى بعض بالضبط ؟؟؟
دول 6 الاف جنيه فرق مش 500 او الف بالكتير عشان معرض يزودهم فى مكسبه و هو اكيد عارف المعارض التانيه بتبعها بكام .

**AlGazar2** · 02-02-2013 07:36 PM

اكيد فى فرق فى العربيه عشان تفرق 6 الاف جنية انا معرفش تمنها خليجى كام بس فرق 6 الاف لو نفس الاوبشن فرق كبير اما المعرض الى انت حاجز معاه نصاب او العربيه التانيه فيها حاجة كبيره مشكله فى الموتور او الفتيس او عامله حادثه مثلا و عايزين يبيعوها بسرعه او ورقها فيه حاجة كده يعنى

**Mohab555** · 03-02-2013 01:44 AM

بص يا باشا الموضوع كده شكله مش مريح
استحاله يبقى معرض ارخص من معرض ب 6 الف جنيه !!! اكيد العربيه ناقصة اوبشنز و مش نفس الفئه !! ده سعر سوق يقل الف او الفين جنيه ماشى لاكن 6 مستحيل !! الا لو العربية عامله حادثة او فيها عيب و عاوزين يخلصوا منها انصحك خليك فى حجزك و الليثى كويس و الناس مجرباه و محدش اشتكه منه ....

شوف هتعمل ايه و خلينا ديما معاك على اطلاع بالتطورات ....