الموضوع: راتب شهري مقابل مشاهدة اعلانات !! حلال ام حرام ؟؟

المشاركة الأصلية كتبت بواسطة ossamayk

هي الشركة فكرتها ان الشركات المعلنة لما بتعمل اعلانات في القنوات الفضائية وبتدفع عليها مبالغ كتير ومع ذلك مش بتضمن ان كل المشاهدين اتفرجو لان فيه ناس بيجي الاعلانات بتقلب او بتقوم او غيره

فهي عملت فكرة بتضمن بيها للشركات المعلنة عدد معين من المشاهدات عن طريق انها بتدي لك واحد بيتفرج على الاعلانات مبلغ معين مقابل كل اعلان وفي نهاية الاعلان بيطلعلك code بتكتبه في مكانه وده اللى بيثبت للشركات المعلنة كام واحد اتفرج

ده المجمل بمنتهى البساطة ودي فكرتها الاساسية

بعيداً عن الحلال والحرام لأن الإفتاء ليه ناسه
حضرتك مش شايف إن ده تحايل؟
يعني المفروض إن نسبة المشاهدة تكون بناءاً على عدد المشاهدين الحقيقيين وليس المشاهدين المدفوع لهم للمشاهدة على حسب ما فهمت من كلام حضرتك

المشاركة الأصلية كتبت بواسطة a7med_pharma

وأنا فعلا مش فاهم
الشركة صاحبة المنتج...بتبقا عارفه ان المشاهدات للإعلان ..بتكون مشاهدات بدون إهتمام فعلي
1000.000 قاعدن بيفتحو الإعلان..من غير حتى مايشوفو محتواه
ايه الفايدة للشركة صاحبه المنتج من كده؟

المشاركة الأصلية كتبت بواسطة pro_samir

حط نفسك مكان صاحب الاعلان

هو بيدفع 1000 جنيه مثلا علشان الأعلان بتاعه 10,000 واحد يشوفوه

وبالتالي اللي هم بيعملوه ده اشتغالات ومشاهدات وهميه ، الله أعلم بحلال ولا حرام بس ده الواقع

اللي بيعمل اعلان بيعمله وبيدفع علشان الناس المستهدفين الحقيقيين يشوفوه ويوصلهم وبناء عليه الشركه بتحاسبه علي قيمة الاعلان ، لكن مجرد ان الفيديو يتفتح والشركه تروح تحاسبه علي عدد المشاهدات وهو مستفادش حاجه تفتكر ده حلال ومش غش ؟

المشاركة الأصلية كتبت بواسطة طارق _عبد السلام

هى المشكله ان الشركات المعلنه صاحبه السلعه بتدفع ثمن الاعلان على حسب عدد مشاهداته
وفى اوقات لو صور بعدد الكلكات يعنى كم حركه كليك على الاعلان
فبكده اظن ان ده غش من الشركه التى تدفع لك ثمن المشاهدات لان الشركه المعلنه كل ما المشاهدات لاعلانها تزيد هى تدفع اكثر
وهقول لك حاجه بسيطه لو لم يكن عندك شك ما طرحت انت موضوعك للاستفسار هل هو حرام ولا حلال
يعنى بالبلد ى كده ((( دع مايريبك الا مالا يريبك)))

المشاركة الأصلية كتبت بواسطة nicegypt

استاذى العزيز
قصة كيو نت وغيرها امر مفروغ منة
مسألة حلال او حرام اؤوكد لك انها حرام .. لية ؟
لان دة تحايل ونصب على صاحب المنتج نفسة اللى دافع تكلفة الاعلان
للشركات دي

اللى بيحصل ببساطة ان صاحب شركة منتج بيدفع مثلا 5 قروش مقابل اعلان للمنتج بتاعة
وبيدفع المبلغ دة بنظام عقد وشهرياّ او دفعة كاملة سنوياّ .. جميل ؟
الطرق الشرعية للاعلان كتير .. لكنها مكلفة وصاحب شركة الدعايا والاعلان
عايز ينصب وياخد فلوس اكتر فيعمل ويب سايت .. ويطلب من اعضاءة
انهم يشوفو الاعلان اللى هو اعلان عادي خالص مفهوش اي حاجة حرام .. وبعد ما يحقق عدد معين مشاهدات
يدفع لحضرتك لا يزيد عن 1% من ارباحة الشخصية .. والخاسر هو صاحب المنتج الاساسي لانة بينـخدع
ومستحييييييل يكون عارف انة مخدوع وان ناس بتشوف الفيديوهات مقابل الربح ويكون موافق .. ادينى عقلك ؟

.. لذلك اوؤكد لك الشركة دي هتقفل ف القريب العاجل زى غيرها

اتفق مع كل الاراء .

باختصار دة نصب .