انا دوخت السبع دوخات علشان الاقى ميجان نضيفه شغاله كويس استعمال بيتى ومش لاقى ومعايا ٧٠٠٠٠ الف ممكن يزيدو فلو حد عنده اقتراحات ليا اشترى ايه يا ريت الافاده انا كنت بفكر فى ميجان.سكودا اوكتافيا .جين تو . لانسر . هوندا بس انا عاوز حاجه سبيشيل اوى
عرض للطباعة
انا دوخت السبع دوخات علشان الاقى ميجان نضيفه شغاله كويس استعمال بيتى ومش لاقى ومعايا ٧٠٠٠٠ الف ممكن يزيدو فلو حد عنده اقتراحات ليا اشترى ايه يا ريت الافاده انا كنت بفكر فى ميجان.سكودا اوكتافيا .جين تو . لانسر . هوندا بس انا عاوز حاجه سبيشيل اوى
ممكن تجيب نيسان صنى
هوا ممكن بس مش مقتنع بيها اوى
بص فى لانسر نضيف كتير و فى صنى كتير .... دور و بلاش يبقى البحث مقتصر على الميجان ..
بدور والله لدرجه انى بنزل السوق اشترى اى عربيه حاله مش ماركه بس انا مقرر اما هوندا سيفك ٩٣ معدله اتوماتيك او اوكتافيا ٢٠٠٠ وربنا يوفق كان نفسى المره دى اركب ميجان
الحقيقه 70 الف يجيبوا حاله ممتازه في الصني بس تيجي ايه جنب الميجان يعني ولا حاجه
دور على النترا عربيه جميله انا شخصيا شايفها عمليه جادااااا
المبلغ اللى معاك يجيب لانسر بومة
يجيب نيسان صنى الشكل القديم ( مبحبش الشكل الجديد خالص ) ..... وإلنترا فعلا
معتقدش إنك ممكن تلاقى لانسر شارك بالسعر دا بس هى عربية جميلة طبعا
اللي مرتاح مع عربيته الميجان، مستحيل يفكر يبيعها. عربية راقية جداً
عشان كده معظم الميجان المعروض للبيع بتبقى حالته سيئة، ونسبة معتبرة فيهم بتبقى فيها أعطال مخفية مش ظاهرة، وأعطال مركبة متعرفش تلمها، تيجي تصلح دي يطلعلك دي، نصلح اللي طلعتلك، تبوظ الأولانية.
لو عاجباك الميجان، ومصر إنك تشتريها. خد وقت في البحث عنها، 3 مرات قد اللي بتاخده عشان تدور على أي عربية تانية. علشان تستلقط حاجة نضيفة
ربنا معاك اخوى برضه دايخ السبع دوخات فى البحث عن ميجان برضه بصراحه المبلغ اللى معاك يجيب ميجان كويسه وفى رائى الشخصى هى افضل من سياره فى الفئه السعريه دى بدون منافس ولكن نصيحتى هات ميجان من اول موديل 2007
ليه حضرتك بتنصحه من اول من 2007 ؟؟ العربية واحدة شاسيه ومحرك وكهرباء وفتيس على فكرة !!