ايه افضل موديل لجين 2 وازاى اشترى واحدة مستعملة كويسة

ايه افضل موديل لجين 2 وازاى اشترى واحدة مستعملة كويسة
انا معايا اونو 1994 مريحانى جدا وقطع غيارها طبعا اكيد ارخص بكتير من الجين تو
انا ان شاء الله هبيعها ومعايا مبلغ هحطة على ثمن الاونو ونفسى اجيب جين تو بموت فى شكلها بصراحة بس خايف من قطع الغيار ومراكز الصيانة
وكمان سمعت من واحد صحبى معاه الجين 2 ان قطع غيارها متوافرة بس من العربيات التانية ياعنى الانسر والتويتا والحاجات دى
بس عاوز لما اجى اشتريها اعرف كذا حاجة
1- سعرها حاليا فى السوق
2- ايه افضل موديل اشترية
3- اكشف على ايه لما اشتريها
4- فى توكيل معين ليها يطلع عيوبها او مركز خدمة يقلى فيها ايه وحالة الموتور

متابع

انا معايا جين 2 2007 ...العربيه كويسه وقطع غيرها موجودة ..بس ابعد عن التوكيل عشان متكرهش العربيه ...هى عربيه حلوه شرط توقع حاجه حالتها كويسه وده الاهم ..اكشف عليها كويس ومتستعجلش ..وانشاء الله تلاقى حاجه كويسه

افضل الموديلات من 2009 او اكتر عشان التعديل الجديد في الموتور

لكن كل الكماليات نفسها عدى مثبت السرعة والساعة في التابلوه (كانو في الموديلات القديمة )

متوسط سعر 2009 او 2010 دلوقتي وبعد زيادة الاسعار للزيرو ممكن تعمل 70 - 73 الف جنيه

واهم حاجة الكشف كويس في التوكيل وانصحك بمركز عصام صفا

انا نزلت امبارح السوق ولقيت برتون جين 2 عاملة 90 الف كيلو مطلوب 60 الف جنية
وشفت واحدة صفراء عاملة 60 الف كيلو طالب 57 قابل للتفاوض

السلام عليكم
هل هناك فرق في التقفيل والخامات الداخلية في موديلات 2009 فما فوق اصل هي بصراحة عجباني جدا بس لو مش هتفرق يبقى ان شاء الله هجيب 2006 بس تكون حالتها حلوة عشان السعر

يعنى هى 2006 سعرها بيبقى حوالى كام

هو فيه ملاحظه مش عارف اذا كانت مهمه ولا لاء بس انا معايا 2006 وكان ليا صاحبى معاه 2008
اللى لاحظته ان عظم ال 2006 اكتر والعربيه اتقل حتى على الطريق ثبات ال2008 عالى بس ال 2006 اعلى بكتير يعنى لو ماشى على180 بتحي انك ماشى 100

علي فكره 2006 بيشكرو فيها عشان اول الموديل وكان الاهتمام به كثير
علي فكره فيها مثبت سرعه غير موجود في2007و2008........

جميل.. مافيش واجده حلوه بقه نتوكل علي الله فيها ..

المشكلة انى شفت كذا واحدة بكذا سعر ياعنى
شفت واحدة بـ 45
وواحدة بـ 60
وواحدة بـ 65
فا مش عارف بصراحة ايه الفرق الكبير ده

هى الـ 2006 فيها عيب ولا حاجة لانى لقى كل الناس بتبيعها هلى هى وحشة ولا ايه كل الموديلات الى بتتباع 2006 مش فاهم ايه السبب
حد يوقلى لو فيها عيوب