مين الاحسن يا جماعة سيفيك 92 موتور 1500 كاربرتير ولا فورد اسكورت 1600 زد تك انجكشن ؟ مع العلم ان الاتنين فوول اوبشن
عرض للطباعة
مين الاحسن يا جماعة سيفيك 92 موتور 1500 كاربرتير ولا فورد اسكورت 1600 زد تك انجكشن ؟ مع العلم ان الاتنين فوول اوبشن
بسم الله الرحمن الرحيم
شوف
بالنسبة لقطع الغيار اعتقد هتكون صعبة شوية فى الاسكورت
أما فى السيفيك فهى موجودة إن شاء الله
سعر اعادة البيع : رغم انك هتشتريها مستعملة وهتبيعها مستعملة , لكنك هتخسر فى الإسكورت اكتر ما هتخسر فى السيفيك طبعاً
بالنسبة بقى للعربية نفسها
السيفيك انا مجربها وهى معايا حالياً
عربية كويسة جداً ماشاء الله , سريعة وسحبها كويس
اللى معايا اوتوماتيك و فتيس السيفيك متقلقش منة لا مانيوال ولا اوتوماتيك
موتور : بعض القطع غالية شوية ولكنها معمرة يعنى بتتحط وتنساها
الكربراتير مش فارق كتير بالنسبة لى مع العربية لكن بس بيفرق انة ارخص فى الصيانة
خلاصة الكلام : حاجة السيفيك متوفرة سواء قطع غيار موتور او موتور نفسة , او قطع غيار للكماليات و الاكسسوارات وبإشكال متنوعة مش الاصلى بس
الاسكورت بقى :
بصراحة معرفش عنها حاجة ومش هقدر افيدك فيها
كل الحكاية انى بشوفها واعرف انها صعبة فى البيع شوية
وقطع غيارها مش منتشرة
لكن اداء او اى حاجة تخصها معرفش
انا مش بقولك هات هوندا او اسكورت
لكن انت شوف حد معاه اسكورت وإن شاء الله هيفيدك
اما بالنسبة للهوندا إسأل اى سؤال انا اجاوبك إن شاء الله
وشكراً
شكرا يا باشا على الرد الجميل دة هيا فعلا انا سمعت ان السيفيك الكاربرتير متفرقش عن الانجكشن اوى
سيفيك طبعا احسن من اسكورت