ســــــــــؤال (تعلية العربية و تأثيرها على العفشة)

هل تعلية العربية من ورا بيأثر على كفائة الفرامل
و هل بيأثر على العفشة و المساعدين و علبة الدريكسيون

__________
تم تعديل العنوان بواسطة
الإشراف...

انا معرفش بس اعتقد فعلا انة حيأثر على الفرامل لأنك لما تعلى العربية من ورا حتلاقى ان الوزن بقى لقدام شوية و بالتالى حيبقى العجل الخلفى معلهوش وزن كتيير فا حتلاقية ممكن يقفش منك بسهولة

دة من تفكيرى و انتظر رد احد الخبراء يأكد المعلومة او ينفيها

تغيير مستوى العربية غلط

رفع مؤخرة العربية بيخل باتزانها على الطريق و على توزيع وزنها على العجلات الاربعة و بالتالى العجلات الخلفية حتبقى عليها وزن اقل و تماسكها مع الطريق حيقل و دة ممكن يسبب ان العجلات تقفش مع الفرامل القوية و دى زى ما ترفع الهاند بريك... العربية حتلف منك و العكس بالعكس انت حتجهد الفرامل الامامية بالوزن الزائد

بالنسبة للعفشة حيبقى نفس النظام... العجلات الخلفية حتنط من على الطريق مع المطبات على سرعة عالية و المساعدين الاماميين حيجهدوا نتيجة الوزن

رفع مؤخرة العربية بيرفع محور ارتكازها عن الارض و بالتالى بتبقى عرضة اكتر للانقلاب على المنحنيات

MMamdouh

هو التأثيرات وحشة على

تآكل الكاوتش الخلفي من الحافة الخارجية
تلف المساعدين الخلفية
عومان رهيب في العربية مع السرعات و الملفات
الراحة, لأن العربية حاتبقى بتتنطط من ورا ومش مريحه
الفرامل و بالأكتر ثبات العربية مع الفرامل حايبقى ضايع وممكن تتقلب لا قدر الله