بسم الله الرحمن الرحيم
ممكن يا جماعه تفيدوني عايز اشتري عربيه اوبل فيكترا 99 وكنت عايز اعرف مميزاتها وعيوبها واسعار قطع الغيار واذا كانت متوفرة ولا لأ وبرده ايه اللي بيبوظ فيها بسرعه ويعوز يتغير واللي عنده معلومات مايبخلش عليا بيها وشكرا
عرض للطباعة
بسم الله الرحمن الرحيم
ممكن يا جماعه تفيدوني عايز اشتري عربيه اوبل فيكترا 99 وكنت عايز اعرف مميزاتها وعيوبها واسعار قطع الغيار واذا كانت متوفرة ولا لأ وبرده ايه اللي بيبوظ فيها بسرعه ويعوز يتغير واللي عنده معلومات مايبخلش عليا بيها وشكرا
ياريت مايبقاش مشاهده وبس عايز مشاركة بالاراء وكده يعني
متابع ومستني وحد يرد ومنتظر وقاعد اهو و كل حاجه
فين خبراء الاوبل
اخونا فادي محمد عيد
اخونا طناني
فينكم يا خبراء الاوبل
اتعب نفسك شويه و أعمل serch هتلاقي كل اللي انت عايزو و زياده
فيكترا موديل 99 1600 سي سي مانوال
الموديل ده مافيهوش اي عيوب صناعه ,بالعكس مميزاته كتير جدا
-عربيه عائليه ذات طابع رياضي
-واسعه جدا من جوه والشنطه بحر
-في السفر سفينه وثباتها يحير
-قطع غيار متوفره جديد انواع وشركات الماني-برازيلي-تركي-تايواني-مصري-...
ومش غاليه بالعكس هتلاقيها ارخص من كوري وياباني موديل السنه بس معمره اكتر طبعا
-قطع غيار الاستيراد منها كتييييير وفي اماكن متفرقه الوكاله-الحرفيين-الهرم...
-العربيه عاليه عن الارض ومش سهل تحك في المطبات حتي لو فيها 4 اشخاص
-كمالياتها كتير
تكييف-باور -2 ازاز كهربا امامي-ايه بي اس-زجاج حراري خلفي-شاشه بيانات ساعه وتاريخ ودرجه حراره الجو وبيانات الراديو-فرش مخمل-سنتر-مكن رفع ازاز امامي-خاصيه ديد لوك-خاصيه انتي اوبجكت لوك-..
-عيبها يمكن مش بيضايق اللي راكبينها قوي وهو
ان موتورها بيطلع 75 حصان بس وده بيخلي طلعه العربيه تقيله لان وزنها 1245كجم !!!:crying2:
انما بعد سرعه 60 تسارعها طبيعي جدا ,في المقابل الموتور ده بيطلع عزم دوران عالي قوي 122 نيوتن :w6266d وخلي بالك من حاجه المواتير اللي بتطلع 105 و110 حصان مثلا (معظم الجديد) بتطلعهم كقوه عند ار بي ام عالي 4500 لفه انما الموتور ده بيطلع ال75 حصان عند 2700 لفه فبتحس بالتسارع والشد اول مالار بي ام يقرب من ال3 ار بي:B4_048:
-عموما عاوز تستمتع بالعربيه دي لازم تجيب حاله حلوه والا هتتعذب وهتصرف كتير قوي
-مشاكل العربيه المشهوره خاصه باهمال اصحابها غالبا متعلقه بحراره الموتور والمكيف
-في المقابل صيانه الموتور ده اسهل حاجه في الدنيا مش معقد وحساساته قليله ..
هتجيبها منطقه حره و لا خالصه ؟
اولا انا تعبت نفسي ودورت ووصلت بس مش بنفس المعلومات اللي فادي قالها
ثانيا شكرا يا فادي عن المعلومات دي
ثالثا بالنسبة اذا كنت هاشتريها منطقه ولا خالصه مش عارف اللي حالتها كويسه مع العلم ان المنطقه قربت لسعر الملاكي الخالص مثلا لو منطقه 38 او 42 الملاكي الخالص 45 او 47
اها هو فعلا الكلام ده صحيح وبصراحه الواحد خايف يجيبها منطقه عشان كده
وبعدين لما بيتلعب ف المكنه مش بتسحب معاك عشا العربيه وزنها تقيل لا زم تكون المكنه كبيرة عشان ما تفوتش بسرعه