بظبط الزوايا اتصدمت من اللى سمعته a4 2003

لو سمحتم ياخبراء الاسكودا

انا اللى حصل كالتالى

1- غيرت فرديتين كوتش قدام بريد جستون فى 12 عمارات العبور 15r /65/195 تمام مفيش اى حاجه

2- قولت بالمره اضبط الزوايا لان العربيه عندى بتحدف يمين وبالمره اربط العفشه

3- الفنى بتاع ظبط الزوايا كشف على العربيه على جهاز عنده وقالى لازم علشان اظبط الزوايا لازم تعملى الحاجت دى الاول عند( عفشجى زوايا ) قولتله طب حضرتك قولى على واحد كويس اروحله قالى والله معرف المهم طلب منى حاجتين العفشجى الزوايا يعملهمولى وبعدين اروحله يظبطلى الزوايا


1- تحتاج قفل (تتلم يعنى ) العجله الشمال الخلفى للداخل 1/2 سم

2- تحتاج ايتاش علبة دريكسيون


ارجو من حضراتكم تنصحونى ايه الصح اللى ممكن اعمله وارجو دلونى على عفشجى زوايا يكون كويس

وبعدين انا عايز اعرف يعنى ايه ايتاش علبة دريكسيون
وشكرا

اقتباس:

---

المشاركة الأصلية كتبت بواسطة erp

2- تحتاج ايتاش علبة دريكسيون


وبعدين انا عايز اعرف يعنى ايه ايتاش علبة دريكسيون
وشكرا

---

اتياش

جمع تيش

المطلوب تغيير تيش الدريكسيون

.

اقتباس:

---

المشاركة الأصلية كتبت بواسطة ahrambc

اتياش

جمع تيش

المطلوب تغيير تيش الدريكسيون

.

---

شكر ياباشا على ردك الجميل

طب الموضوع ده كبير ولا حاجه سهله وممكن حضرتك تدلنى على عفشجى كويس لو سمحت

مفيش داعى للصدمة ياباشا انا اتخضيت من العنوان الصراحة وفكرت العربية فيها حاجة في الاساسيات بعد الشر طبعا


الموضوع سهل هتروح للعفشجى يعمللك زرجينة للعجلة الخلفية ، زرجينة يعنى بيربط العجلة في حاجة وبيفضل يشدها لحد ما تتعدل عشان تظبط زوايا
اسباب ان العجلة تبقى محتاجة زرجينة ممكن تكون خبطة قديمة ومش شرط تكون خبطة جامدة ، يعنى ان شاء الله مفيش قلق

اتياش دركسيون جمع تيش دركسيون عبارة عن قضيب مربوط في اخر الاسكاترة وهو نقطة الوصل بين الاسكاترة والعجل ( الاسكاترة هى اللى بتحول حركة الدركسيون الدائرية لحركة خطية للعجل )

http://4.bp.blogspot.com/-5jzbny2ig5...in_tie_rod.jpg

في الصورة هو outer tie rod
وطبعا اللى في الصورة علبة دركسيون وليس كوبلن
وطبعا التيش ده حاجة سهلة جدا برده ..



انا بقالى فترة متابع مواضيعك والصراحة انت ازاى اشتريت العربية بـ 80 الف وفيها كل الحاجات دى ، الصراحة ضرورى جدا الكشف على العربية في التوكيل قبل الشراء
ان شاء الله تبقى اخر الاعطال والمصاريف :)

اقتباس:

---

المشاركة الأصلية كتبت بواسطة amrelsaqqa

مفيش داعى للصدمة ياباشا انا اتخضيت من العنوان الصراحة وفكرت العربية فيها حاجة في الاساسيات بعد الشر طبعا


الموضوع سهل هتروح للعفشجى يعمللك زرجينة للعجلة الخلفية ، زرجينة يعنى بيربط العجلة في حاجة وبيفضل يشدها لحد ما تتعدل عشان تظبط زوايا
اسباب ان العجلة تبقى محتاجة زرجينة ممكن تكون خبطة قديمة ومش شرط تكون خبطة جامدة ، يعنى ان شاء الله مفيش قلق

اتياش دركسيون جمع تيش دركسيون عبارة عن قضيب مربوط في اخر الاسكاترة وهو نقطة الوصل بين الاسكاترة والعجل ( الاسكاترة هى اللى بتحول حركة الدركسيون الدائرية لحركة خطية للعجل )

http://4.bp.blogspot.com/-5jzbny2ig5...in_tie_rod.jpg

في الصورة هو outer tie rod
وطبعا اللى في الصورة علبة دركسيون وليس كوبلن
وطبعا التيش ده حاجة سهلة جدا برده ..



