السلام عليكم ورحمة الله وبركاته
معلش شباب سؤال هو مرور الفيصل اخباره ايه ؟ يعنى شغال ولا فيه حريق حصل فيه قبل كده اي اى شيء منه ضاع ؟؟
لانى حجيب سجل عربيتى من هناك وحابب اطمن ان المرور محصلش له زي بعض المدن
عرض للطباعة
السلام عليكم ورحمة الله وبركاته
معلش شباب سؤال هو مرور الفيصل اخباره ايه ؟ يعنى شغال ولا فيه حريق حصل فيه قبل كده اي اى شيء منه ضاع ؟؟
لانى حجيب سجل عربيتى من هناك وحابب اطمن ان المرور محصلش له زي بعض المدن
محدش سمع عن حريق حصل فى مرور فيصل بس هوه اسوء وحده مرور فى مصر و العادى بتاعه ان الملفات فيه ضايعه على طول
لا مرور فيصل لم يصبه اى حرائق ايام الثورة والحمد لله وهو فعلا زحمة شوية لكن اغلب وحدات المرور كده عموما هو شغال وهو تحت كوبرى فيصل لو حضرتك جاى من فيصل بتزل الكوبرى وبتدخل يمين من جنب سور الكوبرى لو حضرتك جاى من الهرم بتدخل من اول شارع بعد النفق بعد جامع نصر الدين
ربنا بيارك فيكم وده العادى بتاعنا في مصر زحمه وخنقه على طول بس انا جاى من ابعد من كده ان شاء الله :w6266d
اه انا مااختش بالى انك من قنا يعنى لو جاى فى القطار تنزل الجيزة وتعدى النفق وتدخل اول شارع يمين يعنى هتاخدها مشى مش ركوب--- واى خدمة انا ساكن قريب من هناك والله تنورنا
انا لما جيت انقل ملكية عربيتي
بعد ما وقفت فى الطابور 3 او 4 ساعات قالولى مش لاقيين الملف بتاع العربية
رحت ناده للراجل اللى بيدور و اديته 10 جنيه جابه فى اقل من 5 دقائق
واديت الموظفة 10 جنيه مع الورق
واهم حاجة ال 20 جنيه بين الرخصتين لمهندس الفحص مهما كان شكله مهم كله بياخد
بس الاسعار دى من 3 سنين اكيد الاسعار رفعت مع الدولار
ربنا معاك
المرور شغال والزحمة بتبقى معقولة في أيام الإثنين والثلاثاء والأربعاء، باقي الأيام زحمة، وعلى فكرة أسوأ مرور (السلام)