بعد ما فولت .... اللعربيه ما قامتش

**husseinodeba** · 04-02-2013 08:49 AM

السلام عليكم
عربيتى جين2 2009 ...كانت تمام لغايت نص سساعه فاتت
فولت العربييه بنزين 92 من نفس البنزينه اللى كنت بفول منها كل مره وبعد ما اتحركت بالعربيه من البنزينه وبهدى فى الدوران العربيه بطلت لوحدها وحلفت ماهى قايمه تانى

البطاريه جديده .... اعمل ايه ؟ والمشكله ان مافيش عندى فى دهب كهرابائيه بيفهموا , يعنى محتاج ارفع العربيه على شرم الشيخ

**Elawany13** · 04-02-2013 09:04 AM

ممكن يكون البنزين عليه ميه

**windofchange** · 04-02-2013 09:32 AM

لو الطرمبة في التانك هل بتسمعها بتحضر بنزين اول مابتفتح كونتاكت؟

**mado83** · 04-02-2013 09:36 AM

لو الطرمبه فى التانك وسعدتك فولت العربيه وهيا اقل من الربع ممكن تعمل الموضوع ده
لان الطرمبه بتكون سخنت والنزين بيعمل على تبريدها وده بيحصل فى كل العربيات اللانوس
وحلها ان حضرتك تفول اول ماتشوف علامه البنزين على الربع ولو بطلت ارفع الكنبه الخلفييه ومكان طرمبه البنزين اديها دقتين بايدك كده هتدور معاك انشالله
وبعد كده حاول تغيرها انشالله

**AlGazar2** · 04-02-2013 11:10 AM

فى الغالب بنزين مغشوش

غير كده يبقى تفتح علبه الفيوزات و تراجع على فيوز الطرمبه و الفيوز الرئيسى و تشيك على قواطيش البطاريه و التوصيلات الارضيه للماتور

**beshomilan** · 04-02-2013 11:22 AM

الموضوع بسيط
افتح الكبوت واخبط على قواطيش البطاريه بأى مفك او حركهم فمكانهم يمين وشمال
ودور وهتدور معاك بأذن الله :)

**moumen_hs** · 04-02-2013 11:28 AM

المشاركة الأصلية كتبت بواسطة mado83

لو الطرمبه فى التانك وسعدتك فولت العربيه وهيا اقل من الربع ممكن تعمل الموضوع ده
لان الطرمبه بتكون سخنت والنزين بيعمل على تبريدها وده بيحصل فى كل العربيات اللانوس
وحلها ان حضرتك تفول اول ماتشوف علامه البنزين على الربع ولو بطلت ارفع الكنبه الخلفييه ومكان طرمبه البنزين اديها دقتين بايدك كده هتدور معاك انشالله
وبعد كده حاول تغيرها انشالله

فعلا دة بحصل فى الانوس وكان الحل عدم تفويل السيارة للاخر وحضرتك تحاول تفك فيشة الطرمبة لو وجدت بنزين على الفيشة نشفة كويس وركب الفيشة واضغط على الترامل ودور العربية وتاكد أن موتور الطرمبة بيدور وبتسمع صوتة لانة لو مش بيدور والفيشة متوصلة كويس يبقى كدة محتاج تغير الموتور الطرمبة ودة شائع فى معظم الطرمبات الكورة والمليزى

**husseinodeba** · 04-02-2013 02:59 PM

انا لسه راجع ممن الشغل حالا
هروح اجرب النصائح اللى حاضراتكم نبتونى ليها واشوف
على فكره المشكله مش فى البطاريه ولا فى القطاش
ممكن تكون فعلا الطربه او الفيوز بتتاعها
ان شاء الله خير ......هجرب وارد عليكم

**husseinodeba** · 04-02-2013 11:47 PM

ياجماع الحمد لله المشكله اتحلت وكان سببها البنزين الوسخ اللى كله مياه

بعد ما عرفت بالصدفه ان اللمشكله هى البنزين وانا ببص اذا كان فيه بنزين واصل للمتور ولا لا واكتشفت ان اللى داخل على المتور حاجه لونها ابيض وريحتها ززى البنزين

فضيت التانك وشلت طرومبه البنزين ونظفت التانك ونشفته وحطيت بنزين نظيف وجربت والحمد لله اشتغلت
اسف مش شارح بالتفصيل بس اليوم كان طويل وعملت كل حاجه تقريبا لوحدى بعد نصايحكم ليه ومساعده اثنيتن من اصدقاء العممل
كل الشكر لكمساه او حاول انا يساهم فى المشاركه

الموضوع: بعد ما فولت .... اللعربيه ما قامتش

LinkBack

أدوات الموضوع

عرض

بعد ما فولت .... اللعربيه ما قامتش - انشر الموضوع فى :

-

-

-

-

المواضيع المتشابهه

فىن تتباع الأجهزة لتحويل 12 فولت إلى 220 فولت ؟

220 فولت فى العربيه

هى لمض الفوانيس كام فولت فى 128

وصلة 12 فولت

انا فولت 52 لتر !!!

الكلمات الدلالية لهذا الموضوع

المفضلات

المفضلات

ضوابط المشاركة