انا بقالى فترة متابع مواضيعك والصراحة انت ازاى اشتريت العربية بـ 80 الف وفيها كل الحاجات دى ، الصراحة ضرورى جدا الكشف على العربية في التوكيل قبل الشراء
ان شاء الله تبقى اخر الاعطال والمصاريف :)

---

ربنا يخليك ياستاذ ياعمرو (ا نا بقالى فترة متابع مواضيعك والصراحة انت ازاى اشتريت العربية بـ 80 الف وفيها كل الحاجات دى ، الصراحة ضرورى جدا الكشف على العربية في التوكيل قبل الشراء
ان شاء الله تبقى اخر الاعطال والمصاريف)

بصراحه ياستاذ ياعمرو علشان اكون صريح معاك انا اول مره فى حياتى اشترى واركب عربيه فصاحب العربيه من الناس اللى تشوفها تثق فيها الله المستعان فطبعا حضرتك عرفت مين هما الناس دى بس الواحد مش عايز يوضح علشان انا برفض مبد التعميم والله المستعان مقدرش اقول غير منه لله



طلب اخير من حضرتك ياباشاااااااا


انا عايز اروح عند عفشجى كويس يعملى اللى حضرتك قولتهولى ده الله يخليك وشكرا على متابعتك الجميله دى ياباشااااااا وربنا سبحانه وتعالى يجزيك خير يارب انا من القاهره

فى سؤال تانى ياستاذ نسيت اساله لحضرتك ياستاذ عمرو هوا العربيه فيها تيش علبة دريكسيون واحد ولا اتنين يمين وشمال

يمين وشمال وعشان كدة هو قاللك اتياش

وبالنسبة للعفشجى والله كان نفسى افيدك بس الصراحة انا من المنوفية ومعرفش حد معين في القاهرة بيشتغل في الاسكودا اقدر ارشحهولك

شكر ليك ياستاذ ياعمرو

لو سمحتم ياملاك الاسكودا اللى فى القاهره انا عايز عفشجى زوى كويس فى الاسكودا اروحله الله يخليكم

والله كان نفسي افيدك انا فيه عفشجى اشتغل فالعربية عندى بس مش اد كده فاستني حد يدلك على واحد كويس

اقتباس:

---

المشاركة الأصلية كتبت بواسطة المنسي

والله كان نفسي افيدك انا فيه عفشجى اشتغل فالعربية عندى بس مش اد كده فاستني حد يدلك على واحد كويس

---

يارب ياستاذ منسى انا منتظر

طب فى سؤال برده ياباشاا انا ممكن اشترى التيش ده من الهاشميه ولا استنى ولا مش هلاقيه اصلا
شكرا

حضرتك ساكن فين ممكن لو فيصل أقولك علي واحد عفشجي وكان زوايا بس هتستني عند شويه هوا في الطوابق فيصل

اقتباس:

---

المشاركة الأصلية كتبت بواسطة moratoz

حضرتك ساكن فين ممكن لو فيصل أقولك علي واحد عفشجي وكان زوايا بس هتستني عند شويه هوا في الطوابق فيصل

---

الف شكر ياباشااااا

فيصل بعيده عليا انا ساكن فى حدائق القبه

ربنا يوفق وحد من الزملاء يكون عارف حد كويس وقريب منك

مفيش حد عارف مكان فى القاهره اغير فيه اتياش للاسكترا واظبط الزوايااااااااااااا
انا اول واحد فى المنتدى اعمل الموضوع ده ولا ايه ياجماعه

انا اعرف عفشجي ممتاز في عين شمس
لو يناسبك ابعتلي على الخاص

انا سالت على التيش الواحد قالولى فى الهاشميه 300 جنيه التركى وسالت على تيش ماركة سواج المانى 550 جنيه

