استفسار بسيط............

**Moustafa Al-mansy** · 29-07-2008 10:51 AM

السلام عليكم يا جماعة:)

عندي 3 أسئلة:

1. أنا عندي بوش في الدركسيون.........لو البوش دة من علبة الدركسيون هل ممكن يتصلح؟؟؟؟؟؟؟؟؟؟

2. العربية لما أكسر يمين أو شمال بسمع صوت طقطقة......انا اعتقد ان دة صوت الكبالين........هل ممكن تتصلح؟؟؟؟؟؟؟؟؟؟؟؟

3. اية الفرق بين الكوبلن الداخلي و الكوبلن الخارجي؟؟؟؟؟؟؟؟؟؟؟؟؟؟؟؟؟

**mohamed ibiza** · 29-07-2008 11:17 AM

البوش يا باشا عبارة عن مساحة فاضية بتروح للعفشجي تقوله شيلي البوش هينط تحت العربية و هيشيل البوش و الدركسيون هيتقل اوووووووووووووووووووووي بعدها في الابيزا عندي كنت حاسس اني راكب لادا بعد ما شلت البوش بس بعدها بأسبوعين مقولكش باور ستيرنج كامل والله

طقطقة الكبالن لو تقدر تنزل دلوقتي تجيب جوز كبالن و تروح للعفشجي يشيل و يحط الجديد و بعدها تظبط زوايا و متسهاش عليهم عشان لو فرطوا منك العربية هتقف و مش هتمشي انا عندي غيرت كبالن الفابريقة يوم 9-4-2008 و كانوا علي بليه واحده متعملش زيي غيرهم بسرعة لان كده كده كبيرهم اسبوعين 3 و هيفرطوا علي ايه المشاكل بقي من الاخر انجزهم بسرعة و دي مش كبالن مرسيدس و بي ام مش بتفرط و بتعد تسقف و خلاص و بتبقي ورا لا كبالن الجر الامامي مبتتصلحش و متسمعش كلام واحد بيفتي و يقولك شحمهم و بتاع ده كلا ممنوش فايدة و هيتغيروا هيتغيروا لان اساسا سبب بوظان الكبالن ان كاوتش الكوبلن بيبوظ بالتالي الشحم اللي جواه بينزل و يسيح و البلي يعد يحك في بعضه بالتالي الكوبلن بيبوظ

الكبالن جزأين اللي بيطقطق عندك ده اسمه راس كوبلن بيبقي برا كده اما الكوبلن نفسه من جوا بيبقي معمر اوي و نادرا لما تسمع ان حد غير كوبلن كامل

و اخبط دي يا مورجان :D

**Moustafa Al-mansy** · 29-07-2008 11:31 AM

شكرا يا محمد باشا...........

**mohamed ibiza** · 29-07-2008 11:47 AM

المشاركة الأصلية كتبت بواسطة Moustafa Al-mansy

شكرا يا محمد باشا...........

اي خدعه :D:d

**M.Mokhtar** · 30-07-2008 11:21 AM

المشاركة الأصلية كتبت بواسطة mohamed ibiza

و اخبط دي يا مورجان :D

معندكش شاى بالياسمين :)

اخبطنى بقى شويه شرح على الماشى للصوره دى

وعايزين نلم رجاله الهرم ونعمل مقابله قريب عشان بجد عايز اتعرف بالناس الحلوه دى

**ENG\AHMED** · 05-08-2008 07:52 PM

المشاركة الأصلية كتبت بواسطة mimysheckles

معندكش شاى بالياسمين :)

اخبطنى بقى شويه شرح على الماشى للصوره دى

وعايزين نلم رجاله الهرم ونعمل مقابله قريب عشان بجد عايز اتعرف بالناس الحلوه دى

عايز تعرف اية يامخ :)...دة ياسيدى كوبلن كامل من الفتيس للعجلة
الجزء اللى على شمال الصورة (اللى طرفة زى الكوباية) دة بيدخل فى الفتيس وال coupling هنا معمول علشان يسمح بحركة العجلة فوق وتحت مع حركة المقصات سواء مع التحميل او المطبات او...... فى نفس الوقت مع دوران العجلة
النص التانى دة اللى ناحية العجلة ودة علشان يسمح بلف العجلة يمين وشمال مع دورانها حول محورها
ودة اللى عادة فية المشاكل لأن مع الوقت بيبدأ كاوتش الكوبلن يبوظ نتيجة التمدد والانكماش مع الدوران والحرارة والمية ويدخل تراب ومية ويبوظ البلى او مع الدورانات الحادة وسرعات عالية بيقى الاجهادات علية عالية ومع التكرار بيبدأ يطقطق عكس الكوبلن الداخلى بيبقى حركتة محدودة نوعا ما ومفيش اجهادات كتير علية وعمر الكاوتش اعلى