الموضوع: يمكن بعرفش اسوق كويس ؟

اثناء عودتى من البلد وقبل الوصول ب 35 كيلو تقريبا
وعلى سرعة بين 100/110 - فوجئت بحفره
الخسائر
الجنوط الحديد الامامى اتعوج من الداخل والخارج
الجنوط الخلفى من الخارج فقط
العجلة نامت بس بعد ما مشيت بيها يجي 10/15 كيلو بس مش مرة واحده

بتاع الكاوتش بيقول كده الجنوط ( حديد ) بقيت ضعيفه ؟؟

الحمد لله - كان ممكن الامر يطتور اكبر - الحمد
ومنهم لله بتوع المحافظه وبتوع الطرق والكبارى وبتوع المرور وكل من له دخل
فى مراقبه الطرق و اصلاحها -

فى اصوات فى العربيه من العفشه
شكلها كده بيض المقص اتاثر
بس فى حاجة غريبه
الحفره كانت على العجل الشمال
والاصوات من ناحيه اليمين
يا ترى ممكن يكون ايه ؟؟

فى زيت كان بينقط اسفل العربيه وعمل بركة صغيره - فى حجم الطبق الصغير -
وبعد كده الزيت بطل ينقط
العلامة قبل السفر والعودة كانت فوق المنتصف
قست العربيه والموتور شبه دافى
الان الزيت قبل ال - mini - بقليل ومفيش تنقيط ؟؟؟

زودت كيلو زيت فتيس - وقال احتمال الاولسيه عايز يتغير
وقال لى اراقب تحت العربيه يوم او اتنين ولو فى رشح وتنقيط اغير الاولسيه

العفشجى قال لى مفيش حاجه
و خليته يسوق العربيه وفى شارع مدقدق والعربيه اصرت انها متظهرش عيوبها ولا رضيت تسمعه صوت موسيقي العفشه وظبط الزوايا وربط عفشه وقال لو ظهر الصوت ابقي ارجع له

الكاوتش لم يريح الى الان - الحمد لله