وبعدين بيقولولى عايز البيضه والباره مع بعض ولا الباره بس ولا البضه بس

رجاء ماتعملش زرجينه غير لما تروح للعفشجي ويكشف علي العربيه كويس
وكمان غير بتاع الزوايا واكشف علي الزوايا بعد ماتعمل العفشه عند حد تاني
وبعدين العفشجي مش هو اللي بيعمل الزرجينه اللي بيعملها بتاع الزوايالو العربيه محتاجه ررجينه ممكن توسع مكان المسمار اللي بيتثبت فيه المساعد
وبكده بيكون في عنده رجلاش يحرك المساعد منه للداخل او الخارج
معلش رجاء اغرم حق زوايا تاني
درش مثلا في المطريه
الراجل اللي في تقاطع شارع بورسعيد مع سكه الوايلي محطه مصنع العلف جنب منك
مكانخ علي ناصيه الشارع سكه الوايلي مع بورسعيد تحت الكوبري بتاع الخلفاوي

اقتباس:

---

المشاركة الأصلية كتبت بواسطة hugan

رجاء ماتعملش زرجينه غير لما تروح للعفشجي ويكشف علي العربيه كويس
وكمان غير بتاع الزوايا واكشف علي الزوايا بعد ماتعمل العفشه عند حد تاني
وبعدين العفشجي مش هو اللي بيعمل الزرجينه اللي بيعملها بتاع الزوايالو العربيه محتاجه ررجينه ممكن توسع مكان المسمار اللي بيتثبت فيه المساعد
وبكده بيكون في عنده رجلاش يحرك المساعد منه للداخل او الخارج
معلش رجاء اغرم حق زوايا تاني
درش مثلا في المطريه
الراجل اللي في تقاطع شارع بورسعيد مع سكه الوايلي محطه مصنع العلف جنب منك
مكانخ علي ناصيه الشارع سكه الوايلي مع بورسعيد تحت الكوبري بتاع الخلفاوي

---

حضرتك من رايك ياباشاااااااا ان انا اكشف زوايا فى مكان تانى المكان اللى حضرتك قولتلى عليه ده

للعلم فقط انا كشف الزوايا اللى انا كشفته ده فى بريدجستون 12 عمارات العبور

شكر ياباشااااا على متابعتك

اقتباس:

---

المشاركة الأصلية كتبت بواسطة erp

حضرتك من رايك ياباشاااااااا ان انا اكشف زوايا فى مكان تانى المكان اللى حضرتك قولتلى عليه ده

للعلم فقط انا كشف الزوايا اللى انا كشفته ده فى بريدجستون 12 عمارات العبور

شكر ياباشااااا على متابعتك

---

سيبك ولا بريدج ستون ولا بتاع
مش مهم الاسم قوي
اكشف زوايا مره تانيه للتاكد والاثنين بتوع الزوايا اللي قولت لحضرتك عليهم عندهم زراجين لو العربيه محتاجه
الكلام ده لان عمري ماكشفت زوايا عند واحد وقالي العربيه محتاجه زرجينه لازم اكشف عند واحد تاني علشان اتاكد
زي الاطباء كده
مفيش اثنين دكاتره بيجمعوا علي راءي واحد

اقتباس:

---

المشاركة الأصلية كتبت بواسطة hugan

سيبك ولا بريدج ستون ولا بتاع
مش مهم الاسم قوي
اكشف زوايا مره تانيه للتاكد والاثنين بتوع الزوايا اللي قولت لحضرتك عليهم عندهم زراجين لو العربيه محتاجه
الكلام ده لان عمري ماكشفت زوايا عند واحد وقالي العربيه محتاجه زرجينه لازم اكشف عند واحد تاني علشان اتاكد
زي الاطباء كده
مفيش اثنين دكاتره بيجمعوا علي راءي واحد

---

و انا معاك بالراى لانى موضوع الزرجينه ده لما يكون لاقدر الله حادثه او خبطه جامده فا بتحتاج للزرجينه حاول روح لظبط زاويا تانى
بس نصيحه لو هتحتاج لزرجينه علشان يردلك العجله حاول تشوف مركز مجهز بزرجينه هيدروليك علشان تيجبلك الرد صح و بالمقاييس
ربك المستعان

عملت مرتين ظبط زوايا المرة الاولى فرع بريدجيستون شارع مراد وقاللى محتاج زرجينة وخلى العفشجي يعملها والمرة التانية عند واحد تانى فى الهرم ومقالش على موضوع الزرجينة
جرب تشوف حد تانى معلش هتدفع فلوس تانى بس للاطمئنان

اقتباس:

---

المشاركة الأصلية كتبت بواسطة engahmedsayed

و انا معاك بالراى لانى موضوع الزرجينه ده لما يكون لاقدر الله حادثه او خبطه جامده فا بتحتاج للزرجينه حاول روح لظبط زاويا تانى
بس نصيحه لو هتحتاج لزرجينه علشان يردلك العجله حاول تشوف مركز مجهز بزرجينه هيدروليك علشان تيجبلك الرد صح و بالمقاييس
ربك المستعان

