انا محتارة جدا بين: كيا ريو هاتشباك _ فيات بونتو جراند_فورد فياستا

**K.Ossama** · 20-02-2013 07:11 PM

رأيى الفورد الفييستا
سيارة ممتازة شكل رياضى، شيك من جوة، موتور كويس، صناعة المانى.
قطع الغيار صحيح بعضها اغلى من الريو لكن معمرة اكثر وتحتاج منك بس التزام بجدول الصيانة.

**K.Ossama** · 20-02-2013 07:17 PM

المشاركة الأصلية كتبت بواسطة hamadacorolla

أخويا كان هيشتريها و لما سأل عليها قالوله مش abs حبينا نتأكد من كونتكت كارز
لقينا الكلام دا صح

موقع كيا مصر بيقول كلام غير كده
ده غير ان موقع كونتكت كارز ضعيف جدا بالكثير نأخذ منه اسعار أولية لكن مش مواصفات ولا كماليات خالص

**eng.salama95** · 20-02-2013 07:29 PM

الكيا احسن و ماشيه اليومين دول كويس بسم الله ما شاء الله
و عشان متخسرش كتير لو جيت تبيعها تاني

**Land_Cruiser** · 20-02-2013 07:34 PM

أعتقد ال كيا ريو تبقى الاختيار الافضل فى المحصله النهائيه علشان الانتشار و امكانياتها برضه حلوة و سعر اعاده بيعها افضل من الفورد و الفيات.

الفيات عيبها هو توكيلها و حضرتك ممكن تلقى نظره فى قسم الفيات على بعض من المشاكل اللى سببها التوكيل مع انها عربيه كويسه أما الفورد فهى بلا شك عربيه جيده لكن فورد مش منتشره فى مصر مثل كيا و التكنولوجيا بتاعتها دائما متقدمة و دى حاجه من وجهه نظرى مش مناسبه لنا و لذلك دائما تلاقيها عربياتها حلوة و غاليه و لكن سعر اعاده بيعها سىء جدا بسبب عدم الانتشار و قلق الناس منها. يعنى من الاخر حضرتك بتشترى عربيه و توكيل مش عربيه بس

**cleopatra89** · 20-02-2013 08:56 PM

المشاركة الأصلية كتبت بواسطة K.Ossama

موقع كيا مصر بيقول كلام غير كده
ده غير ان موقع كونتكت كارز ضعيف جدا بالكثير نأخذ منه اسعار أولية لكن مش مواصفات ولا كماليات خالص

للايضاح فقط لأني سألت علي العربية دي كتير, الريو الفئة الوحيدةاللي فيها فرامل abs هي الهاي لااااين فقط !

**cleopatra89** · 20-02-2013 09:00 PM

عموما انا استقريت علي الفورد فيستا ^_^ ادعولي بقا

**K.Ossama** · 20-02-2013 11:56 PM

المشاركة الأصلية كتبت بواسطة cleopatra89

عموما انا استقريت علي الفورد فيستا ^_^ ادعولي بقا

اختيار موفق
مبروك مقدما

**S O P H O S** · 21-02-2013 02:20 AM

مبروك مقدما
ان شاء الله يكون اختيار موفق ..

**Hossam_hassan4** · 22-02-2013 02:44 AM

بعد ما البونتو غليت. اعتقد تتشال من المقارنه خاصه مع اوماترا !!

1-بيجو 207
2- رينو ميجان
3-فورد فييستا
:)

**Nashaat Rady** · 28-02-2013 04:53 AM

مبروك عليكي ان شاء الله

بس ليه مفكرتيش تتفرجي عل التيدا...

انا كنت في نفس الحيرة تقريباً عشان عربية لزوجتي. كنت عامل موضوع مقارنة أكسنت hb و ريو و بولو..

و في الاخر اشتريت تيدا هاي لاين.... الأمان فيها عالي، توكيل محترم جداً، قطع غيار في المتناول بره و جوه التوكيل
الشكل بس قديم شوية.