محتاج رأيكم ومتكسفونيش !!!
سلام عليكم يا رفاق
أنا أخوكم هيثم من قسم سكودا وهخش فى الموضوع بسرعة
السؤال المعتاد
محتاج مشورتكم
أنا بفهم فى العربيات على الأقل بالحد الأدنى فى كل ما يخص العربية من ميكانيكا وكهربا وعفشة لأن أنا مهندس ميكانيكا ومش بقول كده علشان بتنك على حد بس دى دباجة للى عايز أقوله ......
أنا كنت راكب عربية ألمانى لمدة سنتين وهى فابيا 2004 مانوال 1200 سى سى 12 صباب
وعمرى ما رحت بيها لميكانيكى إلا للصيانة الدورية وبعتها علشان عايز أركب حاجة جديدة وزى كل اللى ركب الألمانى عينى راحت على الكورى وبالذات الهيونداى لأن الكورى بيحقق معادلة صعبة وهى السعر الأوبشنز الصيانة الرخيصة وإعادة بيع على الأقل أسهل من الألمانى
فكرت فى :
- هيونداى إلنترا 2013 زيرو أو كسر زيرو
- هيونداى أكسنت 2013 زيرو أو كسر زيرو
- هيونداى إلنترا 2008:2010 شدا حيلها
بس إتصدمت من كمية الإلنترا 2012 اللى أصحابها عارضينها للبيع على كونتاكت وغيره
وحاسس من ناحية تانية إن إلنترا 2008:2010 أفضل من هيونداى أكسنت 2013 زيرو أو كسر زيرو ...... مجرد إحساس عايز النفى أو التأكيد ؟
وأخيرا لو حد عنده إلنترا 2008:2010 عايز يبيعها يقولى ويمكن ربنا يوفق
محتاج رأيكم ومتكسفونيش !!!