---

ممكن ياباشااا تدلنى على مركز مجهز بزرجينه هيدروليك انا من القاهره

شكرا على متابعة حضرتك

اقتباس:

---

المشاركة الأصلية كتبت بواسطة المنسي

عملت مرتين ظبط زوايا المرة الاولى فرع بريدجيستون شارع مراد وقاللى محتاج زرجينة وخلى العفشجي يعملها والمرة التانية عند واحد تانى فى الهرم ومقالش على موضوع الزرجينة
جرب تشوف حد تانى معلش هتدفع فلوس تانى بس للاطمئنان

---

شكرا استاذ المنسى على متابعتك

اقتباس:

---

المشاركة الأصلية كتبت بواسطة erp

ممكن ياباشااا تدلنى على مركز مجهز بزرجينه هيدروليك انا من القاهره

شكرا على متابعة حضرتك

---

انا المركز اللى بتعامل معاه فى الهرم هحاول اتاكد انه يقدر يعملك زرجينة ولا لا

اقتباس:

---

المشاركة الأصلية كتبت بواسطة المنسي

انا المركز اللى بتعامل معاه فى الهرم هحاول اتاكد انه يقدر يعملك زرجينة ولا لا

---

أوعي يكون سمارة ئل في الطوابق رجل محترم وفاهم

انا عايز اروح لدرش اللى فى المطريه ايه رايكم اروح ولا استنى لحد ما ربنا يفرجها بمركز متخصص اروحله احسن

اقتباس:

---

المشاركة الأصلية كتبت بواسطة moratoz

أوعي يكون سمارة ئل في الطوابق رجل محترم وفاهم

---

لا اللى انا اقصده موجود فى فاطمة رشدي

اقتباس:

---

المشاركة الأصلية كتبت بواسطة erp

انا عايز اروح لدرش اللى فى المطريه ايه رايكم اروح ولا استنى لحد ما ربنا يفرجها بمركز متخصص اروحله احسن

---

لو مضمون روحله وشوف هيقولك ايه بس انا عايز اعرف هو اشرفكو معندوش ظبط زوايا؟؟؟؟؟ كنت ممكن تروحله وهيكون قريب ليك

اقتباس:

---

المشاركة الأصلية كتبت بواسطة engahmedsayed

و انا معاك بالراى لانى موضوع الزرجينه ده لما يكون لاقدر الله حادثه او خبطه جامده فا بتحتاج للزرجينه حاول روح لظبط زاويا تانى
بس نصيحه لو هتحتاج لزرجينه علشان يردلك العجله حاول تشوف مركز مجهز بزرجينه هيدروليك علشان تيجبلك الرد صح و بالمقاييس
ربك المستعان

---

الحمد لله لاقيت واحد الناس مسمينه الدكتور فى موضوع الزراجين يكاد يكون احسن واحد فى الحرفيين فى الموضوع ده وبالفعل روحتله انهارده لاقيت عنده زحمه جدا قالى تعالى ليا يوم الاثنين وقولتله ان بتاع الزوايا قالى غير الاتياش بتاعة الاسكاترا قالى خلاص بالمره غير الاتياش وبعد كده تعالى لى

بس فى حاجه اللى قايلى عليه قالى مجرد وضع العربيه على الجهاز وكلبشتها تدفع 400 جنيه بس بتاخود العربيه مفيهاش الهواء بفضل الله


بيقولى ده تخصص حوادث قطر دخل فى عربيه وفى فرق 50 سم يظبطها بالجهاز



الراجل ده اسمه سمير على ياجماعه حد سمع عنه قبل كده او عمل عنده شغل

كنت داخل اقولك علي سمير علي دا اللي في الحرفيين
صحبي معاه النترا كان دخل في الرصيف .. و العجله اللي قدام احتاجت زرجينه
عملها عنده و بيقول عليه ممتاز .. لكن بصراحه مش عارف السعر ..

شكراا ياباشااااا على المتابعه

انا بصراحه حاولت ارفع الصوره بس تقريبا كده معرفتش الطريقه بتاعة رفع الصور ازاى

http://www.swag-parts.com/img-articl...072%200002.jpg

دى صورة الاتياش من موقع قطع غيار لجميع العربيات ماركة سواج