السلام عليكم. إن شاء الله قريبا حاغير ال4 فرد كاوتش بتوع العربية (أوكتافيا 2010 خليجي جنط 17).
ممكن تنصحوني ايه أحسن ماركة كاوتش 17 في السوق؟
عرض للطباعة
السلام عليكم. إن شاء الله قريبا حاغير ال4 فرد كاوتش بتوع العربية (أوكتافيا 2010 خليجي جنط 17).
ممكن تنصحوني ايه أحسن ماركة كاوتش 17 في السوق؟
لو حضرتك عرفت تجيب ميشلان الفرنساوى هايبقى غالى شوية بس محترم قوى و نصيحة ماتخليش البروفيل يقل عن 55 لو 60 كمان يبقى افضل
انا غيرت من فترة كدة كونتيناتل الأربع فرد كويسين جدا
نفس الحالة عندى واستقريت على بريدج ستون ياباني سعره الأسبوع الي فات ١٣٥٠ الفرده شامل نيتروجين وبلف . بس مابيخدوش القديم باتكلم عن فروع بردجستون شركه النيل كلامى. على مقاس225/45 r17
البريدجستون افضل من الكونتنتال لان الكونتنتال بعمل بلونه بسرعه وبعد البًريدجستون طبعا الميشلان وبعديهم
شكرا. الكاوتش ال17 غالي أويييي.
سؤال تاني. الكاوتش اللي راكب عندي بروفايل 45. عادي لو ركبت كاوتش بروفايل أكبر؟
ميشلان او بريدجستون لو عايز حاجة محترمة كاداء و نعومة و تحمل...بس طبعا على حساب السعر
و فيه يوكوهاما c drive...فردة كويسة و سعرها معقول
ابعد عن الكونتيننتال... الside wall بتاعه ضعيف و مش بيستحمل شوارع مصر يا بيبقلل يا بتقطع خالص
ابعد عن الدانلوب الsp01 ناشفة و مزعجة جدا
ابعد عن الفولدا الالماني... ٣ فرد من الاربعة جابوا بلالين في اقل من ١٠٠٠٠ كم...سواقة عادية و طرق سفر فقط
لو عايز حاجة في الحنين و اداءها كويس...خليك في الكومهو الاكستا الكوري....مسافة الفرامل هاتطول معاك حاجة بسيطة بس
و بالنسبة للبروفيل....اوعى تلعب فيه....ركب زي اللي فيها بالظبط
علي فكرة انا لما كنت بغير الكاوتش قريت كتير جداً وانتهيت ان الفارق في السعر لا يقابل فارق الجودة بنفس النسبه وكنت عاوز أجيب كونتنتال بس قريت كتير وتجارب لاصدقائي خلاني مجبهاش علشان بلالين الهواء وممكن اقل من البريدجستون يوكوهاما ياباني c drive فردة محترمه بس لما كنت بشتري ملقي تش المقاس بتاعة في ١٦ وجبت كومهو اكستا
علي فكرة انا لما كنت بغير الكاوتش قريت كتير جداً وانتهيت ان الفارق في السعر لا يقابل فارق الجودة بنفس النسبه وكنت عاوز أجيب كونتنتال بس قريت كتير وتجارب لاصدقائي خلاني مجبهاش علشان بلالين الهواء وممكن اقل من البريدجستون يوكوهاما ياباني c drive فردة محترمه بس لما كنت بشتري ملقي تش المقاس بتاعة في ١٦ وجبت كومهو اكستا
شكرا ليكم على المعلومات. هوا غالبا مش حاجيب لا بريدج ستون ولا ميشلان عشان حاستغلاهم. ممكن أجرب الكمهو. بس على فكرة أما راكب عندي كونتيننتال وماشي معايا زي الفل. لا بلالين ولا غيره. هوا بس ابتدى يشرخ على خفيف وفيه فرده فيهم شرخت من الجمب وانا مشيت عليها وهيا نايمة فالشرخ وسع وباظت.
كومهو اكستا asx فردة كوري ومحترمه والسرعة w وكمهو اكستا spt فردة فيتنامي والسرعه v
وسعر جميييييييل طبعا بالمقارنه بالباقي
يعني ايه السرعة w والسرعة v؟
W سرعه قصوي ٢٤٠ اما v سرعه قصوي ٢١٠ وفي كل الحالات العربيه مش هت وصل للسرعه دي بس طبعا بيأثر في قوه تحمل الكاوتش والنقش تين من الكومهو مش فراقين كتير وان كنت انا افضل الكوري لانه اصل النوع والفيتنامي جيد أيضاً بص علي النقشه ئل تعجبك فيهم وتوكل علي الله
واحد صاحبي نصحني بالـ Dunlop. ايه نظامه ده؟